Morgunblaðið - 18.12.2021, Page 53

TÓNLIST
Arnar Eggert Thoroddsen
arnareggert@arnareggert.is
Ég hef venjulega litið til er-
lendra og innlendra platna í
þessum efnum en ég sleppi
þessu síðarnefnda í ár. Ástæðan?
Jú, það er engin íslensk jólaplata á
útgáfulista þessa árs. Já, ég er jafn
hissa og þú lesandi góður og ég man
hreinlega ekki eftir því að þetta hafi
gerst áður. Iðulega koma út ein til
tvær plötur og í fyrra voru þær
nokkrar. Stök lög vissulega á kreiki
þetta árið og Guðmundur Jónsson
og Jóhann Sigurðarson standa fyrir
útgáfu á þremur nýjum frum-
sömdum jólalögum þetta árið í
gegnum verkefni sitt Jóladraumur.
En, engin fullburða plata (sendið
mér endilega póst ef eitthvað fór
fram hjá mér).
Horfum þá til útlanda en það
verður að viðurkennast að fátt er
um fína drætti þótt einhverjar séu
plöturnar. Það sem stendur upp úr
er klárlega plata Noruh Jones, I
Dream of Christmas. Ég vissi að
þetta yrði gott um leið og ég sá um-
slagið. Svo greinilegt að hér yrði
ekki hlaðið í ódýrar ábreiður til að
elta peninginn heldur yrði eitthvert
súbstans í þessu. Nóg er að líta til
merks ferils Jones, sem hófst með
áhlýðilegri „rauðvín við arineldinn“
plötu, en hefur síðan þá leitt okkar
konu í alls konar spennandi króka
og kima. Þess má þá líka geta að
verkefni Noruh, Sasha Dobson og
Catherine Popper, Puss n Boots,
gaf út jólastuttskífu í hitteðfyrra
(Dear Santa).
Önnur jólaplata, allrar athygli
Norah flott eins og furunálabað
verð, er jólaplata
Pistol Annies,
Hell of a Holiday.
Sveitin er ofur-
tríó sem inniheld-
ur þær Miröndu
Lambert, Ashley
Monroe og Angaleenu Presley, allt
listakonur sem keyra eigin risaferla
og eiga stóran þátt í feminísku bylt-
ingunni í Nashville. Bylting kannski
fullsterkt en áherslur þessara lista-
kvenna og tónlist hefur sannarlega
andað ferskum vindum um þessa
höfuðborg sveitatónlistarinnar.
Annað úr kántríranni er t.a.m. plata
Amöndu Shires og svo Josh Turner.
Bandaríkin eiga öfluga inn-
komu eins og svo oft áður en ég ætla
samt að tiltaka einn merkisgrip frá
Bretlandi, jóla-
plötu Gary Bar-
low, The Dream
of Christmas.
Fyrrum sveitar-
félagi hans í Take
That, Robbie
Williams, gaf út
svona grip í hitteðfyrra og þar var
hann trúr sjálfum sér. Prakkari,
grallari, rokkari … tunga upp við
tönn alla leið. Segja má að Barlow
sé undir sömu sökina seldur, það er
að vera trúr sjálfum sér, og ekkert
kemur á óvart þannig lagað. Platan
er snotur, notaleg en bara aðeins of
passasöm fyrir minn smekk.
Aðrar útgáfur eru eftir þessu
og lognmollan talsverð. Rob Thom-
as, söngvari
Matchbox
Twenty, er með
plötu og ég sór
þess dýran eið að
reyna eftir kost-
um að sleppa því
að hlusta á hana
fyrir þessi skrif. Kíkti svo á tvö lög
og hefði betur sleppt því. Önnur
„stór“ plata er önnur jólaplata Kelly
Clarkson, ædol-stjörnunnar kunnu.
Þá er Steve gamli Perry,
söngvari Journey, með jólaplötu.
Umslagið er hræðilegt en ég er
svona aðeins búinn að smakka á
innihaldinu og líkar ekki illa, en sem
komið er. Eitt-
hvað heimilislegt
við þetta. Kat
Edmonsson
djasssöngkona
setur þá hin
ýmsu staðallög í
djasshræru og já, þetta hljómar
spennandi þótt ég sé ekki búinn að
fullhlusta.
Að endingu nefni ég tvær plöt-
ur úr indígeiranum. Brian Fallon,
leiðtogi The Gaslight Anthem, er
með plötu og einnig Hiss Golden
Messenger.
Stórsigrar hafa
verið unnir í
gegnum tíðina
hvað þennan
samslátt varðar,
ég nefni Low,
Mark Kozelek og
Sufjan Stevens sem dæmi. Fljótt á
litið eða heyrt falla þeir félagarnir
samt í giska algenga gryfju með
þessar plötur. Mönnum er svo um-
hugað að vera nógu svalir og
hnyttnir og „ójólalegir“ að plöt-
urnar gjalda fyrir það.
Læt þetta duga. Algerlega að
tékka á Noruh, þið verðið ekki svik-
in þar. Annað ekkert óskaplega
mikilvægt. Ég segi samt og hrópa
með hárri raust reyndar: Gleðileg
jól!
»
Ég vissi að þetta
yrði gott, um leið og
ég sá umslagið. Svo
greinilegt að hér yrði
ekki hlaðið í ódýrar
ábreiður til að elta pen-
inginn heldur yrði eitt-
hvert súbstans í þessu.
Hér ætla ég, eins og
undanfarin ár, að stikla
á stóru yfir nýút-
komnar erlendar jóla-
plötur. Reyndar er ekki
sérstaklega gæfulegt
um að litast þetta árið.
Jólamær Norah Jones syngur inn
jólin eins og henni einni er lagið.
MENNING 53
MORGUNBLAÐIÐ LAUGARDAGUR 18. DESEMBER 2021
Hin ástsæla söngkona Sigrún
Hjálmtýsdóttir, eða Diddú, heldur
jólatónleika með blásarasextett
sunnudaginn 19. desember kl. 16.
Hópurinn kallar sig Diddú og
drengirnir og hafa haldið aðventu-
tónleika sem þessa um árabil.
Tónleikarnir fara fram í heima-
sveit Diddúar, í Mosfellskirkju í
Mosfellsdal.
Efnisskrá tónleikanna sam-
anstendur að vanda af hátíðlegri
jólatónlist af ýmsum toga.
Morgunblaðið/Eggert
Diddú Sigrún Hjálmtýsdóttir og félagar
koma Mosfellingum í jólaskap.
Jólatónleikar
Diddú og drengja
Aðventuhátíð og
50 ára vígsluaf-
mæli Bústaða-
kirkju fer fram á
morgun, 19. des-
ember, kl. 17.
Kammerkór
Bústaðakirkju
syngur, Edda
Austmann og Jó-
hann Friðgeir
Valdimarsson
syngja einsöng og stjórnandi er
Jónas Þórir. Þorsteinn Ingi Víg-
lundsson formaður sóknarnefndar
flytur ávarp. Séra Eva Björk Valdi-
marsdóttir og séra Þorvaldur Víð-
isson þjóna ásamt séra Kristjáni
Björnssyni, vígslubiskupi í Skál-
holti, og frú Agnesi M. Sigurðar-
dóttur biskupi Íslands, sem flytur
ávarp og leiðir bæn.
Frú Eliza Reid flytur einnig
ávarp en hún gaf nýverið út bókina
Sprakkar þar sem fjallað er um
margvísleg mál sem snúa að lífi og
störfum kvenna á Íslandi.
Aðventuhátíð og
vígsluafmæli
Eliza Reid
forsetafrú