19. júní - 19.06.2018, Page 111

Ársrit Kvenréttindafélags Íslands | 109
hvaða aðilar gætu séð um jafnlaunavottunina;
benti á að eftirlit með jafnlaunavottun væri
óþarflega flókið og hvatti til að aðeins einn
aðili hefði eftirlit með vottuninni, það er að
segja Jafnréttisstofa; auk þess sem hvatt var til
þess að starfsemi hennar yrði efld til muna.
UMSögN UM LÆKKUN
KOSNINgAALDURS TIL
SVeITARTJóRNARKOSNINgA
18. maí 2017 skilaði Kvenréttindafélag
Íslands inn umsögn um frumvarp til laga
um breytingu á lögum um kosningar til
sveitarstjórna, kosningaaldur.
Félagið fagnaði því að fyrir Alþingi
lægi frumvarp um breytingu á kosningaaldri í
sveitarstjórnakosningum og hvatti til þess að
það yrði að lögum. Í umsögninni kom fram að
Kvenréttindafélagið hefði verið stofnað 1907
til að berjast fyrir kosningarétti kvenna. Síðan
þá hefði Kvenréttindafélagið ávallt unnið
að því að auka og styðja þátttöku kvenna í
lýðræðislegri umræðu og ákvarðanatöku.
Félagið styddi því allar tillögur sem miðuðu að
því að efla lýðræði og auka þátttöku fólks, þar
á meðal kvenna, í kosningum.
UMSögN UM BReyTINgU Á
BARNAVeRNDARLögUM, TÁLMUN
29. maí 2017 skilaði Kvenréttindafélag
Íslands inn umsögn um frumvarp til laga um
breytingu á barnaverndarlögum sem fól í sér
refsingu við tálmun eða takmörkun á umgengni.
Kvenréttindafélagið taldi að stíga
þyrfti varlega til jarðar þegar kæmi að því að
beita refsingum við tálmun eða takmörkun á
umgengni. Kvenréttindafélagið benti á að þær
heimildir sem sýslumaður hefði nú þegar, þ.e.
48. gr. barnalaga um dagsektir, ættu að duga
til þess að tryggja rétt barna til umgengni við
foreldra sína. Einnig gerði félagið athugasemdir
við vinnslu frumvarpsins en þar vantaði alveg
tilvísanir í rannsóknir og tölfræði um algengi
tálmunar og takmörkunar á umgengni.
UMSögN UM BReyTINgU
Á HegNINgARLögUM,
KyNFeRÐISBROT
29. maí 2017 skilaði Kvenréttindafélag
Íslands inn umsögn um frumvarp til laga
um breytingu á almennum hegningarlögum
þar sem lögð var til breyting á 194. grein
hegningarlaganna sem tekur á nauðgunum.
Í frumvarpinu var lagt til að nauðgun yrði
skilgreind út frá skorti á samþykki.
Kvenréttindafélagið fagnaði frum varp inu
og þeirri áherslu á kynfrelsi og sjálfs ákvörð un ar-
rétt varðandi kynlíf, líkama og tilfinningalíf sem
endurspeglaðist í því. Kvenréttindafélagið tók
undir þau sjónarmið sem lýst var í greinargerð
með frumvarpinu að áhersla á samþykki
eða skort á því gæti breytt viðhorfum til
kynferðisbrota og haft áhrif á um ræðu um
kynlíf almennt meðal fólks, ekki síst ungs fólks.
Kvenréttindafélagið hvatti enn frem ur til þess
að skoðað yrði hvernig það hefði gefist í öðrum
löndum að gera gáleysi refsivert.
UMSögN UM RegLUgeRÐ UM
VOTTUN Á JAFNLAUNAKeRFUM
7. nóvember 2017 skilaði Kvenréttinda-
félag Íslands inn umsögn um drög að reglugerð
um vottun á jafnlaunakerfum fyrirtækja og
stofnana á grundvelli jafnlaunastaðalsins ÍST85.
Kvenréttindafélagið hvatti til þess að
í reglugerðinni væri gagnsæi framkvæmdar
vottunar tryggt og að vottunarferlið og
gögnin sem jafnlaunavottunin byggist á,
þar á meðal mat á störfum, yrðu skýr og
aðgengileg starfsfólki fyrirtækja sem undir
lögin féllu. Félagið lagði enn fremur áherslu á
að það verkefni að innleiða jafnlaunastaðalinn
hjá fyrirtækjum og stofnunum með 25
starfsmenn eða fleiri væri gríðarlega stórt og
mikilvægt væri að vel tækist til. Félagið hvatti
til þess að Jafnréttisstofu yrði tryggður sá
mannafli sem nauðsynlegur væri vegna þeirra
viðbótarverkefna sem jafnlaunavottunin færði
stofnuninni.
Ályktanir, áskoranir
og erindi
Kvenréttindafélag Íslands sendi
frá sér níu ályktanir, áskoranir og erindi
árið 2017 og eina kæru til kærunefndar
jafnréttismála.
9. janúar 2017 skoraði Kvenréttinda félag
Íslands á þingmenn að tryggja jöfn kynjahlutföll