Morgunblaðið - 10.02.2022, Blaðsíða 20

20 FRÉTTIR
Innlent
MORGUNBLAÐIÐ FIMMTUDAGUR 10. FEBRÚAR 2022
ALVÖRU
VERKFÆRI
190
EITTRAFHLÖÐUKERFI
YFIR VERKFÆRI
VERKFÆRASALAN • SÍÐUMÚLA 9, REYKJAVÍK • DALSHRAUNI 13, HAFNARFIRÐI • TRYGGVABRAUT 24, AKUREYRI • S: 560 8888 • vfs.is
vfs.is
Helgi Bjarnason
helgi@mbl.is
Þrátt fyrir að ástandið í þjóðfélaginu
sé að færast í eðlilegra horf eftir
langvarandi erfiðleika í kórónuveiru-
faraldrinum hefur þörfin fyrir mat-
araðstoð lítið minnkað, að mati for-
svarsmanna Fjölskylduhjálpar
Íslands og Mæðrastyrksnefndar
Reykjavíkur. Enn sé fjöldi fólks í
þörf fyrir matarúthlutun.
Miklar annir voru hjá starfsfólki
og sjálfboðaliðum hjálparsamtak-
anna fyrir jólin, eins og alltaf er. Þeir
aðstoðuðu mörg þúsund manns með
jólamatinn. Þar skipti framlag Kaup-
félags Skagfirðinga sköpum því það
lagði til margvísleg matvæli úr mat-
vælaframleiðslu sinni eins og félagið
hafði gert fyrir jólin 2020 og fyrir
páskana í fyrra.
„Kórónuveirufaraldurinn hafði
mikil áhrif á atvinnulífið þegar hann
skall á. Við litum á það sem sam-
félagslega skyldu okkar sem stórs
matvælaframleiðanda að styðja við
þá sem misstu vinnuna eða stóðu
höllum fæti af öðrum ástæðum með
því að standa við bakið á hjálpar-
stofnunum og höfum haldið því
áfram í covid-faraldrinum,“ segir
Þórólfur Gíslason, kaupfélagsstjóri
Kaupfélags Skagfirðinga. Hann seg-
ir að félagið sé stolt af því að hafa
getað orðið að liði við þessar að-
stæður.
Spurður hvað félagið hafi lagt í
þetta verkefni segir hann, eins og áð-
ur þegar hann hefur verið spurður,
að ekki sé rétt að meta það í krónum
og aurum en segja megi að KS hafi
lagt til einhver hundruð þúsunda
máltíða í kórónuveirufaraldrinum.
Ekki komast allir að
Fjölskylduhjálp Íslands var lokuð
í janúar. Ásgerður Jóna Flosadóttir
formaður segir að sjálfboðaliðar
samtakanna hafi lagt mikið á sig fyr-
ir jólin og nauðsynlegt hafi verið að
gefa þeim frí. Þó hafi verið eins kon-
ar neyðarúthlutanir á hverjum degi,
yfirleitt eftir ábendingu frá starfs-
fólki stofnana í heilbrigðis- og fé-
lagskerfinu.
Hún segir að mikið sé spurt um
næstu matarúthlutanir. Ákveðið hafi
verið að næst verði mat úthlutað í
Iðufelli í Reykjavík 15. þessa mán-
aðar og í Reykjanesbæ 16. febrúar.
Hún segir að nú
verði fólki gefinn
kostur á að sækja
um á netinu og
þeir sem komast
að fái smáskila-
boð í síma um það
hvenær nákvæm-
lega þeir geti sótt
matinn.
Ásgerður segir
að staðan sé
þannig að reikna megi með að ekki
komist allir að í fyrstu úthlutun. Þeg-
ar búið verður að úthluta því sem til
er lokist fyrir úthlutun í það skiptið
en umsóknirnar færist yfir á næsta
og ef til vill þar næsta úthlut-
unardag. Einnig þurfi að taka tillit til
sjálfboðaliðanna, þeir geti ekki unnið
endalaust.
Öryrkjar og hælisleitendur
Spurð hvaða hópar sæki mest í
matarúthlutun hjá Fjölskylduhjálp-
inni segir Ásgerður að flestir séu á
leigumarkaði. Ráðstöfunartekjur
fólks hafi ekki aukist, þrátt fyrir yfir-
lýsingar stjórnmálamanna um ann-
að, margir hafi ekki efni á að leysa út
lyfin sín eða borga fyrir sjúkrabílinn.
Það komi til Fjölskylduhjálpar Ís-
lands. Nefnir hún öryrkja, einstæða
foreldra og einhleypa karlmenn. Um
helmingur skjólstæðinga Fjöl-
skylduhjálpar Íslands er af erlendu
bergi brotinn, meðal annars hæl-
isleitendur á ýmsum stigum í um-
sóknarferli. Ásgerður gagnrýnir
hugmyndir um að ríkið hætti allri að-
stoð við hælisleitendur sem fengið
hafi synjun. Þeir muni koma beint til
Fjölskylduhjálparinnar og auka
álagið þar. Hún segir að til þess að
sinna þörfum fólksins þyrfti stærra
húsnæði, fleiri sjálboðaliða og meira
fjármagn til kaupa á mat.
