Morgunblaðið - 05.08.2021, Blaðsíða 20

20 FRÉTTIR
Innlent
MORGUNBLAÐIÐ FIMMTUDAGUR 5. ÁGÚST 2021
BAKSVIÐ
Sigtryggur Sigtryggsson
sisi@mbl.is
Eigendur fasteigna í Múlahverfinu í
Reykjavík hafa sýnt því aukinn
áhuga að stækka hús sín og byggja
við þau. Hverfið er orðið vinsæll
þéttingarreitur í höfuðborginni eins
og það er kallað í dag. Nýjasta ósk-
in er að stækka verslunar- og skrif-
stofuhúsið Síðumúla 6 og koma fyrir
14-16 íbúðum í húsinu.
Þetta er hús með sögu. Það var
upphaflega byggt fyrir Þjóðviljann
árið 1976, en blaðið hafði búið við
þrengsli í húsi við Skólavörðustíg.
Ritstjórar blaðsins á þessum tíma
voru þeir Kjartan Ólafsson og Svav-
ar Gestsson
Ný staðsetning kom sér vel enda
var blaðið í næsta nágrenni við ný-
stofnað Blaðaprent, sem prentaði á
þessum árum fjögur dagblöð. Þau
voru auk Þjóðviljans, Alþýðublaðið,
Tíminn og Vísir. Öll eru þessi blöð
hætt að koma út og Blaðaprent
hætti starfsemi.
Þegar Þjóðviljinn flutti inn í húsið
í lok október 1976 var kostnaður við
bygginguna orðinn 40 milljónir
króna á þáverandi verðlagi. Efnt
var til söfnunar meðal almennings
og lögðu yfir 600 velunnarar blaðs-
ins fram 33 milljónir.
Þjóðviljinn var dagblað sem kom
fyrst út sem málgagn Kommúnista-
flokksins 1936, síðan Sósíalista-
flokksins og loks Alþýðubandalags-
ins. Í janúar 1990 flutti Þjóðviljinn
úr Síðumúla 6 í leiguhúsnæði við
sömu götu, enda var farið að halla
undan fæti hjá útgáfunni á þessum
tíma. Blaðið hætti svo að koma út
árið 1992.
Harðskeytt málgagn
Þjóðviljinn var harðskeytt og öfl-
ugt málgagn fyrir stjórnmálahreyf-
ingar vinstri manna og við sem
störfuðum á Morgunblaðinu í
„gamla daga“ fengum oft harðar
skeytasendingar úr þeirri átt. En
það er ekki efni þessarar fréttar.
Bókaútgáfan Vaka-Helgafell flutti
næst í húsið og síðan SÍBS, sem ný-
lega flutti starfsemina í Borgartún.
Á embættisafgreiðslufundi skipu-
lagsfulltrúa 9. júlí síðastliðinn var
lögð fram fyrirspurn Sigurðar Ein-
arssonar arkitekts, dags. 1. júlí
2021, um aukningu á byggingar-
magni lóðarinnar nr. 6 við Síðumúla
sem felst í að byggingarreitur er
stækkaður til suðvesturs ásamt því
að heimilaðar verði fjórar hæðir á
öllum byggingarreitnum, sam-
kvæmt tillögu arkitektastofunnar
Batterísins, dags. 31. maí 2021.
Jafnframt var óskað eftir að heim-
iluð verði blönduð starfsemi á reitn-
um þ.e. verslun og þjónusta verði
áfram á tveimur hæðum næst Síðu-
múla, en íbúðir fjær og á efri hæð-
um. Húsið Síðumúli 6 er 727 fer-
metrar að stærð.
Síðumúli er gata sem býður upp á
mikla og eftirsótta þjónustu, segir í
umsögn Batterísins. Ein af framtíð-
arstefnum borgarinnar sé að þétta
byggð og fjölga íbúum í hverfi sem
þessu. „Með þessu inngripi er hægt
að stuðla að þéttingu og koma með
litlar íbúðir á markað, sem skortur
er á.“ Stefnt er að því að halda nú-
verandi húsi áfram sem verslunar-
húsnæði og bæta við íbúðum á
þriðju og fjórðu hæð og viðbygg-
ingu. Aðgengi inn í íbúðir á annarri
hæð er í gegnum stigagang. Birta
frá báðum áttum, sólarupprás og
sólarlag. Nýbygging ofan á núver-
andi hús verður með burð í súlum
og plötum með steyptu þaki. Við-
byggingin verður steypt með burð í
útveggjum.
