Morgunblaðið - 18.12.2021, Blaðsíða 10

10 FRÉTTIR
Innlent
MORGUNBLAÐIÐ LAUGARDAGUR 18. DESEMBER 2021
TIL SÖLU/LEIGU
Völuteigur 17, 270 Mosfellsbæ
Stærð: 2.092,2 m²
Gerð: Iðnaðarhúsnæði
Verð: 430.000.000
Bergsveinn
S. 863 5868
Sigurður J. Helgi Már
S. 897 7086
Magnús
S. 861 0511
Ólafur
S. 824 6703
Ármúla 7, Reykjavík - www.jofur.is - Sími 534 1020
Sérhæfum okkur í sölu og leigu á atvinnuhúsnæði
Pantaðu verðmat eða skoðun – 534 1020 // sala@jofur.is
Húsnæðið skiptist í 1.200 m² vinnusal með mikilli lofthæð
með öflugu loftræstikerfi. Innangengt er úr vinnusal í 736
m² vörugeymslu með mikilli lofthæð og tveimur háum
innkeyrsluhurðum. Salerni og starfsmannaaðstaða er
á jarðhæð við hlið aðalinngangs. Skrifstofa er á 2. hæð
sem er skráð 143,1 m² og er nýstandsett að miklu leyti og
skiptist í opið rými, 5 lokaðar skrifstofur, kaffiaðstöðu og
Wc. Parket á gólfum í skrifstofuhluta.
Gott malbikað athafnasvæði er við húsið með góðri
aðkomu s.s. fyrir stór tæki, bíla og gáma.
Laust frá 1. febrúar 2022
Nánari upplýsingar um eignina veitir
Helgi Már Karlsson löggiltur fasteignasali
og leigumiðlari í s. 897 7086 helgi@jofur.is
Helgi Bjarnason
helgi@mbl.is
„Við erum að setja mikið fjármagn í
það að flytja inn endurnýjanlega
orku. Það er undarlegt hjá þjóð sem
er heimsmethafi í notkun innlendrar
endurnýjanlegrar orku að greiða
stórfé fyrir að flytja inn slíka orku-
gjafa,“ segir Glúmur Björnsson,
efnaverkfræðingur og framkvæmda-
stjóri rannsóknarstofunnar Fjölvers.
Nokkur umræða hefur verið um
skynsemi reglna sem skylda olíufé-
lögin að blanda endurnýjanlegum
orkugjöfum í jarðefnaeldsneyti til að
draga úr útblæstri gróðurhúsa-
lofttegunda. Skattaívilnanir hafa ver-
ið við lýði frá árinu 2009 og íblönd-
unarskylda frá 2015. Nú síðast hafa
komið upp alvarleg gæðavandamál
vegna jurtaolíu sem blandað er í dís-
ilolíu.
Margir vankantar
„Mér finnst þetta hafa reynst eins
og menn töldu sig sjá fyrir á sínum
tíma. Þetta er mjög dýrt kerfi sem
skilar óljósum árangri í útblásturs-
málum,“ segir Glúmur þegar hann er
spurður hvernig honum þætti reynsl-
an hafa verið en hann var einn þeirra
sem gagnrýndi reglurnar á sínum
tíma.
Hann segir að á þessum tíma hafi
verið að koma í ljós og hafi raunar
verið vitað áður en lögin voru sett að
nýting matjurta sem eldsneytis hafi
ekki aðeins mikinn kostnað í för með
sér heldur óæskilegar hliðarverkanir
úti í heimi. Þar sé verið að ryðja
skóga og annað land til að rækta
eldsneyti sem sé í samkeppni við
matvæli og hafi þess vegna áhrif á
matvælaverð. Nefnir Glúmur að 40%
af maísuppskeru í Bandaríkjunum
séu notuð sem eldsneyti á bíla.
Glúmur áætlar að ríkið hafi látið
um 13 milljarða króna af hendi í skat-
taívilnunum vegna innflutnings á
jurtaolíu til íblöndunar frá árinu 2015
þegar hún var gerð að skyldu.
