Sjálfsbjörg - 01.07.1996, Síða 19
Byrjað á öfugum enda
/
segir Guðríður Olafsdóttir formaður Sjálfsbjargar um skerðingu
á uppbót vegna mikils lyjja- og lækniskostnaðar
Guðríður Ólafsdóttir, formaður Sjálfsbjargar: „Við reynum að þrýsta
á stjórnvöld með öllum þeim aðferðum sem við höfum yfir að ráða,
en það virðist ekkert bíta.“
r
þeim ráöuneytum sem fara meö
málefni fatlaöra gildir alls staöar sú
stefna aö halda kostnaöi niðri eins
og unnt er, segir Guðríöur Ólafsdótt-
ir formaöur Sjálfsbjargar, landssam-
bands fatlaöra. - Oft er þessu aö-
haldi beitt meö þeim hætti aö fóik
finnur verulega fyrir því.
Skerðing á uppbót til þeirra sem
hafa mikinn kostnað af lyfjum og lækn-
isaðstoð er dæmi um slíkt aðhald. Sú
skerðing nær til þeirra sem hafa 75.000
krónur eða þar yfir í brúttótekjur eða
eiga 2,5 milljónir í eignum. Þetta getur
numið 8-9.000 krónum á mánuði og auk
þess 2.000 kr. í afnotagjald RÚV. Það
munar um minna fyrir fólk með lágar
tekjur.
Vissulega má segja að það þurfi að
endurskoða reglurnar um þessa uppbót
en með þessu móti er byrjað á öfugum
enda. I stað þess að Tryggingastofnun
sé falið að endurskoða reglurnar er byrj-
að á að setja nýja reglugerð og svo er
stofnuninni falið að leita uppi þá sem
eru ofan við tekju- og eignamörkin.
Bflakaupastyrkir
tekjutengdir?
- Annað dæmi eru slysabæturnar
sem fólk fær sem lent hefur í slysum og
eiga að duga því til æviloka ásamt vöxt-
um. Nú verða vextirnir skattlagðir um
10% frá og með næstu áramótum, auk
þess sem 50% af fjármagnstekjum
skerða bætur almannatrygginga.
Það er búið að fækka bílakaupa-
styrkjum til hreyfihamlaðra úr 650 í 335
á ári þrátt fyrir mikla eftirspurn eftir
þessum styrkjum. Með þessu er hætta á
að þessir styrkir verði eigna- og tekju-
tengdir í framtíðinni í stað þess að ráð-
ast af líkamlegri þörf. Það verður að
láta læknisfræðilegt mat á hæfni fólks
ráða styrkveitingunum því þótt fólk hafi
góðar tekjur getur bíll verið forsenda
þess að viðkorriandi haldi þeim tekjum.
Þá hefur verið ákveðið að þessir styrkir
séu ekki veittir eftir að fólk nær sjötugs-
aldri. Það ætti að veita styrki meðan
fólk getur ekið.
Við óttumst að á næsta ári verði
gripið til enn frekari skerðingar. I fjár-
lagafrumvarpinu segir að ætlunin sé að
ná til baka því sem stofnanir ríkisins
hafa farið fram úr fjárlögum. Það táknar
að fleiri deildum sjúkrahúsa verður lok-
að á næsta ári og biðlistar lengjast. Það
er erfitt fyrir fólk sem fær faglegt mat
læknis á því að það þurfi nauðsynlega á
aðgerð að halda en svo er upp undir
tveggja ára biði eftir henni. Margir geta
ekki lifað án þess að taka verkjalyf og
þegar biðin er orðin svona löng eru lyf-
in jafnvel orðin dýrari en sjúkrahúsvist-
in.
Ekkert bítur á stjórnvöld
Verðið þið mikið vör við vandrœði
fólks vegna skerðingarinnar?
- Já, fólk hefur mikið samband við
Sjálfsbjörg þegar það er sárþjáð. Við
reynum að þrýsta á stjórnvöld með öll-
um þeim aðferðum sem við höfum yfir
að ráða, en það virðist ekkert bíta, segir
Guðríður.
Hún bætir því við að öryrkjum fjölgi
um 7% á ári. í tilefni af 60 ára afmæli
Tryggingastofnunar ríkisins var Há-
skóla Islands falið að gera könnun á or-
sökum örorku hér á landi og kvaðst
Guðríður bíða eftir niðurstöðum hennar.
- En ég vona að Alþingi beri gæfu
til þess að útvega Tryggingastofnun
hentugra húsnæði en stofnunin er í nú.
Það væri verðug afmælisgjöf að stofn-
unin fengi til umráða aðgengilegra hús-
næði á aðgengilegri stað þar sem hægt
er að taka á móti öldruðu fólki og ör-
yrkjunt með sóma, sagði Guðríður að
lokum.
SJÁLFSBJÖRG (^)