Heilsuvernd - 01.12.1959, Qupperneq 14

106
HEILSUVERND
Eru þá úr gildi fallin öll lögmál, sem eiga að vernda ein-
staklinginn og rétt hans til lífsins? Er nokkur heilbrigð
skynsemi í því að verja fjármunum okkar til þess að fram-
leiða eyðingartæki, sem aldrei verður hægt að nota til
varnar, vegna þess að þau hlytu að granda einnig þeim,
sem þeim væri ætlað að verja?
Sænsku dagblöðin sögðu hinn 11. ágúst 1958 frá skýrslu
nefndar vísindamanna, sem Sameinuðu þjóðirnar höfðu fal-
ið að rannsaka hætturnar af geislavirkum efnum. Skýrslan
er mjög varfærnislega samin. Hér fara á eftir smákaflar
úr Dagens Nyheter:
„Nefndin varaði við því að leggja of lítið upp úr hætt-
unni af hinum geislavirku efnum og taldi miklu skipta, að
hætt væri tilraunum með kjarnorkuvopn. Tveggja ára
rannsóknir á geislavirkni hafa sýnt, að hún hefir aukizt
um allan heim vegna kjarnasprenginganna. Af þessu leiðir
nýja og að mestu óþekkta hættu fyrir núlifandi og komandi
kynslóðir.
Allar ráðstafanir til að draga úr geislavirkni stuðla því
að því að vernda heilsu mannkynsins. Slíkar ráðstafanir
eru annars vegar í því fólgnar að verja menn, sem vinna
við nýtingu kjarnorkunnar til lækninga, í iðnaði og við
önnur friðsamleg störf, gegn skaðlegum verkunum hennar,
og í annan stað að taka fyrir mengun umhverfis okkar
út frá kjarnasprengjutilraunum.
Af rannsóknum nefndarinnar verður dregin sú augljósa
ályktun, að jafnvel minnsta geislamagn geti valdið tjóni á
erfðastofnum og öðrum líkamlegum skemmdum, og enn-
fremur að tjón á erfðastofnum geti náð til heillar þjóðar,
ef geislunaráhrifin ná til hópa af unglingum um eða undir
kynþroska, vegna verkana á kynkirtla þeirra“.
o—O—o
Albert Schweitzer hefir lýst á ógnvekjandi hátt ástand-
inu í dag. Það þarf ekki einu sinni styrjöld til að koma af
stað atburðakeðju, er gæti valdið tortímingu jarðarbúa.
Líf okkar hangir á þræði. Það er efnishyggjan, sem með