Morgunblaðið - 06.10.2021, Blaðsíða 2

segir niðurstöðuna fyrst og fremst
vonbrigði fyrir borgarbúa: „Það er
ljóst að ekkert klárast á þessu kjör-
tímabili í þessu verkefni. Það var al-
veg ljóst af umræðunni, þegar kjör-
tímabilinu lýkur verður ekki búið að
klára neitt nema að eyða peningum.“
Í greinargerð með tillögunni, sem
var lögð fram af öllum borgarfulltrú-
um Sjálfstæðisflokksins, er útfærsl-
an borin saman við sambærilegt
verkefni á vegum ríkisins: „Stafrænt
Ísland er stórt átaksverkefni ríkis-
ins þar sem allir verkþættir hafa
verið boðnir út og engin innvistun
átt sér stað.“
Í umræðum um tillöguna and-
Sigurður
Hannesson
Dóra Björt
Guðjónsdóttir
Baldur S. Blöndal
baldurb@mbl.is
Dóra Björt Guðjónsdóttir, borgar-
fulltrúi Pírata, hélt því ranglega
fram á borgarstjórnarfundi í gær að
borgin hefði fundað með Samtökum
iðnaðarins um 10 milljarða króna
stafræna umbreytingu borgarinnar.
Þetta fullyrðir Sigurður Hannesson,
framkvæmdastjóri Samtaka iðnað-
arins, og þvertekur fyrir að þessi
fundur hafi átt sér stað.
Dóra hélt því fram í umræðum
vegna tillögu um útboð verkefnis-
ins að borgin hefði fundað með
samtökunum til að útskýra „mis-
skilning um frétt sem birtist í
Morgunblaðinu“. Hún sagði það
liggja fyrir að fólk væri „mun sátt-
ara í dag og skildi betur hvernig
stæði á þessu öllu saman, og er það
vel“.
Sigurður segir Dóru með þessum
orðum ljúga blákalt að sínum um-
bjóðendum: „Fyrsta lygin er sú að
fundur hafi átt sér stað. Í öðru lagi
er logið til um efni slíks fundar og í
þriðja lagi er logið til um niður-
stöðu á slíkum fundi. Í því sam-
hengi er áhugavert að hugsa til
þess að fyrir viku eða tveimur ósk-
uðum við sérstaklega eftir fundi
með borgarstjóra til að ræða þessi
mál. Hann hefur ekki séð sér fært
að ræða við okkur um þetta mál
sem snýst um 10 milljarða króna
útgjöld á næstu þremur árum.“
Felldu tillögu um útboð
Meirihluti borgarstjórnar felldi
tillögu borgarfulltrúa Sjálfstæðis-
flokksins um að bjóða út alla verk-
þætti á fyrirhugaðri uppbyggingu
borgarinnar á stafrænum innviðum.
Eyþór Laxdal Arnalds, oddviti
Sjálfstæðisflokksins í Reykjavík,
mælti Dóra sam-
anburðinum.
„Hér er ekki tek-
ið til greina að
fjármagninu hjá
ríkinu sé dreift
inn á stofnanir.
Við erum þvert á
móti að stýra því
inn á sviðin til að
nýta það sem
allra best.“ Dóra
sagði lausn borgarinnar einnig til
þess fallna að styðja markaðinn:
„Við erum að versla mjög mikið af
aðilum á markaði, það sýnir sig því
við erum að kaupa inn fyrir lang-
stærstan hluta þessa fjármagns.“
Sammála markmiðinu
Eyþór Arnalds segist sammála
markmiðum verkefnisins enda sé
stjórnsýslan gamaldags: „Það þarf
að setja þetta inn á 21. öldina en þá
þarf að gera það með aðferðum 21.
aldarinnar, sem eru útboð. Þannig
færðu ekki bara meira fyrir pening-
inn heldur færðu það á réttum
tíma.“
Sagði frá fundi sem fór ekki fram
Morgunblaðið/Ómar
Reykjavík Umræða um tillöguna stóð yfir í tvær og hálfa klukkustund.