Tekið jákvætt í fyrirspurn
Í umsögn verkefnisstjóra skipu-
lagsfulltrúa, sem er dagsett 22. jan-
úar 2021, var tekið jákvætt í áður
senda fyrirspurn um heimild til þess
að breyta deiliskipulagi fyrir húsið
og hækka það um eina hæð. Mælt
var með því að eigendum verði
heimilað að láta vinna breytingu á
deiliskipulagi á sinn kostnað og í
samvinnu við verkefnisstjóra hjá
skipulagsfulltrúa.
Í nýrri fyrirspurn er nú reiknað
með meiri hækkun hússins en fallist
hafði verið á í fyrri umsögn og auk
þess fjögurra hæða viðbyggingu til
suðvesturs. Í seinni umsögn verk-
efnisstjóra skipulagsfulltrúa kemur
fram að sýna þurfi fram á að lóðin
beri tiltekin íbúðafjölda m.t.t. bú-
setugæða m.a. þannig að um sé að
ræða fjölbreyttar íbúðagerðir og að
meðalstærð þeirra m.v. birt flatar-
mál sé ekki minni en 80 fermetrar.
Einnig þurfi að sýna útfærslu lóð-
ar m.t.t. breyttrar notkunar húss-
ins, svo sem vegna aðkomu, sameig-
inlegrar aðstöðu svo sem geymslu á
hjólum m.m. og aðstæður til að gera
dvalarsvæði á lóðunum, eigi að inn-
rétta íbúðir í húsinu.
Verkefnastjórinn tiltekur nokkur
atriði sem þurfi að útfæra betur. Sé
afstöðu til tillögu að breytingu á
deiliskipulagi óskað þarf að senda
inn breytta fyrirspurnartillögu sam-
anber ofangreinda umsögn.
Morgunblaðið/sisi
Fyrir Síðumúli 6 eins og húsið lítur út í dag. Tvær hæðir, alls 727 fermetrar.
Tölvuteikning/Batteríið
Eftir Nokkurn veginn svona mun Síðumúli 6 líta út eftir hækkun og stækkun. Þetta er ekki endanlegt útlit hússins.
Þjóðviljahúsið verður stækkað
- Byggt verður ofan á og við Síðumúla 6 - Múlahverfið er vaxandi þéttingarreitur í höfuðborginni
Búið er að byggja nýjan útsýnispall
á toppi Úlfarsfells í Mosfellsbæ.
Að sögn Heiðars Guðjónssonar,
forstjóra Sýnar, er búist við að pall-
urinn verði vígður í næstu viku. Pall-
urinn er reistur af Sýn en 50 metra
hátt fjarskiptamastur fyrir loftnet
og tækniskýli stendur við pallinn.
Mastrið á að tryggja fullnægjandi
útvarps- og fjarskiptaþjónustu á höf-
uðborgarsvæðinu. Til þess að lág-
marka sjónræn áhrif mannvirkisins
var unnið með náttúruleg bygging-
arefni á þann hátt að mannvirkið
myndi falla sem best inn í landslagið
og umhverfið en Arkís arkitektar
komu að hönnunni. Pallurinn er úr
timbri með burðarvirki úr límtrés-
bitum og svífur að hluta til yfir land-
inu.
Deilt var um byggingu mastursins
og útsýnispallsins í borgarráði
Reykjavíkur og í umhverfis- og
skipulagsráði þegar tillögur voru
lagðar fram að verkefninu árið
2018.
Þá voru íbúar í Úlfarsárdal einnig
mótfallnir mastrinu. urdur@mbl.is
Vígja nýjan útsýnispall
á toppi Úlfarsfells
Ljósmynd/Unnur Lárusdóttir
Útsýnispallur Búið er að byggja útsýnispall á toppi Úlfarsfells í Mosfellsbæ.