Morgunblaðið - 10.02.2022, Blaðsíða 24

24 FRÉTTIR
Innlent
MORGUNBLAÐIÐ FIMMTUDAGUR 10. FEBRÚAR 2022
opnar 9. febrúar Opið virka daga
10–18,
laugardaga 12–16
Lokað á sunnudögum
ANNE HERZOG
Sýning í Gallerí Fold
FJALL HINNA GLEYMDU DRAUMA
Börn sem eiga lögheimili á höfuð-
borgarsvæðinu en eiga foreldra eða
forráðamenn með búsetu á lands-
byggðinni munu framvegis geta nýtt
sér Loftbrú sem veitir 40% afslátt af
heildarfargjaldi fyrir áætlunarflug
innanlands til og frá höfuðborgar-
svæðinu. Breytingin tók gildi mánu-
daginn 7. febrúar. Tilkynning um
breytinguna er birt á vef Vegagerð-
arinnar, sem hefur umsjón með
Loftbrú fyrir hönd ríkisins.
Loftbrú var hleypt af stokkunum í
september 2020 með það að mark-
miði að bæta aðgengi íbúa á lands-
byggðinni að miðlægri þjónustu og
efla byggðir með því að gera innan-
landsflug að hagkvæmari sam-
göngukosti. Loftbrú veitir afslátt-
arkjör til þeirra sem eiga lögheimili
á landsbyggðinni fjarri höfuðborg-
arsvæðinu og á eyjum án vega-
sambands. Rúmlega 60 þúsund íbú-
ar geta nýtt sér Loftbrú en hver
einstaklingur getur fengið lægri far-
gjöld fyrir allt að sex flugleggi á ári.
Fólk skráir sig á loftbru.island.is.
Loftbrú hefur verið vel tekið frá
því hún var sett í loftið, að því er
fram kemur á vef Vegagerðarinnar.
Tæplega 70 þúsund flugleggir hafa
verið bókaðir síðan Loftbrú fór í loft-
ið fyrir tæpum 18 mánuðum. Á einu
ári, frá janúar 2021 til janúar 2022
varð 36% aukning á nýtingu
Loftbrúar. sisi@mbl.is
Morgunblaðið/Árni Sæberg
Loftbrúin Verkefninu var hleypt af stokkunum í september árið 2020.
Reglur rýmkaðar
um Loftbrúna
- Nærri 70 þúsund flugleggir bókaðir
Sigurður Bogi Sævarsson
sbs@mbl.is
„Ef Ísland á að verða leiðandi í
menntamálum, tækni og þróun
standa framhaldsskólar og endur-
menntunarstofnanir andspænis
breytingum. Taka verður upp staf-
rænt nám í bland við annað, til að
mæta kröfum fjórðu iðnbylting-
arinnar,“ segir Víglundur Laxdal
Sverrisson, nýr skólastjóri Skip-
stjórnarskólans og Véltækniskólans.
Í Véltækniskólanum eru nú um
250 nemendur og um 200 í skip-
stjórn; þar af um ¾ í fjarnámi jafn-
hliða störfum sínum á hafi úti. Þann-
ig er námið í stöðugri þróun enda
breytast aðstæður hratt rétt eins og
tæknin. Starfsemi skólanna er að
mestu leyti í húsi Sjómannaskólans
á Rauðarárholti í Reykjavík. Þar
eru meðal annars nútímasiglinga- og
vélhermar þar sem sjómenn fram-
tíðarinnar fá þjálfun í því að mæta
raunverulegum aðstæðum, þótt á
þurru landi sé. Málmiðngreinar sem
eru hluti af námi í vélstjórn eru hins
vegar kenndar í Hafnarfirði.
Menntunar aflað
óháð tíma og staðsetningu
Sveigjanleiki og aðgengi að
fræðslu skiptir miklu fyrir fólk og
fyrirtækin. Í því sambandi bendir
Víglundur á að hvort tveggja krefj-
ist mannafla og skipulagningar. Oft
þurfi að kalla inn afleysingafólk,
heilu eða hálfu vikurnar, í stað
þeirra sem þurfa að sækja menntun
eða þjálfun. Oft sé þetta fólk utan af
landi sem þarf að koma til Reykja-
víkur og slíku fylgir oft verulegur
kostnaður.
„Þetta samspil er því valdandi að
fólk nýtir síður menntunartækifæri
og þá endurmenntun sem í boði er.
Hætta er á að mismunur á mennt-
unarstigi aukist. Stafrænt nám er
lykilinn að því að fólk geti aflað sér
menntunar óháð tíma og staðsetn-
ingu. Hér á ég ekki við rafbækur
eða upptökur af kennslustundum né
að mjólka núverandi leiðir í námi,
heldur að þróað verði nýtt stafrænt
nám með tækni, þar sem þrívíð sam-
skiptaformin og gagnvirk endurgjöf
gera kennslu notendamiðaða og
meira hvetjandi,“ segir Víglundur.
