19. júní - 19.06.2018, Side 36

34 | 19. júní 2018
Konur í tónlist
333 konur hafa skrifað undir yfirlýsingu KÍTÓN,
félags kvenna í tónlist, sem byggð var á yfirlýsingu
kvenna í sviðslistum og kvikmyndagerð. Meðfylgjandi
er tilkynning tónlistarkvenna og 25 sögur úr okkar röð-
um.
Kynferðisofbeldi, áreitni og kynbundin mis-
munun á sér stað í tónlistariðnaðinum, rétt eins og
annars staðar í samfélaginu. Þá gerir smæð bransans
og takmarkaður fjöldi tækifæra aðstæður erfiðari.
Meðfylgjandi eru nafnlausar frásagnir kvenna sem lýsa
reynslu sinni.
Óþarfi er að taka fram að allir karlar gerast
ekki sekir um áreitni eða mismunun – en hins vegar
verða nær allar konur fyrir því á starfsferli sínum og
það er algerlega óásættanlegt. Við krefjumst þess að
karlkyns samverkamenn okkar taki ábyrgð; að yfirvöld,
fjölmiðlafólk, tónleikahaldarar, umboðsfyrirtæki og
samtök innan tónlistariðnaðarins taki af festu á málinu
og komi sér upp verkferlum og viðbragðsáætlun.
Við eigum ekki að þurfa að þegja lengur né leiða
ástandið hjá okkur. Við verðskuldum að okkur sé trúað
og sýndur stuðningur. Fyrst og fremst á misréttinu að
linna.
Við krefjumst þess að fá að vinna vinnuna okkar
án áreitni, ofbeldis eða mismununar.
Við stöndum saman og höfum hátt! #MeToo
#ískuggavaldsins #höfumhátt