19. júní - 19.06.2018, Page 38

36 | 19. júní 2018
Konur í vísindum
Á fjórða hundrað konur skora á vísindasamfélagið
að uppræta kynbundna og kynferðislega áreitni og
ofbeldi.
Kynbundin áreitni, kynferðisleg áreitni og ofbeldi
þrífst í vísinda samfélaginu eins og annars staðar. Konur
úr öllum geirum vísindasamfélagsins hafa í vikunni
deilt reynslusögum sínum í lokuðum Facebook-hóp.
Í sögunum sést skýrt hversu mikil áhrif þessi vandi
hefur á starfsumhverfi kvenna í vísindum, bæði innan
háskólasamfélagsins og í stofnunum og fyrirtækjum.
Þótt margar stofnanir hafi sett sér viðbragðsáætlanir
og markað stefnu í þessum málum vantar mikið upp
á að áætlanir virki og stefnum sé fylgt. Við viljum sjá
breytingu hér á. Á degi háskólasamfélagsins þann
1. desember beinum við því eftirfarandi áskorun til
háskóla, þekkingarstofnana og -fyrirtækja:
Í skugga valdsins innan vísindastarfa #MeToo
#ískuggavaldsins
1. Kynferðisofbeldi og áreitni á sér stað innan
vísinda samfélagsins rétt eins og annars staðar í
samfélaginu.
2. Meðfylgjandi eru frásagnir kvenna sem lýsa reynslu
sinni (nafnlaust).
3. Það verður að verða breyting á. Við krefjumst þess
að allir karlar taki ábyrgð, að allir vinnustaðir taki
af festu á málinu, setji sér forvarnaáætlanir og
viðbragðsreglur og lofi konum að þær þurfi ekki að
þegja meir því þær muni fá stuðning.
Við erum sterkar saman!
Undir áskorunina rita 330 konur innan vísinda-
samfélagsins.