Morgunblaðið - 05.08.2021, Qupperneq 24

Tónlist
fyrir sálina
Matur
fyrir líkamann
Aðalstræti 2 | s. 558 0000
Kíktu til okkar
í góðan mat og
notalegt andrúmsloft
Borðapantanir á
www.matarkjallarinn.is
Nýttu ferðagjöfina
hjá okkur
24
MORGUNBLAÐIÐ FIMMTUDAGUR 5. ÁGÚST 2021
Sigurður Bogi Sævarsson
sbs@mbl.is
„Við eigum að vera alls óhrædd við
sértækar aðgerðir í þágu einstakra
staða og svæða, komi upp aðstæður
sem kalla á slíkt. Mikilvægt er að
jafna búsetuskilyrði, þannig að
dreifbýlið sé jafnsett öðrum svæð-
um um mikilvæga þjónustu.
Byggðastefnan á að vera róttæk,“
segir Bjarni Jónsson sem skipar
efsta sætið á framboðslista Vinst-
hreyfingarinnar - græns framboðs í
Norðvesturkjördæmi í alþingis-
kosningum í haust.
Styrkja innviði
og treysta búsetu
Allt frá árinu 2002 hefur Bjarni
átt sæti í sveitarstjórn í Skagafirði,
jafnhliða því að hafa sinnt ýmsum
trúnaðarstörfum á landsvísu því
tengdu, svo sem á vettvangi lands-
hlutasamtaka, Jöfnunarsjóðs sveit-
arfélaga og nú í stjórn Sambands
íslenskra sveitarfélaga.
„Þátttaka mín í landsmálunum er
í rökréttu framhaldi af sveitar-
stjórnarstörfunum. Miklu skiptir að
þekkja til sem víðast í nærsam-
félaginu og láta sig það varða,“ seg-
ir Bjarni. „Mín áherslumál hafa
verið og eru að styrkja innviði,
treysta búsetu og fjölskylduvænt
samfélag á landsbyggðinni. Í því
felst öruggt aðgengi að góðri heil-
brigðisþjónustu, menntun, gott um-
hverfi, samgöngubætur og fjöl-
breytt atvinnutækifæri við allra
hæfi. Hér þurfa ríki og sveitarfélög
að taka höndum saman.“
Forgangsverkefni í samgöngu-
bótum á að vera að tengja betur
saman byggðarlög til að styrkja
þau sem atvinnu,- skóla- og þjón-
ustusvæði. Dæmi um slíkt er heils-
ársvegur um Skógarströnd, sem
ásamt nýrri ferju myndi tengja bet-
ur saman byggðarlög við Breiða-
fjörð, að mati Bjarna. Hann segir
sömuleiðis mikilvægt að ráðast
strax í uppbyggingu safn,- og tengi-
vega víða um kjördæmið, ekki síst
til sveita þar sem ekið er daglega
með skólabörn.
„Sömuleiðis þarf að flýta veg-
styttingum, ekki síst á Vestfjörðum.
Að framkvæmdir við Sundabraut
hefjist sem fyrst skiptir líka miklu
fyrir Norðvesturkjördæmi og íbúa
þar, svo sterkari tenging verði við
höfuðborgarsvæðið.“
Háskólar eru aflstöðvar
Mikilvægt er, segir Bjarni, að
skjóta sterkari stoðum undir at-
vinnulífið í Norðurvesturkjördæmi.
Byggt sé víða á matvælaframleiðslu
og að vel sé búið að þeim atvinnu-
greinum. Eins þurfi að hlúa að
frumkvöðlastarfi og nýsköpun.
