Heilsuvernd - 01.10.1963, Blaðsíða 19

meginorsök tanná'.u verði að telja sykur, sælgæti, kökur og önnur
slík sætindi. Er þar um að ræða bein áhrif sykurs og kolvetna á
gerlagróður og myndun sýru í munni og ennfremur skort næringar-
efna, stafandi af mikilli neyzlu hinna einhæfu kolvetna. Hver þau
næringarefni kunna að vera, vita menn ekki nema að litlu leyti, og
það af þeirri einföldu ástæðu, að margt er enn á huldu um eiginleika
fæðunnar og efnasamsetningu. En eitt er víst: 011 þau efni, sem lík-
aminn þarfnast, er að finna í náttúrlegri, óspilltri fæðu, og virðist
ekki þurfa mikla fjölbreytni í fæðuvali til að fullnægja efnaþörf
líkamans. Af þessu leiðir, að meðan þekking okkar tekur ekki yfir
nema brot — og það ef til vill lítið brot — af eiginleikum fæðunnar,
er eina örugga leiðin til að bæta úr efnaskorti í daglegu fæði í þvi
fólgin, að hverfa í áttina til frumstæðra matarhátta, m. a. og fyrst og
fremst með því að leggja niður eða draga stórlega úr neyzlu tveggja
hinna efnasnauðustu fæðutegunda, sem þekktar eru, en það eru sykur
og hvít mjölvara. Það er margföld reynsla, að á stríðstímum dregur
mjög úr tannskemmdum í mörgum löndum, svo og úr ýmsum sjúk-
dómum, sem standa í sambandi við mataræðið. Og ástæðan er sú, að
neyzla nefndra matvörutegunda minnkar verulega. Með áróðri og
öðrum ráðstöfunum ætti að mega ná ekki síðri árangri. En til þess
þarf meira til en að einn og einn maður, ef til vill stimplaður af
lærðum og leikum sem sérvitringur og ofstækismaður, kvaki við og
við yfir fámennum hópi áheyrenda eða lesenda. Það þarf að skera
upp herör áhrifamanna úr stéttum lærðra og leikra. Það mun óhætt
að fullyrða, að nú þegar sé fyrir hendi skilningur á þessum hlutum.
En samtökin vantar. Og það skal fúslega viðurkennt, að hér sem oft-
ar er auðveldara að sýna fram á gallana en að benda á raunhæfar
leiðir til úrbóta. RLJ.
Gainanmál
Danski rithöfundurinn frú Karen Blixen segir svo um sköpunar-
verkið:
Fyrst skapaði Guð manninn. Eg byrja líka alltaf á því að gera
uppkast.
HEILSUVERND
139