Hann bendir á að ekki aðeins sé
þetta dýrt fyrirkomulag heldur leiði
af sér ýmsan annan kostnað innan-
lands. Umstang og aukakostnaður sé
við blöndunina. „Svo hafa menn verið
að reka sig á það, eins og maður vissi
fyrir, að gæðavandamál fylgja hluta
af þessu eldsneyti. Lífdísill hefur
skemmri endingartíma en hefð-
bundin dísilolía og er líklegri til að
taka í sig óhreinindi. Etanólið sem
blandað er í bensín er vatnsleysan-
legt efni og þurfa söluaðilar því að
gæta þess vel að dreifikerfin séu al-
veg vatnsfrí svo etanólið þvoist ekki
úr bensíninu,“ segir Glúmur.
Hann bætir því við að innflutn-
ingur íblöndunarefna sé ekki aðeins
dýr lausn heldur sé hún ekki var-
anleg, eins og aukin notkun rafbíla
og sparneytinna bíla er. „Þetta var
ekki sjálfbær kerfisbreyting.“
Glúmur bendir á að samkvæmt
upplýsingum Orkuseturs hafi 11,4%
fólksbílaflotans verið svokallaðir
hreinorkubílar nú í nóvember, það er
að segja komnir að fullu eða ein-
hverju leyti á rafmagn eða metangas.
Ekki okkar veruleiki
„Reglur Evrópusambandsins um
íblöndun eru hugsaðar fyrir meg-
inlandið þar sem menn eru að berjast
við að koma hlutfalli endurnýjan-
legrar orku upp í 20%. Það er ekki
okkar veruleiki, við erum með 85% af
okkar orku frá endurnýjanlegum
orkulindum. Við erum því fyrir löngu
búin að ná markmiði ESB hvað
heildarorkunotkun varðar,“ segir
hann.
Glúmur leggur til að skatta-
ívilnanir lífeldsneytis verði afnumd-
ar. Þá verði lögum breytt þannig að í
stað kvaða á einstaka söluaðila verði
tekin upp landsmarkmið um hlutfall
endurnýjanlegrar orku í samgöngum
á landi (5%) og 6% samdrátt í losun.
Samdráttur í losun yrði þá metinn út
frá hlutfalli ökutækja sem ganga
fyrir endurnýjanlegri orku.
Þannig gæti Ísland talið fram
samdrátt í losun vegna auk-
innar notkunar rafbíla sem er
erfiðleikum bundið nú vegna
mikillar hleðslu frá heima-
húsum. Með þessum
breytingum vær-
um við búin að
uppfylla kröfur
ESB hvað bíl-
ana varðar,
með inn-
lendri orku.
Dýrt kerfi sem skilar óljósum árangri
- Glúmur Björnsson efnaverkfræðingur leggur til afnám núverandi kerfis um íblöndun eldsneytis
- Samdráttur í losun verði metinn út frá hlutfalli ökutækja sem ganga fyrir endurnýjanlegri orku
Morgunblaðið/Sigurður Bogi
Bensínstöð Gæðavandamál hafa komið upp í lífdísilolíu sem helst eru rakin
til íblöndunarefna sem kröfur eru gerðar um til að draga úr útblæstri.
Skattaívilnanir vegna innflutn-
ings á endurnýjanlegu elds-
neyti voru fyrst teknar upp á
árinu 2009. Þrátt fyrir það var
innflutningur lítill vegna hás
verðs og skerts orkugildis.
Lög sem skylda olíufélögin
til að blanda jarðefnaeldsneyti
fyrir samgöngur á landi með
endurnýjanlegu eldsneyti tóku
gildi í byrjun árs 2015. Regl-
urnar tóku gildi sex árum fyrr
en Evrópureglur kröfðust.
Minnst 5% af orkugildi elds-
neytis í samgöngum á landi
skyldi endurnýjanlegt.
Hlutfallið var hækkað
með reglugerð árið
2016 með kröfum um
6% samdrátt í losun.
Til að draga úr losun
gróðurhúsaloftteg-
unda sem þessu nem-
ur þarf hlutfall
endurnýjanlegs
eldsneytis
að fara
vel yfir
10%.
Hlutfallið
þarf yfir 10%
LAGASKYLDA AÐ BLANDA
Glúmur
Björnsson