Fréttablaðið - 04.02.2022, Blaðsíða 38

AUGLÝSINGADEILDIR – AUGLÝSINGASTJÓRI: Gústaf Bjarnason gustaf@torg.is, ALMENNAR AUGLÝSINGAR: SÍMI 550 5050:
Auður Húnfjörð audur@frettabladid.is, Hjördís Zoëga hjordis@frettabladid.is, Hlynur Þór Steingrímsson hlynur@frettabladid.is , Reynir Elís Þorvaldsson reynir@frettabladid.is,
Örn Geirsson orn@frettabladid.is FÓLK/SÉRBLÖÐ SÍMI 550 5078: Arnar Magnússon arnarm@frettabladid.is, Jóhann Waage johannwaage@frettabladid.is, Jón Ívar Vilhelmsson
jonivar@frettabladid.is, Ruth Bergsdóttir ruth@frettabladid.is FÓLK OG SÉRBLÖÐ EFNI: Elín Albertsdóttir elin@frettabladid.is RAÐAUGLÝSINGAR /FASTEIGNIR SÍMI 550 5056:
Hrannar Helgason hrannar@frettabladid.is, TÍMAMÓTA- OG ÞJÓNUSTUAUGLÝSINGAR SÍMI 550-5055: Arna Rut Kristinsdóttir arnarut@frettabladid.is
svavamarin@frettabladid.is
Danshöfundurinn og dansarinn
Lovísa Ósk Gunnarsdóttir er kom­
inn, ásamt föruneyti, til Noregs með
verkið When the Bleeding Stops og
setur það á svið um helgina.
Dansverkið fjallar um breytinga­
skeið kvenna með rætur í persónu­
legri reynslu Lovísu þegar hún taldi
sig vera að komast á það skeið fyrir
þremur árum.
Hún segist hafa fengið ákveðið
sjokk þegar hún varð fertug og hélt
að hún væri að byrja á breytinga­
skeiðinu. Hún segir þetta vera falið
leyndarmál í samfélaginu sem
enginn talar um en hún hafi, þegar
betur var að gáð, áttað sig á því að
þetta væri ekki svo slæmt.
When the Bleeding Stops var
frumsýnt á Nýja sviði Borgarleik­
hússins í nóvember síðastliðnum
og markaði þá upphaf Reykjavík
Dance Festival.
„Okkur var sem sagt boðið að
koma til Noregs að sýna og í kjöl­
farið auglýsti ég eftir konum
búsettum í Noregi,“ upplýsir Lovísa
stolt og bætir við að hún hafi í kjöl­
farið fengið sendan fjöldann allan
af myndböndum sem hafa nú bæst
við verkið.
„Að auki sameinast nokkrar
þeirra íslensku dönsurunum okkar
á sviði,“ segir hún spennt yfir að
vera loksins mætt til Noregs þar sem
heimsfaraldurinn hefur haldið öllu
í óvissu. ■
Dansað í kringum tíðahvörf í Noregi
Dans Lovísu
Óskar um tíða-
hvörfin verður
stiginn í Noregi.
MYND/AÐSEND
Frægasti ísskápur landsins,
þar sem allt fæst gefins í And­
rými á Bergþórugötu, bilaði
skyndilega á dögunum. Það
tók Kamilu Walijewska og
Marco Pizzolato einungis um
einn dag að útvega nýjan,
þökk sé dyggum stuðningi
nágranna og velvildarfólks.
odduraevar@frettabladid.is
„Við fengum ábendingu um að það
kæmi skrítin lykt úr ísskápnum
fyrir nokkrum dögum,“ segir
Kamila Walijewska sem í fyrra
kom ísskápnum, eða frískápnum
öllu heldur, fyrir við Bergþórugötu
20 í miðbænum ásamt félaga sínum
Marco Pizzolato til þess að sporna
gegn matarsóun.
Þau halda úti Facebook­hópi
nefndum eftir frískápnum þar sem
fólki gefst kostur á að birta myndir
af því sem það setur í ísskápinn til
að deila með öðrum. Rúmlega fjög­
ur þúsund manns eru nú meðlimir.
„Þannig að þegar við fengum
ábendingu um lyktina fórum við
á staðinn og héldum fyrst að þetta
væri eitthvað matarkyns og þrifum
hann,“ segir Kamila.
Daginn eftir var lyktin hins vegar
ekki horfin og leitaði Kamila þá til
félaga síns með vit á ísskápum. „Ég
veit ekki hvernig þetta virkar en
hann sagði okkur að blessuðum
ísskápnum væri ekki viðbjargandi.
Þannig að við skelltum strax bil­
unarskilti á hann,“ segir Kamila.
Nýr skápur degi síðar
Kamila birti um hæl tilkynningu
um málið á Facebook­hópnum síð­
asta sunnudag og jafnframt um það
að leit væri hafin að arftaka þessa
vinsælasta ísskáps Íslands.
„Næsta dag vorum við farin af
stað að sækja nýjan ísskáp sem er
núna kominn fyrir framan húsið,“
segir Kamila. Eigandinn er góð­
kunningi verkefnisins og hafði
ætlað ísskápinn í sambærilegt verk­
efni í Kópavogi.
Aðspurð segir Kamila að þetta
sé til marks um það hve vinsæll frí­
skápurinn er. „Það er alveg magnað
hvað við höfum fengið frábærar
viðtökur og þetta er til marks um
það að fólk er að nýta sér þetta og
hvað þetta er gott samfélag,“ segir
Kamila.
Vopn í matarsóunarstríðinu
Kamila segir hugmyndir uppi víða
um landið um að setja upp sam­
bærilega skápa en frískápurinn á
Bergþórugötu er sá fyrsti hérlendis.
„Við höfum verið í bandi við fólk
víðs vegar um Reykjavík og um
landið sem hefur svipaðar hug­
myndir. Þetta tekur auðvitað tíma
en er til tals meðal annars á háskóla­
svæðinu og meira að segja á Ísa­
firði,“ segir Kamila.
Hugmyndin er að segja matar­
sóun stríð á hendur en Kamila segir
leitt hve mikill matur fari til spillis á
Íslandi og víðar. Ætlunin er að mála
nýja frískápinn sem ætti brátt að
verða glæsilegasti ísskápur lands­
ins. „Þannig að vonandi heldur fólk
áfram að vera duglegt að deila mat
með öðrum frekar en að hann fari
til spillis.“ ■
Tók enga stund að skipta út
undarlega lyktandi frískáp
Kamila og Marco voru snögg að eyða allri fýlu frá einhverjum þekktasta ísskáp landsins. FRÉTTABLAÐIÐ/SIGTRYGGUR ARI
Skjótt var brugðist við biluninni.
STÓR PIZZA
PÖNNUTILBOÐ
ALLA DAGA Í FEBRÚAR
1. 590
PEPPERONI • HAWAII • MARGARITA
EF ÞÚ SÆKIR
pizzahut.is - 515 1617 - Smáralind og Staðarbergi 2–4 Hafnarfirði
18 Lífið 4. febrúar 2022 FÖSTUDAGURFRÉTTABLAÐIÐ