Morgunblaðið - 18.08.2021, Blaðsíða 2

2 FRÉTTIR
Innlent
MORGUNBLAÐIÐ MIÐVIKUDAGUR 18. ÁGÚST 2021
Funahöfða 7, 110 Reykjavík | Sími 577 6666
& "!(%'$#
"$&'%#!
"-+ ! !" &,'*)%(!$#
Kæli- & frystiklefar
í öllum stærðum
Morgunblaðið Hádegismóum 2, 110 Reykjavík. Sími 569 1100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Andrés Magnússon andres@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson
menning@mbl.is Viðskipti Stefán E. Stefánsson vidskipti@mbl.is Íþróttir Víðir Sigurðsson sport@mbl.is mbl.is Jón Pétur Jónsson netfrett@mbl.is Smartland Marta María Jónasdóttir smartland@mbl.is Umræðan | Minningar mbl.is/sendagrein Prentun Landsprent ehf.
Helgi Bjarnason
helgi@mbl.is
Kafarar frá Landhelgisgæslunni
hefja í dag skoðun og skrásetningu
flaksins af El Grillo sem liggur á
botni fjarðarins. Tilgangurinn er að
kanna umfang olíuleka úr tönkum
skipsins og hvaða möguleikar eru á
að loka fyrir lekann til bráðabirgða.
Olía lekur gjarnan úr El Grillo á
sumrin, þegar sjórinn hitnar. Í maí á
síðasta ári steyptu starfsmenn Gæsl-
unnar í mannop á einum tanki flaks-
ins en þaðan lak olía til yfirborðs.
Sigurður Ásgrímsson, yfirmaður
séraðgerða hjá Landhelgisgæslunni,
segir að það komi starfsmönnum
Gæslunnar ekki á óvart að byrjað
hafi að leka aftur. Hann segir að við-
gerðin í fyrra hafi haldið en þeir hafi
vitað að þetta vandamál gætið hang-
ið yfir mönnum áfram. Hann veltir
því fyrir sér hvort aurskriðan sem
féll á bæinn í desember og í sjó fram
kunni að hafa aukið á vandann. Telur
líklegt að flóðbylgja undan aurnum
hafi ýtt við skipinu.
Hafnarstjórar bera ábyrgð á að
grípa til ráðstafana vegna bráða-
mengunar innan hafnarsvæða. Rún-
ar Gunnarsson, yfirhafnarvörður við
Seyðisfjarðarhöfn, segir að erfitt sé
að fanga olíuna sem lekið hefur úr
skipinu síðustu daga með þeim bún-
aði sem höfnin hefur yfir að ráða, ef
það sé þá yfirleitt hægt. Hann segir
að rætt hafi verið við Umhverfis-
stofnun um hugsanlegar aðgerðir.
Spurður um varanlega lausn segir
Rúnar að ekkert annað sé í stöðunni
en að fjarlægja skipið. El Grillo sé að
tærast í sundur. Hann vonast eftir
því að skoðun Landhelgisgæslunnar
gefi betri mynd af því hvað er að ger-
ast í flakinu.
Mikið mál að fjarlægja flak
Sigurður Ásgrímsson bendir á að
bresk skip hafi sokkið eða verið
sökkt víða um heim í seinni heims-
styrjöldinni. Hann hefur ekki heyrt
að reynt hafi verið að fjarlægja skip-
in þótt þau valdi mengun enda sé það
mikið mál. Rúnar segir óljóst hver
beri ábyrgð á flakinu, bresk eða ís-
lensk stjórnvöld. Hann segist ekki
vita til þess að fundist hafi skjöl um
að íslensk stjórnvöld hafi losað Breta
undan ábyrgð. Á meðan svo sé hljóti
bresk stjórnvöld að axla ábyrgðina.
Fiskeldi Austfjarða er með í um-
hverfismatsferli 10 þúsund tonna
eldi í sjókvíum í Seyðisfirði. Rúnar
telur aðspurður að olíulekinn hljóti
að hafa áhrif á áform um ræktun
matvæla í firðinum. Þótt olían komi
upp innarlega í firðinum berist hún
út fjörðinn með straumum.
Talið var að níu þúsund tonn af ol-
íu hefðu verið í El Grillo þegar þýsk-
ar herflugvélar gerðu árás á skipið í
febrúar 1944. Olía lak úr skipinu eða
var dælt úr því áður en það sökk og
tvisvar síðan hefur olía verið hreins-
uð úr tönkum þess, síðast árið 2001.
Fjórir kafarar Landhelgisgæsl-
unnar fóru austur í gær og hefja
væntanlega í dag starf sitt. Sigurður
segir áætlað að þeir verði þar í fjóra
daga. Að því búnu munu Umhverfis-
stofnun, Landhelgisgæslan og höfn-
in skoða saman til hvaða aðgerða
best er að grípa vegna olíulekans.