Anna Pétursdóttir, formaður
Mæðrastyrksnefndar Reykjavíkur,
segir að mat hafi verið úthlutað
tvisvar í tveimur síðustu vikum jan-
úarmánaðar og það verði gert í febr-
úar og áfram, eftir því sem unnt
verði. Hún segir að 300-400 manns
komi til Mæðrastyrksnefndar á viku
um þessar mundir.
Hún segir að fólk úr ýmsum hóp-
um sæki sér mat en telur að öryrkjar
séu í mestri þörf fyrir aðstoð nú eins
og oftast áður. Eins virðist einstæðar
mæður hafa það slæmt. Hún nefnir
einnig heimilislaust fólk og fíkla.
Ekki telur Anna að það fækki í
hópi skjólstæðinga Mæðrastyrks-
nefndar þótt kórónuveirufaraldurinn
sé að fjara út. Tekur þó fram að fleiri
séu með vinnu og finnst að færra
fjölskyldufólk komi núna en oft áður.
Annars hafi þörfin verið nokkuð
stöðug. Mæðrastyrksnefnd aðstoði
marga í hverri viku.
KS fær þakkir fólksins
Anna Pétursdóttir segir að mikil
vinna fari í að safna fé til að kaupa
mat. Einnig fáist matur gefins frá
fyrirtækjum og nefnir sérstaklega
framlag Kaupfélags Skagfirðinga.
Mikið hafi munað um það.
Ásgerður Jóna Flosadóttir segir
óljóst um framhaldið. Kaupfélag
Skagfirðinga hafi stutt Fjölskyldu-
hjálp Íslands og aðrar hjálparstofn-
anir þrisvar sinnum, fyrir jólin 2020,
páskana á síðasta ári og síðan um jól-
in. Hún segir að forsvarsmenn fyrir-
tækisins fái bestu þakkir fólksins
sem notið hefur þess mikla stuðnings
sem fyrirtækið hefur veitt síðustu
misseri. Hún segir að fleiri fyrirtæki
séu að taka við sér og sendi mat til
úthlutunar.
Margir treysta á matarúthlutun
- Þeim sem leita til hjálparsamtaka fækkar lítið þótt ástandið í þjóðfélaginu færist í eðlilegra horf
- Matvæli sem Kaupfélag Skagfirðinga gaf í kórónuveirufaraldrinum eru sögð hafa skipt sköpum
Morgunblaðið/Árni Sæberg
Flutningar Fjölskylduhjálp Íslands, Mæðrastyrksnefndir Reykjavíkur og Kópavogs og fleiri samtök hafa á síðustu
misserum fengið margar sendingar að norðan, matvæli í hæsta gæðaflokki, fyrir fjölskyldur sem þurfa á að halda.
Þórólfur
Gíslason
Ásgerður Jóna
Flosadóttir
Anna H.
Pétursdóttir
Fjölskylduhjálp Íslands er að koma
sér upp svokölluðum matarbanka
sem opinn verður alla virka daga
og fólk getur sjálft valið sér vörur
úr. Þangað er beint matvælum
sem eru við það að renna út á tíma
en eru góður matur ef hann er not-
aður strax. Þá er stefnt að því að
bjóða upp á heita súpu sem fólk
geti tekið heim með sér.
Ásgerður Jóna Flosadóttir, for-
maður Fjölskylduhjálpar Íslands,
fagnar því að vera komin með hús-
næði fyrir matarbanka í Iðufelli 14,
í sama húsi og Fjölskylduhjálpin
hefur til afnota. Þangað verði
beint mat sem sé að renna út á
tíma og fyrirtæki gefi í stað þess
að setja í urðun. Einnig vörur sem
hafi verið frystar áður en kom að
síðasta söludegi. Hún segir að
þetta séu góðar vörur en þurfi að
notast strax. Þá dragi þetta úr
matarsóun og sé gott innlegg í
loftslagsmálin. „Fyrirtækin hringja
orðið í okkur á morgnana og við
sækjum matinn til þeirra jafn-
óðum,“ segir Ásgerður.
Matarbankinn verður að hennar
sögn með opið alla virka daga frá
klukkan eitt til fimm. Fólk sem
áður hefur skráð sig á netinu fær
smáskilaboð í símann um það
klukkan hvað og hvaða dag það
getur sótt sér mataraðstoðina og
valið sér mat sem þar verður í boði
hverju sinni.
Matarbanki Fjölskylduhjálpar Ís-
lands verður opnaður í mars.
„Markmiðið er að ekkert barn fari
svangt að sofa og að öll börn geti
farið með nesti í skólann.“
Hugmyndin er einnig að elda
súpur þannig að seinnihluta dags
geti skjólstæðingar Fjölskyldu-
hjálparinnar komið með eigin ílát
og farið með súpu og brauð með
sér heim. helgi@mbl.is
Unnið að opnun matarbanka
FJÖLSKYLDUHJÁLP ÍSLANDS
Morgunblaðið/Árni Sæberg
Nýjung Matarbankinn verður í sama húsi og Fjölskylduhjálpin hefur til umráða.