Morgunblaðið - 05.08.2021, Blaðsíða 40

Að laga béarnaisesósu frá grunni
vefst fyrir mörgum enda lifir sú
flökkusaga góðu lífi að erfitt sé að búa
hana til. Það sem nauðsynlegt er að
muna er að sósa sem skilur sig er alls
ekki ónýt. Það eina sem þú þarft að
gera er að þeyta upp nýja eggjarauðu
og hella síðan blöndunni (sem skildi
sig) hægt saman við og þeyta/píska á
meðan. Flóknara er það ekki. Hlut-
föllin eru líka afar einföld. Ein eggja-
rauða saman við 100 g af bráðnu
smjöri. Pískið eggjarauðurnar og
hellið bráðnu smjörinu hægt saman
við og pískið á meðan. Kryddað til
með béarnaisekrafti og estragoni,
smá salti og slettu af sítrónusafa. Hér
er notast við hefðbundinn heim-
ilisblandara en auðvitað má hand-
þeyta/píska sósuna ef vill.
Nautalundin sjálf er svo annað
mál. Almennt er talað um að trixið sé
að leyfa náttúrulegu bragði kjötsins
að njóta sín. Hér er einungis notast
við SPG-kryddið frá Hagkaup sem er
mjög einföld en um leið gróf blanda
sem er sérstaklega heppileg með
kjöti sem þessu. Hellið olíu yfir kjöt-
ið, kryddið og grillið síðan. Penslið
með bbq-sósu og nýtið ykkur kjarn-
hitamæli ef þarf.
Hasselback-kartöflurnar eru sí-
gildar og við mælum með að setja vel
af olíu eða smjöri yfir þær áður en
þær eru grillaðar og salta smá.
Salatið er síðan afar einfalt. Bland-
ið saman salatblöðum, kirsuberja-
tómötum, mozzarellakúlum og sesar-
salatsósu.
Bragðpallettan sem verður til er í
algjörum sérflokki og fer þessi máltíð
umsvifalaust í flokk með veislu-
máltíðum sem ber að endurtaka sem
oftast enda bæði fram úr hófi bragð-
góð og alls ekki svo flókin.
Sérvalin nautalund
með béarnaise
Það þarf varla að fjölyrða um ágæti máltíðarinnar sem hér er fjallað um. Við erum að tala um
sérvalda nautalund – og þá miðhlutann sem alla jafna er talinn langbesti bitinn á nautinu. Með
kjötinu er svo heimagerð béarnaisesósa, hasselback-kartöflur og ferskt sesarsalat með mozzarella.
Allir M E Ð M B L . I S O G H A G K A U Pgrilla
MORGUNBLAÐIÐ FIMMTUDAGUR 5. ÁGÚST 2021
ÁR
1921-2021
Í Y
KKA
R ÞJÓNUSTU
10%
afsláttur
fyrir 67 ára
og eldri
sérvalin nautalund – miðjuhluti
SPG-krydd
hasselback-kartöflur
Olio Nitti-olía
mozzarellakúlur
piccolo-tómatar
Lillie’s Carolina BBQ sauce
Felix Caesar Dressing
salat
brauðteningar
Béarnaisesósa
4 eggjarauður
400 g smjör
1 tsk. béarnaisekraftur
1 tsk. estragon
salt eftir smekk
nokkrir dropar af sítrónusafa
Kjarnhiti í kjöti
nautakjöt – rautt (rare) = 55-60°
nautakjöt – meðalsteikt (medium) = 60-65°
nautakjöt – gegnsteikt (well done) = 65-68°
Munið
Það er best að elda nautakjöt þegar það er við stofuhita. Þess vegna er gott að
taka það út úr ísskápnum minnst tveimur tímum áður en það er eldað.
Meyra nautasteik ætti ávallt að bera fram léttsteikta þannig að gæði kjötsins
njóti sín sem best.
Algengast er að krydda nautakjöt einungis með salti og pipar til að leyfa bragð-
gæðum kjötsins að njóta sín.
Nautakjöt er ávallt grillað við snarpan hita og látið brúnast vel að utan, þar sem
stór hluti af bragði góðrar nautasteikur liggur í því hversu vel brúningin heppnast.
Þegar nautasteikur eru steiktar í heilu lagi er best að láta þær hvíla í 10-15 mín-
útur eftir steikingu áður en þær eru skornar. Gott er að leggja yfir þær álpappír og
viskustykki á meðan beðið er.