Strandapósturinn - 01.06.2018, Side 115

113
Þessi fundur er í hugum margra Drangsnesinga stærsti viðburður
í sögu þorpsins. Það er hægur leikur að sjá fyrir sér heita vatnið
taka að fossa upp úr jörðinni á Drangsnesi, en aðdragandinn að
þessum merka fundi er þó flóknari en svo þó margt minni á lyga-
sögu þegar hann er rakinn.
Allt hófst þetta þann 21. desember árið 1995 þegar kaldavatns-
leiðsla sem kemur úr Bæjarvötnunum, í um sex km fjarlægð frá
Drangsnesi, fraus.2 Þessi leiðsla gegndi mikilvægu hlutverki því
úr henni fékkst hluti af því vatni sem notað var á Drangsnesi og
það sem hafði enn afdrifaríkari áhrif á líf þorpsbúa; hún veitti
köldu vatni á rækjupillunarvélarnar í rækjuverksmiðjunni sem
þá var starfrækt á Drangsnesi og stór hluti þorpsbúa starfaði við.
Vinnslan var í hættu og eins og Óskar Torfason, hitaveitustjóri
og framkvæmdastjóri í fiskvinnslunni Drangi, orðaði það í grein
sinni „Hitaveita Drangsness 20 ára – Að sjá draumana rætast“.
Voru nú góð ráð dýr og því var brugðið á það ráð þann 4. janúar
1996 að fá bor frá Jarðborunum til Drangsness. Ætlunin var að
bora eftir sjó sem síðan yrði dælt upp og hann notaður á pillun-
arvélarnar. Sami bor var nýttur til þess að bora hundrað metra
djúpa holu við frystihúsið ef þar skyldi finnast kalt vatn. Leitin
að kalda vatninu á þessari ögurstundu bar ekki árangur en hún
leiddi svo sannarlega til happs fyrir Drangsnesinga því nú þótti
öruggt að nægilega heitt vatn væri á staðnum til þess að hægt
væri að hefja markvissa leit að því. Í stuttu máli bar leitin árangur
og jarðvarmi fannst. Nú tóku við fleiri boranir og heilmikil vinna
sem setti auðvitað svip á litla þorpið við Steingrímsfjörð.
Árið 1997 samdi sveitarfélagið við Ræktunarsamband Flóa og
Skeiða hf. á Selfossi um að hafa umsjón með borunum. Jonný
Símonarson starfaði sem borstjóri og komu fleiri menn að verk-
inu, m.a. Kristján Sæmundsson jarðfræðingur. Ellefu holur voru
boraðar á Drangsnesi eftir að fyrrnefndar boranir eftir köldu
vatni bentu til þess að í innan við 500 metra fjarlægð frá borhol-
unni væri heitt vatn að finna. Meira en tólf þúsund ára gamalt
heitt vatn hóf að fossa upp í miðju þorpi eftir að starfsmenn
Ræktunarsambandsins komu niður á æð af heitu vatni sem gaf
2 Sjá t.d. grein Óskars Torfasonar, „Hitaveita Drangsness 20 ára – að sjá draumana
rætast“ sem birtist í sýningarskrá sýningarinnar Þegar vatnið fraus sumarið 2017.