19. júní - 19.06.2018, Page 99

Ársrit Kvenréttindafélags Íslands | 97
Noregur
Bjørg Ofstad
stjórnarkona í Norges Kvinnelobby
Miðað við önnur lönd eru lög um jafnrétti
og réttindi kvenna nokkuð góð í Noregi sem og
stjórnskipulag þar í kring. Atvinnuþátttaka kvenna er
mikil, öll börn eiga rétt á dagvistun og karlmenn taka
mikla ábyrgð á umönnun barna og heimilisstörfum.
Á síðasta ári varð þó afturför í nokkrum
mikilvægum málefnum sem snúa að stöðu kvenna.
Lög um jafnrétti kynjanna voru felld úr gildi og
í stað þeirra voru sett ný lög sem taka á fjölþættri mismunun.
Þessi nýju lög eru óskýr hvað kynin varðar og staða jafnréttis- og
mismununarráðs er ekki eins sterk og áður. Ný nefnd sem á að
taka á málum tengdum mismunun á að fjalla um áreitni en þó ekki
kynferðislega áreitni.
Lögregla og dómstólar taka ásakanir um ofbeldi, nauðganir
og áreitni ekki nógu alvarlega. Margar konur eru aðeins ráðnar í
hlutastarf og geta því ekki séð fyrir sér sjálfar. Þingið gerði nýlega
breytingar á vinnuréttarlöggjöfinni og eru ákvæði um ráðningarrétt
nú veikari en áður. Kvennahreyfingin krefst þess að fleiri fái fastar
stöður og fullt starfshlutfall. Mæður og börn eru nú send heim
af sjúkrahúsum fljótlega eftir fæðingu. Kvennahreyfingin krefst
öruggrar fæðingarþjónustu, fleiri ljósmæðra og lengri sængurlegu
á sjúkrahúsi.
Það er fagnaðarefni að nú standi til að lengja feðraorlofið.
Auk þess er ánægjulegt að sífellt fleiri ungar konur berjist gegn
því að vera beittar ofríki af eigin fjölskyldu og lýsi því yfir að
heiðursmenning sé menningarleysi.