Fréttablaðið - 12.03.2022, Page 58
Lögfræðingur á skrifstofu innviða heilbrigðisþjónustu
Heilbrigðisráðuneytið auglýsir laust til umsóknar starf lögfræðings á skrifstofu innviða heilbrigðisþjónustu.
Um er að ræða áhugavert og fjölbreytt starf í krefjandi starfsumhverfi þar sem reynir á öguð vinnubrögð, ábyrgð og sjálfstæði.
Helstu verkefni og ábyrgð
• Samning lagafrumvarpa og reglugerða.
• Afgreiðsla stjórnsýsluerinda og álitsgerða.
• Umsjón og eftirfylgni með framkvæmd laga.
• Þátttaka í stefnumótun er lýtur að málaflokkum skrifstofunnar.
• Samskipti við Alþingi, Eftirlitsstofnun EFTA, önnur stjórnvöld, stofnanir, hagsmunaaðila og einstaklinga.
Menntunar- og hæfnikröfur
• Fullnaðarpróf í lögfræði með embættis- eða meistaraprófi. Önnur viðbótarmenntun er kostur.
• Góð kunnátta í stjórnsýslurétti. Reynsla af störfum innan stjórnsýslunnar er kostur.
• Reynsla og þekking af samningamálum og gerð samninga er kostur.
• Sveigjanleiki, samstarfshæfni, skipulagshæfni og sjálfstæð vinnubrögð.
• Gott vald á íslensku og færni til að tjá sig í ræðu og riti.
• Góð kunnátta í ensku og færni til að tjá sig í ræðu og riti.
• Góð kunnátta í a.m.k. einu Norðurlandamáli er æskileg.
• Jákvæðni og lipurð í mannlegum samskiptum.
• Kostur er að umsækjandi hafi þekkingu eða reynslu í þeim málaflokkum sem heyra undir skrifstofuna.
Starfið heyrir undir skrifstofu innviða heilbrigðisþjónustu sem annast verkefni er varða innkaup á vöru og þjónustu í heilbrigðis-
kerfinu, samninga, lyf, sjúkratryggingar, byggingaframkvæmdir, mönnun heilbrigðisþjónustu, hagmál, heilbrigðisgögn og úrvinnslu.
Laun eru samkvæmt gildandi kjarasamningi sem fjármála- og efnahagsráðherra og Félag háskólamenntaðra starfsmanna
stjórnarráðs hafa gert. Æskilegt er að umsækjandi geti hafið störf sem fyrst. Áhugasamir einstaklingar eru hvattir til að sækja
um starfið óháð kyni. Með umsókn skal fylgja afrit af prófskírteinum, ítarleg starfsferilskrá og kynningarbréf þar sem gerð er grein
fyrir ástæðu umsóknar og hvernig umsækjandi uppfyllir hæfniskröfur.
Umsóknarfrestur er til og með 25. mars 2021 og er starfshlutfall 100%
Öllum umsóknum verður svarað þegar ákvörðun um ráðningu liggur fyrir. Tekið skal fram að umsóknir geta gilt í sex mánuði
frá því að umsóknarfrestur rennur út, sbr. reglur nr. 464/1996 um auglýsingar á lausum störfum með síðari breytingum.
Upplýsingar um starfið veitir Heiða Björg Pálmadóttir, skrifstofustjóri,
heida.palmadottir@hrn.is Stjórnarráð Íslands
Heilbrigðisráðuneytið
ÚTGÁFUFÉLAGIÐ TORG EHF. ÓSKAR EFTIR AÐ RÁÐA
ÚTGÁFUFÉLAGIÐ TORG EHF. ÓSKAR EFTIR AÐ RÁÐA
Starfssvið:
• Umsjón með útliti blaðsins.
• Hönnun nýrra efnisþátta.
• Almennt umbrot á blöðum Torgs (Fréttablaðið og sérblöð).
Hæfniskröfur:
• Próf í grafískri hönnun eða grafískri miðlun.
• Reynsla af dagblaðavinnslu.
• Geta til að vinna í hópi.
• Sveigjanleiki og frumkvæði í starfi.
Umsókn ásamt ferilskrá sendist á: sfa@torg.is | Umsóknarfrestur er til og með 18. mars 2022. | Stefnt er að því að umsækjandi hefji störf hið fyrsta.
grafíSkUr HönnUðUr
ÚTgÁfUfÉLagIð TOrg EHf. ÓSkar EfTIr að rÁða grafíSkan HönnUð
Á STÆrSTa PrEnTMIðIL LanDSInS.
18 ATVINNUBLAÐIÐ 12. mars 2022 LAUGARDAGUR