Heilsuvernd - 01.12.1959, Qupperneq 16

108
HEILSUVERND
Samtök vísindamanna um allan heim, þeirra á meðal
læknar, lífefnafræðingar, næringarfræðingar, yfirlæknar
við heilsuverndarstöðvar og heilsuhæli, jarðræktarfræð-
ingar o. fl. o. fl., hafa á ársþingum sínum skorað á ráða-
menn þjóðanna að taka fyrir frekari eitrun á umhverfi
okkar. Þeir halda því fram, að árið 1956 hafi geislavirkni
loftsins viða verið komin 16 sinnum yfir hættumarkið.
Hvað getur almenningur aðhafzt í þessu máli? Eru
okkur ekki allar bjargir bannaðar?
Nei, ennþá er hægt að benda á ráð til varnar. Þýzkir
vísindamenn vinna af kappi að því að leita að vörnum gegn
hinum geislavirku efnum. M. a. er rannsakað, hvort til
séu nokkur þau matvæli, sem geta eytt verkunum geisl-
anna. Einn þessara vísindamanna er dr. Rudolf Kraft í
Heilbronn. Margra ára tilraunir hans benda til þess, að
bezta mataræðið í þessu tilliti sé ósoðið mjólkur- og jurta-
fæði. Það mun ekki vera rétt, sem sumir hafa haldið fram,
að matvæli úr jurtaríkinu séu mjög geislavirk; í líkama
dýra og í egg safnast miklu meira af geislavirkum efnum,
eins og áður hefir verið lýst. Dr. Kraft hefir sýnt með
rannsóknum sínum, að hrár safi úr rótarávöxtum, aldinum,
berjum og grænum blöðum veitir nokkra vörn. Beztur er
seigfljótandi safi, eins og t. d. úr fíflablöðum. Og súrmjólk-
ina telur hann þó enn áhrifaríkari.
Víða um lönd eru menn nú farnir að krefjast þess, að
matvælum í sölubúðum fylgi upplýsingar um það, hvort
þau hafi verið blönduð eða úðuð með skaðlegum geymslu-
efnum. En slík efni eru þó harla meinlaus hjá hinum stór-
hættulegu eða banvænu geislavirku efnum. Þar væri enn
meiri þörf á fullkomnu eftirliti.
Hversu lengi hafa ráðamenn þjóðanna vald á rás at-
burðanna? Hve langt verður að bíða þess dags, að rætist
spádómar vísindamanna um eyðileggingu á gróðurmagni
moldar og almenna hungursneyð?
Menning kjarnorkualdar er afskræming á öllum hug-
myndum okkar um athafnafrelsi mannsins, rétt hans til