„Við verðum að standa með sjáv-
arbyggðunum, með bændum og
fjölbreyttri matvælaframleiðslu vítt
og breitt um kjördæmið. Fólk er
víða sjálft í úrvinnslu afurða. Tæki-
færin eru sannarlega til staðar. Við
þurfum að skapa þeim farveg og
rétt umhverfi til að blómstra. Í
þessu kjördæmi eru Landbúnað-
arháskóli Íslands á Hvanneyri, Há-
skólinn á Bifröst í Borgarfirði, Há-
skólinn á Hólum í Skagafirði og
háskólasetur á Ísafirði. Allar hafa
þessar stofnanir orðið aflstöðvar í
nærumhverfi sínu, skapað atvinnu
og gert fólki kleift að afla sér þekk-
ingar í nærumhverfi sínu. Skapa
sér svo sína framtíð þar, með góða
menntun sem veganesti,“ segir
Bjarni og heldur áfram:
„Háskólarnir úti um land hafa í
raun hvetjandi áhrif hver á sínu
svæði og starfsemi þeirra þarf að
efla enn frekar, til dæmis með
auknu rannsókna,- og þróunar-
starfi. Áhrif til slíks getur Alþingi
haft, til dæmis í gegnum fjárveit-
ingar. Mín pólitíska sýn er einfald-
lega sú að efla þurfi byggð um
landið með samfélagslegum aðgerð-
um. Sterkt dreifbýli eflir landið sem
heild.“
Efnahagslegur
stöðugleiki sé tryggður
Vinstri græn hafa síðastliðin fjög-
ur ár verið í ríkisstjórn með Sjálf-
stæðis- og Framsóknarflokki, í
samstarfi sem Bjarni telur að hafi á
margan hátt verið farsælt. Ef kem-
ur til þess eftir kosningar að VG
eigi val við stjórnarmyndun segist
Bjarni leggja mest upp úr því að
mynduð verði ríkisstjórn sem haldi
vel utan um stóru málin, sem hann
kallar svo, byggðajafnrétti, öruggt
og jafnt aðgengi að góðri heilbrigð-
isþjónustu, félagslegan jöfnuð, um-
hverfið og atvinnu- og efnahags-
málin.
„Undir forystu VG hefur náðst
efnahagslegur stöðugleiki sem þarf
að tryggja áfram. Slíkt verður alltaf
undirstaða og skapar svigrúm til
þeirra verkefna sem aðkallandi eru
á hverjum tíma, svo sem í sam-
félagslegri uppbyggingu úti um
land. Á vissum sviðum þarf þó
fyrst og síðast pólitískan vilja, svo
sem til sértækra aðgerða til að
styrkja einstök byggðarlög, um-
bóta á fiskveiðistjórnunarkerfinu,
sem tryggi betur rétt og stöðu
sjávarbyggðanna, þar með talin
aukin hlutdeild í þeim arði sem
fiskimiðin skapa. Það sama á við
fiskeldissveitarfélögin, að þeim
verði tryggður sanngjarn skerfur
af verðmætunum sem til verða.“
Samfélagslegur
rekstur hefur gefist vel
Í tímans rás hefur VG gjarnan
verið hið róttæka afl í landsmál-
unum og haft forystu á vinstri
vængnum. Á þeim miðum rær
Sósíalistaflokkurinn og ef til vill
fleiri í dag, en Bjarni segir Vinstri
græn áfram verða forystuaflið á
vinstri væng stjórnmálanna. Stefna
flokksins sé trúverðug og fyrir-
heitin raunhæf. Kallast vel á við
aðstæður og þarfir íbúa á dreifbýl-
um svæðum í Norðvesturkjör-
dæmi.
„Stundum hefur verið sagt að
undanförnu að kosningarnar í
haust snúist um heilbrigðismálin.
Það er ljóst að aðgengi að góðri
heilbrigðisþjónusta er einn af
grunnþáttum samfélags okkar.
Rekstur heilsugæslu, sjúkrahúsa
og annarra slíkra stofnana þarf
hins vegar að vera fullfjármagn-
aður og tryggingakerfið sömuleiðis.