Kemur ekki í stað
mannlegra samskipta
Þegar stafrænt þjálfunar- og
námsferli hefur verið þróað er auð-
velt að gera það aðgengilegt fyrir
allt landið hvenær sem er, að sögn
Víglundar. Stafræn kennslufræði
höfði til breiðari hóps en hefðbundin
kennslustofa. „Þannig sköpum við
allt annan vinkil til að nálgast nem-
endur. Fáum betri tækifæri til að
halda þeim út námið. Við gerum
starfsgreinar enn áhugaverðari og
mætum ólíkum þörfum nemenda.
Eflum sömuleiðis starfsmenn fyr-
irtækjanna og aukum aðdráttarafl í
nám almennt.“
Víglundur leggur áherslu á að
stafrænt menntakerfi komi ekki í
stað mannlegra samskipta eins og
sumir efasemdarmenn telji. Þvert á
móti. Slíkt geri kennarana frjálsari
gagnvart því að nýta tímann í
kennslustofunni í samspil, æfingar,
samræður og spurningar. Mögu-
leikarnir með stafrænum náms-
áföngum séu margir.
„Í framtíðinni verður að hafa í
huga að það skiptir sköpum að
kennararnir hafi rétta hæfni til að
koma þessu til skila. Reynslan sýnir
einnig að þekking kennara gegnir
mjög mikilvægu hlutverki í þróun
menntakerfisins,“ tiltekur skóla-
stjórinn.
Alinn upp í skipum og bátum
Víglundur nam á sínum tíma vél-
stjórn við Vélskóla Íslands. Flutti
svo ungur með fjölskyldu sinni til
Danmerkur og bjó þar um langt
árabil. Starfaði þá m.a. hjá skipa-
félaginu Maersk og kúlulegufram-
leiðandanum SKF. Víglundur aflaði
sér seinna kennsluréttinda og kom
til starfa í Tækniskólanum fyrir
fjórum árum. Við starfi skólastjóra
tók hann í janúar sl.
„Ég er alinn upp á Suðurnesj-
unum, pabbi var vélstjóri til sjós og
ég er bókstaflega alinn upp um
borð í skipum og bátum. Því kom
nánast af sjálfu sér að ég legði fyrir
mig tæknigreinar og vélstjórn, þar
sem ég hefði alltaf stefnuna á að
starfa í landi. Með námi í Vélskól-
anum fékk ég góðan grunn og und-
irbúning fyrir störf í Danmörku.
Sagðist líka alltaf ætla að koma aft-
ur í skólann til að miðla af minni
þekkingu og reynslu rétt eins og
gekk eftir. Mér finnst sérstaklega
ánægjulegt að miðla af minni
reynslu til unga fólksins, sem er
áhugasamt um nýja tækni. Þá eru
kennsluaðferðir og skólaþróun
meðal áhugamála minna svo hér
smellur allt saman.“
Stafrænt nám nauðsyn í nútímanum
- Skipstjórn og vélfræði í Tækniskólanum - Til sjós og lands - Kennsluhættir þurfa að breytast
- Margir í fjarnámi - Mæta raunverulegum aðstæðum - Víglundur kom aftur og miðlar af reynslu
Reisulegt Sjómannaskólahúsið á Rauðarárholti setur sterkan svip á
Reykjavík, þá ekki síst turnspíran þar sem tíminn er talinn.
Morgunblaðið/Sigurður Bogi
Skólafólk Sigríður Guðmunda Ólafsdóttir, kennari í skipstjórnargreinum, og Víglundur Laxdal Sverrisson. Í bak-
grunni er hafflötur í siglingahermi þar sem nemendur reyna sig við raunverulegar aðstæður, þó á þurru landi sé.
Flugvirkjun er stök deild innan
Véltækniskólans, kennd við Ár-
leyni í Keldnaholti í Reykjavík.
Nemendur í dag eru um 25. Tíðk-
ast hefur að Íslendingar hafi sótt
nám í flugvirkjun vestur til
Bandaríkjanna eða til Skandinav-
íu, en undanfarin ár hefur Tækni-
skólinn boðið upp á námið í sam-
starfi við breskan skóla.
Nú er í þróun íslensk námsleið
sem verður jafnsett því sem
býðst í útlöndum. Til þess að svo
megi verða þarf að uppfylla
margvíslegt regluverk og staðla
sem Samgöngustofa hefur eft-
irfylgd með og er sú vinna í
gangi segir Víglundur sem hefur
leitt þetta starf.
Þróa nýja
námsleið
FLUGVIRKJNÁM Í BOÐI