Fréttablaðið - 31.03.2022, Blaðsíða 22

Útgefandi: Torg ehf. Veffang: frettabladid.isÁbyrgðarmaður: Jón Þórisson Sölumaður auglýsinga: Jón Ívar Vilhelmsson, jonivar@frettabladid.is, s. 550 5654,
Það er allt að lifna við þessa
dagana í sýningarhaldi hjá Gallerí
Fold eftir róleg tvö ár. Maddý
Hauth sýningarstjóri og Jóhann
Ágúst Hansen framkvæmda-
stjóri gallerísins segja spennandi
sýningar handan við hornið.
„Núna 9. apríl opnar Þorri
Hringsson sýningu, en síðasta
sýningin hans hjá okkur var fyrir
þremur árum. Þorri er vinsæll
listamaður en hann málar raun-
sæis-landslagsmálverk,“ segir
Maddý.
„Hann er búinn að vera að undir-
búa þessa sýningu í tvö ár svo
það verður spennandi að sjá hana
loksins,“ skýtur Jóhann inn í.
„Síðan í maí verður stór sýning
á verkum Errós. Sú sýning er í
samstarfi við franskt gallerí í
Strassborg en þaðan berast meðal
annars olíuverk og djúpþrykkt
verk eftir Erró,“ segir Maddý.
Sýningin er sölusýning og
Jóhann segir það svolítinn viðburð
að fá svo mörg olíuverk til sölu hér
á landi.
„Á sýningunni verða einnig
djúpþrykk og önnur þrykk eftir
Erró til sölu, í öllum stærðum og
gerðum,“ segir hann.
„Erró verður 90 ára á árinu.
Þetta er ekki beint afmælissýning
en hún verður haldin í kjölfarið á
stórri afmælissýningu á Listasafni
Reykjavíkur.“
Íslendingar vilja kaupa list
Jóhann segir að Íslendingar séu
áhugasamir um að kaupa list
og sala hafi ekki dregist
saman í Covid.
„Það hefur gengið
mjög vel hjá okkur
að selja myndlist
síðustu ár. Salan
jókst ef eitthvað
er. Íslendingar
eru almennt
áhugasamir
um myndlist
og við eigum
mjög fjölhæfa
og frábæra
listamenn,“ segir
hann.
„Við bjóðum fjöl-
breytt úrval af listaverk-
um, aðallega eftir innlenda
listamenn en þó eru alltaf ein-
hverjir erlendir sem selja og sýna
hjá okkur líka. Það er alltaf hægt
að skoða töluverðan fjölda verka
hjá okkur þótt það sé ekki sérstök
sýning á þeim og svo er líka hægt
að skoða flest verkin á vefnum
okkar og kynna sér þá listamenn
sem við erum í samstarfi við.“
Maddý bætir við að auk upp-
runalegra verka sé til breitt úrval
prentverka í upplagi hjá Gallerí
Fold.
„Upplagsverk hafa verið að
seljast vel, mér finnst eins og það
hafi orðið vakning hjá fólki um að
kaupa prentuð verk í upplagi og
fjölfeldi af ýmsu tagi. Fólk sækir í
þessi verk núna.“
30 ára afmæli
Gallerí Fold verður 30 ára í ágúst
en á árinu verða haldnir ýmsir við-
burðir í tengslum við það sem ná
hápunkti á Menningarnótt.
„Menningarnótt hefur yfirleitt
verið stór hjá okkur og þá verða
ýmsir viðburðir sem verða kynntir
betur þegar nær dregur. Þó er ljóst
að við verðum með viðburði eins
og öruppboð, það verður hægt
að fylgjast með listamönnum
vinna, þá verða tónlistaratriði og
margt fleira. Listamaðurinn Odee
mun meðal annars gera sérstakt
listaverk í tilefni afmælisins sem
verður afhjúpað á Menningarnótt.
Þetta er alltaf mjög skemmtilegur
dagur hjá okkur,“ segir Maddý.
„Afmælissýningin okkar verður
sýning á verkum Möggu Rutar
Eddudóttur en hún verður opnuð
í byrjun ágúst. Magga Rut er afar
áhugaverður listamaður en þetta
Maddý er spennt fyrir þeim fjölbreyttu sýningum sem eru fram undan.
FRÉTTABLAÐIÐ/VALLI
Í Gallerí Fold
er mikið úrval
listaverka til
sölu. Þetta
olíumálverk
eftir Þorstein
Helgason er án
titils.
er önnur
sýningin
sem hún
heldur í Gallerí
Fold,“ segir hún.
„Magga teiknar og notar flos í
verkunum, þetta eru bæði textíl-
verk og skúlptúrar. Verkin hennar
eru mjúk, hún notar mjúka liti og
útkoman er mjög femínísk. Þetta
eru hlý verk, maður verður eigin-
lega pínu loðin af þeim,“ bætir hún
við hlæjandi.
„Magga er rosalega skemmti-
legur listamaður sem fólk ætti að
kynna sér.“
Þátttaka í listamessum
í útlöndum
Gallerí Fold er í samstarfi við
um það bil 30 íslenska listamenn
sem selja verk sín í galleríinu árið
um kring og halda sýningar þar.
Jóhann segir að reglulega taki gall-
eríið þátt í kaupstefnum erlendis
þar sem verk íslenskra listamanna
eru boðin til sölu.
„Núna erum við að vinna að því
að taka þátt í sýningum á Eng-
landi, í Vínarborg og í Danmörku.
Þetta eru stórar listamessur og við
erum að fara með verk nokkurra
af okkar listamönnum út. Það er
hluti af okkar samstarfi við lista-
mennina að fara á listamessur með
verk þeirra sem við vinnum hvað
nánast með,“ segir Jóhann, „þótt
það hafi legið niðri síðustu tvö ár
út af Covid,“ segir hann og hlær.
„En nú er allt að lifna við. Þetta
verður spennandi sýningarár fram
undan. Út þetta ár og byrjun þess
næsta. En við endum alltaf árið á
stórri jólasýningu og veljum þá
einn listamann til að vera með
sýningu. Það verður Unnur Ýr
Helgadóttir sem lokar sýningum
ársins hjá okkur.“ ■
Tank, verk eftir Erró.
Opal eftir lista-
manninn
Odee.
Verk eftir Þorra Hringsson en sýning á verkum hans opnar 9. apríl eftir að hafa verið í undirbúiningi í tvö ár.
2 kynningarblað 31. mars 2022 FIMMTUDAGURMYNDLIST Á ÍSLANDI