Kafarar Gæslunnar kanna aðstæður
- Umhverfisstofnun, Landhelgisgæslan og hafnaryfirvöld meta aðgerðir vegna olíumengunar frá flaki
El Grillo í Seyðisfirði þegar kafarar hafa kortlagt vandann - Hafnarvörður vill láta fjarlægja flakið
Morgunblaðið/Eggert
Skriða Aurinn flæddi í sjó fram og kann að hafa hreyft við flaki El Grillo.
Þóra Birna Ingvarsdóttir
thorab@mbl.is
Vandinn liggur hjá Landspítalanum
en ekki hjá Háskóla Íslands, að mati
Þórarins Guðjónssonar sem tók ný-
verið við sem
deildarforseti
læknadeildar. Á
hann þá við þann
vanda að ekki sé
hægt að taka á
móti nema litlum
hluta þeirra nem-
enda sem hafa
áhuga á að
stunda nám við
læknadeildina
hvert ár þótt
Landspítalinn standi frammi fyrir
gríðarlegum mönnunarvanda og hafi
gert það um alllangt skeið.
Í vor þreyttu 328 manns inntöku-
próf í læknisfræði við Háskóla Ís-
lands en einungis efstu 60 próftök-
unum var boðið að hefja nám í haust.
Þannig var tæplega 82 prósentum
þeirra sem vildu læra læknisfræði
hafnað og munu þeir því ýmist
þreyta prófið aftur að ári, snúa sér
að öðru eða hefja nám í læknisfræði
í háskólum annarra landa. Landspít-
alinn hefur verið við þolmörk í sum-
ar vegna Covid-19 og þar ber mönn-
unarvanda einna hæst ásamt
húsnæðis- og útskriftarvanda.
Stjórn spítalans biðlaði til fólks að
snúa heim úr sumarfríum sínum
sökum manneklu og ekki er unnt að
fullnýta legurými gjörgæsludeildar
með núverandi mönnun.
Þórarinn segir að flöskuhálsinn sé
spítalinn sem geti ekki tekið við
fleiri nemendum í klíníska kennslu,
þær greinar séu yfirsetnar. Engu að
síður sé mikill hugur hjá háskólan-
um að fjölga nemendum við lækna-
deild og vonar Þórarinn að með nýj-
um og bættum spítala verði það
gerlegt.
„Stefnan er að bæta úr þessu en
ég get ekki sagt til um hvaða fjöldi
bætist við eða hvenær.“ Spurður
hvort læknadeild myndi sleppa al-
veg þeirri síu sem inntökuprófin eru
ef innviðir byðu upp á það, segir
Þórarinn að það yrðu alltaf að vera
einhverjar fjöldatakmarkanir.
LSH flöskuháls
læknadeildar HÍ
- Vilji til að taka við fleiri nemendum
Þórarinn
Guðjónsson
Unnur Freyja Víðisdóttir
unnurfreyja@mbl.is
Flóttamannanefnd Stjórnarráðsins
kom saman í gær til að ræða stöð-
una sem nú er uppi í Afganistan og
hvaða möguleika Ísland hafi til að
koma þar til aðstoðar. Þótt vel hafi
gengið að funda þarf nefndin meiri
tíma til að fullmóta tillögur sínar
um aðgerðir sem verða svo lagðar
fyrir ríkisstjórn, segir Stefán Vagn
Stefánsson, formaður flóttamanna-
nefndar í samtali við Morgunblaðið.
„Við ætlum að gefa okkur daginn í
dag í þetta,“ segir hann. „Það verð-
ur væntanlega boðað aftur til fund-
ar með nefndinni á morgun, þá
verðum við komin með aðeins
meira í hendurnar til að vinna úr.“
Stefán var ekki tilbúinn að
greina frá því hvaða hugmyndir
voru ræddar á fundinum í gær,
inntur eftir því. Það sé þó vilji
nefndarinnar að bregðast hratt við
en að taka verði ákvarðanir að
mjög vel ígrunduðu máli.
„Þótt allir vilji að hlutirnir gerist
í dag þá þurfum við þennan tíma til
þess að vinna þetta aðeins betur áð-
ur en við getum lagt fram ein-
hverjar formlegar tillögur til rík-
isstjórnarinar,“ segir Stefán að
endingu.
Flóttamannanefnd fundaði í gær
- Segist þurfa meiri tíma til að móta tillögur um aðgerðir
AFP
Landflótti Fjöldi borgara hefur reynt að flýja land vegna stríðsátakanna.
Nokkur úrkoma var á höfuðborgarsvæðinu í gær og
var því vissara að hafa regnhlífina með í för, eins og
þessi kona sem rölti um Frakkastíginn gerði í gær.
Gera má ráð fyrir svipuðu veðri í dag á suðvest-
urhorninu, því veðurkortin gera ráð fyrir að þung-
skýjað verði, þótt hitinn verði um 12-13 stig.
Morgunblaðið/Eggert
Vætusamt á höfuðborgarsvæðinu