Fréttablaðið - 31.03.2022, Blaðsíða 38

Flateyjardalur gengur inn Flateyjarskaga sem afmark-
ast af Eyjafirði og Skjálfandaflóa, en þar liggur hann
vestan Víknafjalla og Kinnafjalla sem daglega gleðja
Húsvíkinga. Dalurinn, sem sunnar kallast Flateyjar-
dalsheiði og nær 220 metra hæð, er 33 kílómetra langur
og eftir honum liggur jeppavegur úr Fnjóskadal. Vegna
snjóa er hann aðeins fær á sumrin og snemma á haust-
in, enda Flateyjardalur steinsnar frá heimskautsbaug
og því vetrarríki mikið. Lífsbarátta fólks sem þarna bjó
á fimm býlum var því afar erfið, en 1953 lögðust Brett-
ingsstaðir síðastir í eyði. Sumrin í Flateyjardal geta
þó verið hlý og þurr og nyrst er ágætt undirlendi með
gróskumiklum gróðri og frábæru berjalandi. Fjall-
garðar beggja vegna dalsins magna síðan upp tignar-
legt landslagið, líkt og veiðiáin Dalsá sem rennur eftir
botni hans.
Í Flateyjardal fæddist Finnbogi rammi sem sam-
nefnd Íslendingasaga er kennd við. Nýfæddur var
hann borinn út en hjón á nálægum bæ fundu hann
reifaðan í urð og fóstruðu til fullorðinsára. Í fyrstu var
hann kallaður Urðarköttur en var síðan gefið nafnið
Finnbogi eftir að hafa bjargað samnefndum manni úr
sjávarháska. Finnbogi rammi var, eins og nafnið gefur
til kynna, mikill vígamaður og drap fjölmarga menn
á ævi sinni. Þannig á hann einsamall að hafa vegið 12
af 15 óvinum sem sátu fyrir honum á kambi í dalnum
sem kallast Finnbogakambur en þrír náðu að f lýja.
Í Flateyjardal bjóðast fjölmargar spennandi göngu-
leiðir sem henta jafnt ungum sem öldnum. Gaman er
að rölta á milli gamalla eyðibýla en til að komast að
Knarrareyri, þar sem Finnbogi rammi fæddist, þarf að
aka austur yfir vatnsmikla Dalsána. Þar eru fallegar
rústir og strandlengja Eyrarvíkur er mikið fyrir augað,
eins og reyndar aðrar strandir Flateyjardals vestan
ósa Dalsár. Með því að ganga á Víkurhöfða eða fjöll í
nágrenninu sést vel til Flateyjar á Skjálfandaflóa sem
dalurinn dregur nafn sitt af. Á góðum degi grillir einn-
ig í Grímsey. Mun erfiðari gönguleið liggur um lausar
skriður og torfæra stíga yfir í Hvalvatnsfjörð, ganga
sem ekki er fyrir lofthrædda og tekur daginn. Einnig
má á tveimur dögum ganga Flateyjardalsheiði suður í
Fnjóskadal, og er tilvalið að gista á miðri leið í vistlegu
sæluhúsi, Heiðarhúsi. Þaðan getur sprækt göngufólk
tekið aukadag og vaðið Dalsá til austurs, haldið yfir
Kinnafjöll og ofan í stórbrotnar Náttfaravíkur. n
Í Flateyjardal
Finnboga ramma
Horft til austurs yfir Flateyjardal. Handan hans er fjallið Hágöng ytri. MYNDIR/ÓMB
Miðnætursólin er óvíða fallegri en í Flateyjardal með útsýni til Flateyjar og jafnvel Grímseyjar.
Í vestanverðum
Flateyjardal eru
víða stórbrotin
björg og ofan
þeirra skemmti-
legar göngu-
leiðir.
FÓKUS Á HJARTA LANDSINS 31. mars 2022 FIMMTUDAGUR
Ólafur Már
Björnsson
augnlæknir og
ljósmyndari
Tómas
Guðbjartsson
hjartaskurð­
læknir og náttúru­
unnandi