Morgunblaðið - 05.08.2021, Blaðsíða 10

10 FRÉTTIR
Innlent
MORGUNBLAÐIÐ FIMMTUDAGUR 5. ÁGÚST 2021
Þekkingarfyrirtæki í byggingariðnaði frá 1986Eykt ehf. / Stórhöfða 34–40 / 110 Reykjavík / Sími 595 4400 / eykt.is
Vegnamikilla verkefna framundan vill Eykt ehf. ráða verkstjóra með reynslu
af uppsteypu til starfa við stjórnun framkvæmda á vegum félagsins.
Helstu verkefni:
• Dagleg verkstjórn og skipulag verkefna á byggingasvæðumEyktar
• Starfsmannahald og skipulag aðfanga í samráði við verkefnisstjóra
• Eftirfylgni með gæðakerfi Eyktar
Menntun og hæfni:
• Hæfni til samvinnu og jákvæðra samskipta
• Meistararéttindi í húsasmíði kostur
• Skipulag og agi í vinnubrögðum
Tekið er við umsóknummeð upplýsingum ummenntun
og starfsreynslu á skrifstofu Eyktar á Stórhöfða 34–40
eðameð tölvupósti á palld@eykt.is. Upplýsingar um
starfið veitir Páll Daníel Sigurðsson, framkvæmdastjóri,
á skrifstofu Eyktar.
Hlutverk Eyktar er að byggja vönduð mannvirki
sem umgjörð um daglegt líf og atvinnurekstur.
Uppsteypa
DAGMÁL
Stefán E. Stefánsson
ses@mbl.is
Bólusetning alls meginþorra al-
mennings breytir kapphlaupinu við
kórónuveiruna og ætti að gera okkur
kleift að færa lífið í fyrra horf. Þetta
er mat Önnu Hrefnu Ingimundar-
dóttur, forstöðumanns efnahags-
sviðs SA, og Óla Björns Kárasonar
alþingismanns. Þau eru gestir í Dag-
málum, streymisþætti á mbl.is sem
aðgengilegur er öllum áskrifendum
Morgunblaðsins.
Óli Björn segir að uppi sé augljós
þrýstingur á stjórnvöld um að grípa
til harkalegri aðgerða í sóttvörnum
en nú eru í gildi. Hins vegar geti
stjórnvöld ekki gripið til slíkra að-
gerða nema fyrir því sé ekki aðeins
almennur, heldur víðtækur stuðn-
ingur.
Þarf að vara í takmarkaðan
tíma en ekki til langframa
„Við munum ekki hafa þolinmæði,
við getum ekki endalaust lifað við
fyrirkomulag sem hægt er að kalla
ráðstjórnarfyrirkomulag, sem sótt-
varnir auðvitað eru, nema í besta
falli í takmarkaðan tíma og við verð-
um að sjá ljósið við enda ganganna,“
segir Óli Björn. Bóluefnið hafi verið
það ljós og að nú sýni staðan sem
upp er komin að hægt sé að grípa til
frekari afléttingar, þótt smitum
fjölgi. Innlagnir á sjúkrahús séu
hverfandi þrátt fyrir talsverða dreif-
ingu veirunnar.
Anna Hrefna bendir einnig á að
það hafi verið mikill stuðningur við
aðgerðir stjórnvalda á fyrstu mán-
uðum faraldursins, ekki síst meðan
óvissan var mikil. Nú sé hins vegar
að koma í ljós að innlagnir á spítala
séu fáar og að smitafjöldi segi lítið
um raunverulega stöðu samfélags-
ins. Segir hún að teknu tilliti til þess-
arar reynslu þurfi þungvægari rök
en áður til þess að grípa til
sóttvarnaráðstafana sem viðurkennt
sé að hafi neikvæðar afleiðingar fyr-
ir samfélagið í margvíslegum skiln-
ingi.
Bjarni vilji tilslakanir
Spurður út í hvort Bjarni Bene-
diktsson, formaður Sjálfstæðis-
flokksins, hefði stuðning þingflokks
síns til að grípa til áframhaldandi
takmarkana innanlands, segir Óli
Björn að hann telji Bjarna fremur
tala fyrir tilslökunum og að atvinnu-
líf og einstaklingar búi við meiri fyr-
irsjáanleika en verið hefur síðustu
misserin.
Skólastarf í eðlilegu horfi
„Það verður til dæmis mjög erfitt
fyrir ríkisstjórnina að fara inn í
kosningar ef skólahald er ekki með
eðlilegum hætti [...] ef börnin ykkar
komast ekki í skólann eða leikskól-
ann þá mun það hafa áhrif á ykkur
og almenning í kosningum. Jafnvel
meiri áhrif en það hvort lands-
framleiðslan er að vaxa eða dragast
saman um eitt eða tvö prósent.“
Koma misvel undan kófinu
Anna Hrefna segir mikilvægt að
koma atvinnulífinu á réttan kjöl að
nýju eftir miklar hremmingar. Vel
hafi tekist til í aðgerðum stjórnvalda
en að margir virðist gleyma því að
innspýtingin hafi öll verið tekin að
láni.
„Fólk vanmetur raunverulegan
kostnað af öllum þeim aðgerðum
sem hafa verið í gangi og vissulega
metið það svo að það hafi verið nauð-
synlegt að beita hérna efnahags-
aðgerðum til að styðja hér við fyrir-
tæki og heimili, en það er ekki að
kostnaðarlausu og lántaka ríkissjóðs
getur ekki haldið áfram endalaust,“
segir Anna Hrefna.
„Ríkissjóður getur ekki verið með
efnahagslífið í gjörgæslu. Í eðlileg-
um aðstæðum er það atvinnulífið
sem fjármagnar ríkissjóð en ekki öf-
ugt,“ segir Anna Hrefna.
Þarf að einfalda regluverkið
Hún viðurkennir að atvinnulífið sé
í misgóðri stöðu eftir að faraldurinn
tók öll völd í samfélaginu. Verst séu
ferðaþjónustufyrirtækin leikin.
Mörg þeirra muni ekki lifa ástandið
af og að þau sem það geri þurfi að
búa sig undir að það taki allmörg ár
að rétta að nýju úr kútnum.
Þó séu mörg tækifæri til þess að
örva atvinnulífið. Það hafi m.a. kom-
ið fram í álitsgerðum alþjóðastofn-
ana á borð við OECD og AGS sem
bendi á að regluverk hér á landi sé of
íþyngjandi. Mikilvægt sé að hið op-
inbera þvælist ekki fyrir framtaks-
sömum einstaklingum sem vilji ýta
undir verðmætasköpun í hagkerfinu.
Bóluefnið ætti að tryggja opnun
- „Getum ekki lifað lengi við ráðstjórnarfyrirkomulag“ segir Óli Björn Kárason alþingismaður
- Mikilvægt að vinda ofan af skuldasöfnun ríkisins, segir Anna H. Ingimundardóttir hagfræðingur
Morgunblaðið/Dagmál
Viðtal Óli Björn Kárason og Anna Hrefna Ingimundardóttir eru gestir Dagmála, sem birtist á mbl.is í dag.