- Borgarfulltrúi sagði alla sátta eftir fund sem átti sér ekki stað - Borgarstjóri þáði ekki fundarboð SI
Eyþór Laxdal
Arnalds
2 FRÉTTIR
Innlent
MORGUNBLAÐIÐ MIÐVIKUDAGUR 6. OKTÓBER 2021
Smiðjuvegi 34 • gul gata Kópavogi • biljofur@biljofur.is
Viðgerðir // Bilanagreining // Varahlutir // Smurþjónusta
Sérhæfð þjónusta fyrir
Rótgróið fyrirtæki, starfrækt frá 1992
544 5151
tímapantanir
Morgunblaðið Hádegismóum 2, 110 Reykjavík. Sími 569 1100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Andrés Magnússon andres@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson
menning@mbl.is Viðskipti Stefán E. Stefánsson vidskipti@mbl.is Íþróttir Víðir Sigurðsson sport@mbl.is mbl.is Jón Pétur Jónsson netfrett@mbl.is Smartland Marta María Jónasdóttir smartland@mbl.is Umræðan | Minningar mbl.is/sendagrein Prentun Landsprent ehf.
Rebekka Líf Ingadóttir
Unnur Freyja Víðisdóttir
Engar tilkynningar hafa borist um
aurskriður á Seyðisfirði en vel er
fylgst með hreyfingum á fleka sem
liggur milli skriðusársins frá 2020 og
Búðarár. Þetta segir Kristján Ólafur
Guðnason, yfirlögregluþjónn á Aust-
urlandi, í samtali við Morgunblaðið.
Hættustig almannavarna er í gildi
vegna hættu á skriðuföllum á Seyðis-
firði og í ljósi þess hefur fjöldi húsa
verið rýmdur síðastliðna daga. „Frá
því að rýming var ákveðin hefur
ástandið haldist óbreytt hvað það
varðar en það er fylgst mjög vel með
öllum mælum áfram.“
Um er að ræða fleka sem varð eftir
þegar stóra skriðan féll á þessu
svæði í desember síðastliðnum, að
sögn Estherar Hlíðar Jensen, ofan-
flóðasérfæðings hjá Veðurstofu Ís-
lands. „Það eru tveir speglar stað-
settir á þessum fleka og við höfum
verið að mæla staðsetningu þeirra á
hálftíma fresti. Út frá þessum mæl-
ingum höfum við séð hreyfingu á
speglunum. Hreyfingin er lítil en
nógu mikil til að mælitækin okkar
nemi hana.“ Vatnsstaða í borholum
sem einnig eru í hlíðinni hafi farið
lækkandi frá því á mánudag sem
dragi úr líkunum á að flekinn fari af
stað.
„Hins vegar er von á mikilli úr-
komu í vikunni og þá þurfum við að
rýna mjög vel í stöðuna,“ segir hún
að endingu.
Ljósamastri var komið upp á
mánudagskvöld til að lýsa upp Búð-
arána, svo að hægt sé að fylgjast
grannt með hreyfingum.
Ríkislögreglustjóri í samráði við
lögreglustjórann á Austurlandi
ákvað að lýsa yfir hættustigi al-
mannavarna á Seyðisfirði vegna
hættu á skriðuföllum á mánudag og
verður rýmingin í gildi fram yfir
helgi í það minnsta. Ekki hefur þurft
að rýma fleiri hús síðan þá. Búist er
við áframhaldandi rigningu á Aust-
urlandi og Norðurlandi í vikunni.
Alls voru níu hús rýmd á Seyðis-
firði á mánudag og nítján manns
þurftu að yfirgefa heimili sín í kjölfar
þess. Að sögn almannavarna gekk
rýmingin vel og allir fengu húsaskjól.
