19. júní - 19.06.2018, Side 100

98 | 19. júní 2018
Svíþjóð
Eitt af þeim málefnum sem hafa verið í brennidepli í Svíþjóð er
þjónusta við konur í fæðingu og sængurlegu. Mikið álag hefur verið á
fæðingardeildum og starfsemi þeirra ekki verið metin að verðleikum.
Konur hafa mótmælt skorti á stuðningi í fæðingu og ljósmæður vitna
um erfið vinnuskilyrði. Sveriges Kvinnolobby hefur krafist þess að
ríkisstjórnin setji ákveðið fjármagn í að tryggja konum um allt land
örugga fæðingarþjónustu.
Við höfum einnig þrýst á um að jafnrétti kynjanna sé haft að
leiðarljósi í málefnum innflytjenda. Stór hópur kvenna og stúlkna,
sem margar eru af erlendum uppruna, hefur ekki hlotið nauðsynlegan
stuðning til að verða sér úti um atvinnu eða öðlast fjárhagslegt
sjálfstæði.
Mikilvægur sigur vannst á síðasta ári þegar ríkisstjórnin lagði
til að sænsk lög um vændiskaup skyldu einnig ná yfir sænska
ríkisborgara sem keyptu vændi erlendis en það hefur lengi verið
baráttumál Sveriges Kvinnolobby. Annað mikilvægt skref var tekið
þegar sænska ríkisstjórnin tilkynnti að staðgöngumæðrun yrði ekki
heimil í sænska heilbrigðiskerfinu. Nú þarf bara að fylgja því eftir
með því að banna Svíum að gera konur og börn að söluvöru með því
að kaupa staðgöngumæðrun erlendis frá.
Hanna Carlsson
starfsnemi hjá Sveriges Kvinnolobby