Íslendingar vilja síðast af öllu
einkavætt kerfi þar sem sjúkir eru
í raun berskjaldaðir þegar veikindi
og slys ber að höndum og þurfa að
bera kostnaðinn af aðstoð og þeir
efnameiri hafa forgang. Samfélags-
legur rekstur á svo mörgum svið-
um hefur gefist vel hér á landi og
um það viljum við í VG standa
vörð,“ segir Bjarni Jónsson.
Byggðastefnan sé róttæk
- Bjarni Jónsson leiðir lista VG í Norðvesturkjördæmi - Stöðugleikinn er mikil-
vægur - Þjónusta í dreifbýlinu verði efld - Sveitarfélögin fái arð frá sjónum
Morgunblaðið/Sigurður Bogi
Hvammstangi Mikilvægt að jafna búsetuskilyrði, þannig að dreifbýlið sé jafnsett öðrum svæðum um mikilvæga
þjónustu í nærsamfélaginu, segir Bjarni Jónsson hér í viðtalinu um áhersluverkefni sín á vettvangi stjórnmálanna.
Morgunblaðið/Sigurður Bogi
Frambjóðandi Bjarni hefur átt sæti í sveitarstjórn Skagafjarðar í um tut-
tugu ár og segir framboð til Alþingis vera rökrétt framhald á því starfi.
2021
2021 ALÞINGISKOSNINGAR
Katrín Bald-
ursdóttir, at-
vinnulífsfræð-
ingur, blaða-
maður og
kennari, leiðir
lista Sósíalista-
flokks Íslands í
Reykjavíkur-
kjördæmi suður.
Stuðst var við
slembival við val
á lista hjá flokknum, að því er
kemur fram í tilkynningu. Haft er
eftir Katrínu að listinn standi
saman af fólki sem vill breyta
samfélaginu þannig að allir hafi
tækifæri til að blómstra, hafi
öruggt og gott húsnæði og góð
laun. Símon Vestarr, bókmennta-
fræðingur, kennari, tónlistar-
maður og faðir tveggja barna,
skipar annað sæti listans og María
Lilja Þrastardóttir Kemp,
aðgerðasinni, skríbent og laga-
nemi, það þriðja að því er fram
kemur í tilkynningunni.
Jón Kristinn Cortez tónlistar-
maður er í 4. sæti, Ása Lind Finn-
bogadóttir framhaldsskólakennari
í 5. sæti, Jón Óskar Hafsteinsson
myndlistarmaður í 6. sæti, Sigrún
Unnsteinsdóttir framkvæmda-
stjóri í 7. sæti, Halldóra Jóhanna
Hafsteinsdóttir frístundaleiðbein-
andi í 8. sæti, Bára Halldórsdóttir
öryrki í 9. sæti, Bárður Ragnar
Jónsson þýðandi í 10. sæti, Ellen
Kristjánsdóttir tónlistarmaður í
11. sæti og Björn Reynir Hall-
dórsson sagnfræðingur er í 12.
sæti framboðslistans.
Katrín efst
í Reykja-
vík suður
- Sósíalistar birta
framboðslista
Katrín
Baldursdóttir
Píratar hafa boðað til árlegs að-
alfundar helgina 14. og 15. ágúst
næstkomandi. Þar ætla þeir að
ýta kosningabaráttunni úr vör að
því er fram kemur á vefsíðu Pí-
rata. Fundurinn fer fram á
sveitahótelinu Vogum á Fells-
strönd, í Norðvesturkjördæmi.
„Þar verður formlegri kosninga-
baráttu sparkað í gang, kosninga-
herferðin teiknuð upp fyrir fund-
argesti og hópurinn hristur
saman. Samþykkt kosningastefn-
an fær ítarlega kynningu og
áherslur Pírata í kosningabarátt-
unni fram undan ákveðnar.
Á fundinum verður einnig kos-
ið í stefnu- og málefnanefnd,
framkvæmdastjórn og fjár-
málaráð,“ segir í frétt á vefsíð-
unni.
Píratar ætla að ýta
kosningabaráttu úr
vör á aðalfundi