Að sögn Davíðs Kristinssonar, vara-
formanns björgunarsveitarinnar á
Seyðisfirði, hafa bæjarbúar hjálpað
þeim sem hafa þurft að yfirgefa
heimili sín í kjölfar rýminganna og
má því segja að mikil samstaða sé
meðal bæjarbúa. Húsin sem rýmd
voru eru á sama stað og skriðan féll í
desember.
Þá segir hann að það sé ábyggi-
lega óvissan sem veldur fólki hvað
mestum óhug, en ekki er vitað ná-
kvæmlega hversu lengi rýmingarnar
gætu varað. Eins og fram hefur kom-
ið er reiknað með að rýmingarnar
standi í það minnsta fram yfir helgi.
Grannt fylgst með flekahreyfingum
Ljósmynd/Björgunarsveitin Ísólfur
Upplýst Búðaráin er lýst upp svo hægt sé að fylgjast með hreyfingum.
- Ekki þurft að rýma fleiri hús - Von á mikilli úrkomu í vikunni - Rýmingar standi fram yfir helgi
„Það er búið að setja mikla fjármuni
í þetta, gríðarlega vinnu og ég held
fyrir okkur Reykvíkinga að við eig-
um bara að klára málið þarna,“ segir
Guðmundur Gíslason, fram-
kvæmdastjóri Skotfélags Reykja-
víkur, en forsvarsmenn félagsins
munu á næstunni funda með borg-
aryfirvöldum um framtíð íþrótta-
aðstöðu félagsins í Álfsnesi.
Starfseminni í Álfsnesi var lokað
fyrir skemmstu og félagið sendi í
kjölfarið beiðni um undanþágu fyrir
skotvopnanámskeið, sem haldin eru
í samráði við Umhverfisstofnun, og
fyrir afreksíþróttafólk sem stefnir á
Ólympíuleika í París 2024. Þeirri
beiðni var hafnað og ætlar SR að
ræða við borgaryfirvöld um næstu
skref.
Guðmundur segir að kjörnir
fulltrúar Reykjavíkurborgar séu
mjög jákvæðir í garð þessa máls og
séu samvinnuþýðir þegar kemur að
því að leita lausna.
Það er kannski ekki nema von þar
sem málið hefði e.t.v. ekki komið upp
ef gert hefði verið ráð fyrir því í deili-
skipulagi að svæði SR í Álfsnesi væri
ráðstafað sem skotsvæði.
„Það greinilega bara áttaði sig eng-
inn á því inni í borgarkerfinu að þetta
þyrfti að komast til deiliskipulags
þannig að þetta yrði viðurkennt. Það
er núna í umræðu innan borgar-
kerfisins,“ sagði Guðmundur í gær. Þá
fundi er áætlað að fulltrúar borgar-
ráðs, heilbrigðiseftirlits Reykjavíkur,
íþrótta- og tómstundasviðs borgar-
innar og skipulagssviðs borgarinnar
sitji. oddurth@mbl.is
Munu funda um framtíð
skotsvæðisins í Álfsnesi
- Miklir hagsmunir í húfi - Umræður innan borgarkerfisins
Morgunblaðið/Hallur Már
Viðræður Guðmundur Kr. Gíslason
vill að SR verði áfram í Álfsnesi.
Búið er að aflétta rýmingu í Út-
Kinn í Þingeyjarsveit og er íbú-
um því heimilt að halda heim til
sín á ný. Þetta kom fram í til-
kynningu frá almannavörnum í
gærkvöldi. Hættustig er þó enn
í gildi á svæðinu en skilgreining
þess er að heilsu og öryggi
manna, umhverfis eða byggðar
er ógnað af náttúru eða manna-
völdum, þó ekki svo alvarlega
að um neyðarástand sé að
ræða. Sérfræðingar Veðurstofu
skoðuðu aðstæður á svæðinu í
gær og var þá ljóst að verulega
hafði dregið úr skriðuhættu.
Vegurinn um Út-Kinn er þó enn
lokaður fyrir almennri umferð.
Rýmingu af-
létt í Út-Kinn
ÞINGEYJARSVEIT