19. júní - 19.06.2018, Blaðsíða 27

Ársrit Kvenréttindafélags Íslands | 25
Sumir hóparnir bjuggu til sitt
eigið myllumerki auk #MeToo en aðrir
hópar nýttu sterk myllumerki sem fyrir
voru eins og #höfumhátt, #konurtala og
#viðerumgosið. Ekki voru allar konur
sem deildu sögum sínum tilbúnar til
að gera þær opinberar og því fylgdu
ekki allar sögurnar sem fram komu
í hópunum með yfirlýsingum þeirra.
Þá völdu sumar konur að koma fram
undir nafni og segja sínar eigin sögur í
fjölmiðlum.
Hver einasti #MeToo-hópur sýndi
fádæma hugrekki og dug með því að
konur tóku sig saman og komu frá-
sögnum og yfirlýsingum á framfæri.
Nokkrir hópar vöktu meiri athygli en
aðrir. Sögur kvenna í sviðslistum og
kvikmyndagerð opnuðu augu fólks fyrir
því hvernig menning kynferðislegrar
niðurlægingar og valdníðslu virtist inn-
gróin í menntastofnanir í faginu sem
skilar sér svo beint út í starfsumhverfið.
Sögur kvenna í íþróttahreyfingunni af
niðurlægjandi orðfæri í garð kvenna-
íþrótta og grófri aðstöðu- og valda-
misnotkun sem bæði náði til áreitni
og kynferðisofbeldis slógu heldur á
ímynd íþróttaiðkunar sem heilbrigðs
og góðs lífernis. Sögur kvenna af
erlendum uppruna sviptu síðan hulunni
af stækum kynþáttafordómum og rétt-
og umkomuleysi kvenna sem skortir
bakland og standa því einar andspænis
vinnuveitendum og mökum.
Þann 10. desember 2017 stigu um
það bil fjörutíu konur úr fjöl mörgum
hópum og stéttum á stóra svið Borgar-
leikhússins að frumkvæði #MeToo-hóps
kvenna úr sviðslistum og kvikmyndum
og lásu upp frásagnir í tengslum við
#MeToo sem valdar höfðu verið úr þeim
hundruðum sem fram höfðu komið.
Engin kvennanna las sína eigin sögu
heldur ljáðu þær aðeins raddir sínar
nafnlausum frásögnum annarra kvenna.
Meðal þeirra sem lásu voru Katrín
Jakobsdóttir forsætisráðherra, Kolbrún
Benediktsdóttir saksóknari, Þórdís Elva
Þorvaldsdóttir rithöfundur, Halldóra
Geir harðsdóttir leikkona, Ingibjörg
Dögg Kjartansdóttir ritstjóri og Hrafn-
hildur Lúthersdóttir ólympíufari. Sam-
svar andi viðburðir fóru fram á sama
M
yn
d:
Þ
ór
ey
M
ja
llh
ví
t
H
. Ó
m
ar
sd
ót
ti
r