Heilsuvernd - 01.08.1972, Blaðsíða 20

inni í rófunum, en meðan þær hafa ekki komizt lengra en í ræt-
urnar, er von um að geta stuggað þeim á brott.
Ný grænmetisuppskera
Enn er ekki of seint að sá hreðku-, salat- og spínatfræi, sem
gefur uppskeru fram á haust og má það vera húsmóðurinni kær-
komin fjölbreytni á matborðinu.
Safnhaugurinn
Þá má ekki gleyma að undirbúa safnhaug til notkunar á næsta
vori. Grasi og jurtaleifum er safnað í haug, og saman við það
er blandað mold og dálitlu kalki, annars er hætta á rotnun með
daunillum og skaðlegum niðurbrotsefnum, í stað hins æskilega
gerlagróðurs, sem framleiðir lífrænan og þægilega lyktandi áburð.
Blaðlúsin
Nú eru efstu ribsblöðin farin að leggjast saman og hætt við,
að blaðlúsin sæki á þau. En með því að sprauta á þau úr slöngu
með miklum þrýstingi og beina bununni upp á við má takast að
skola lúsina af blöðunum, svo framarlega að þau hafi ekki alveg
lokazt, en þá verður engum vörnum við komið. Annars hefir nú
í sumar fremur lítið borið á meindýrum á trjám, jafnvel þar sem
eitruð úðunarlyf hafa ekki verið notuð.
Fundur í NLFR
Föstudaginn 19. maí 1972 kl. 21 var fundur í Náttúrlækninga-
félagi Reykjavíkur í matstofu félagsins, Kirkjustræti 8.
Hinn nýkjörni formaður, Eggert Kristinsson, setti fundinn,
skýrði frá verkaskiptingu stjórnar (sjá síðasta hefti) og bauð
hina nýju stjórnarmeðlimi velkomna til starfsins. Jafnframt þakk-
aði hann Önnu Matthíasdóttur og Njáli Þórarinssyni, sem gengu
úr stjórn á síðasta aðalfundi og gáfu ekki kost á sér til endurkjörs
fyrir frábær störf í þágu félagsins á undanförnum árum. Þá las
hann fundargjörð síðasta fundar, sem var venju fremur löng,
116
HEILSUVERND