Heilsuvernd - 01.12.1952, Qupperneq 34

126
HEILSUVERND
Á þessari sorglegu sjúkdóma öld
er sjálfsagt vel heilsu að gæta.
I Samkomuhúsinu — hálfníu í kviild —
við heitum á ykkur að mæta.
Af áhugamálum við eigum til nóg,
og einmitt þau verðum að ræða.
En fádæma tómlæti um fundi er þó
hjá flestöllum hreinasta mæða.
í bróðerni þetta ég bendi nú á
og blíðlega verð það að segja,
að Heilsuvernd nýstofnuð hér ekki má
halla sér út af og deyja!
Gjafir í Heilsuhælissjóð. Álieit frá hörgdælskum hjónum kr.
1000. Áheit frá Þórunni Guðjónsdóttur kr. 100. Áheit frá velunnara
kr. 75. Anna Jóhannsdóttir og Sigfús Jónsson, Bessastöðum,
Fljótsdal kr. 100. Magnús Árnason, Krónustöðum kr. 50. Á. G.
kr. 100. Jason Sigurðsson kr. 50. Ágúst Sæmundsson kr. 500. IJelgi
Hjartarson kr. 1500.
Gjöf í Afmælissjóð Jónasar Kristjánssonar. Á 82 ára afmælis-
dcgi læknisins barst sjóðnum gjöf frá .1. H. að upphæð kr. 500,00.
Gefendum eru hérmeð færðar liugheilar þakkir.
Kornmyllur. ísafjarðardeildin á von á myllu innan skamms.
Félagið hélt nýlega basar lil þess að afla fjár til myllukaupanna.
Um helmingur félagsmanna gaf muni á basarinn, og varð ágóðinn
um kr. 1000,00.
Sænsk kvikmynd. N. L. F. í. hefir fcngið að láni sænska kvik-
mynd, sem tekin var fyrir nokkrum árum og sýnir lifnaðarhætti
Are Waerlands og þýðingu þeirra fyrir heilsuna. Myndin gengur
hér undir nafninu: Leiðin til heilbrigði (heitir á sænsku: Hiilsans
okanda stigar). Hún hefir þegar verið sýnd í Reykjavik og í
Hafnarfirði og er nú á ferð milli þeirra félagsdeilda, er óskað
hafa eftir henni.
Fundur í Hafnarfirði. Sænska kvikmyndin Leiðin til heilbrigði
var sýnd í Sjálfstæðishúsinu í Hafnarfirði 5. nóv. Jónas læknir
Kristjánsson flutti þar erindi um varðveizlu heilsunnar, og Björn
L. Jónsson las upp úr bókinni Nýjum leiðum II kafla úr ritgerð
eftir ameriskan lækni um meðferð ungbarna.