Morgunblaðið - 10.02.2022, Side 51

ÍÞRÓTTIR 51
MORGUNBLAÐIÐ FIMMTUDAGUR 10. FEBRÚAR 2022
Petra Vlhová frá Slóvakíu bætti ól-
ympíugulli í stórt verðlaunasafn
sitt í gærmorgun þegar hún sigraði
í svigi kvenna á vetrarólympíuleik-
unum í Peking. Þetta kemur í beinu
framhaldi af mikilli sigurgöngu í
vetur þar sem hún vann fimm
heimsbikarmót í röð. Útlitið var þó
ekki gott eftir fyrri ferðina þegar
hún var í áttunda sæti en Vlhová
tryggði sér fyrsta sætið með frá-
bærri keyrslu í síðari ferðinni. Með
þessari frammistöðu færði hún
jafnframt Slóvakíu sitt fyrsta ól-
ympíugull í alpagreinum.
Sögulegur
sigur í sviginu
AFP
Gullið Petra Vlhová með fyrstu
sigurlaun Slóvaka í alpagreinum.
Íris Una og Katla María Þórðar-
dætur, tvíburasystur frá Keflavík,
eru komnar til liðs við knattspyrnu-
lið Selfyssinga frá Fylki. Íris og
Katla eru tvítugar, leika báðar sem
varnarmenn, og léku með Keflavík
til 2019. Þær hafa síðan leikið með
Fylki undanfarin tvö ár. Báðar hafa
þær spilað 45 úrvalsdeildarleiki.
Íris lék 18 af þessum leikjum með
Keflavík árið 2019 og Katla 17. Þá
hafa þær báðar leikið með yngri
landsliðum Íslands á undanförnum
árum en Katla á 38 landsleiki að
baki og Íris 25.
Morgunblaðið/Eggert
Selfoss Katla María Þórðardóttir
kemur frá Fylki ásamt Írisi Unu.
Tvíburar til
Selfyssinga
MEXÍKÓ
Bjarni Helgason
bjarnih@mbl.is
Knattspyrnukonan Andrea Rán
Snæfeld Hauksdóttir skrifaði á dög-
unum undir samning við Club Am-
érica í efstu deild Mexíkó.
Andrea, sem er 26 ára gömul, er
uppalin hjá Breiðabliki en hún er
fyrsti Íslendingurinn til þess að
semja við mexíkóskt félagslið.
Miðjumaðurinn lék með Houston
Dash í bandarísku atvinnu-
mannadeildinni fyrir áramót þar sem
hún fékk fá tækifæri og kom aðeins
við sögu í einum deildarleik með lið-
inu. Hún hefur einnig leikið með Le
Havre í frönsku 1. deildinni og þá á
hún að baki 127 leiki í efstu deild með
Breiðabliki þar sem hún hefur skorað
tíu mörk.
Andrea skrifaði undir samning
sem gildir út þetta tímabil í Mexíkó
en Club América er sem stendur í
fjórða sæti vorkeppni efstu deild-
arinnar með 13 stig eftir sex leiki af
sautján en henni lýkur í maí.
„Ég fékk að æfa með Utah Royals
eftir að ég útskrifaðist úr South Flo-
rida-háskólanum og þar kynntist ég
Craig Harrington, þáverandi þjálfara
Utah, en hann þjálfar í dag Club Am-
érica,“ sagði Andrea í samtali við
Morgunblaðið þegar hún var spurð út
í vistaskipti sín til Mexíkó.
„Ég fór að velta möguleikunum
fyrir mér eftir að það varð ljóst að ég
yrði ekki áfram í Houston. Ég og
Craig höfum alltaf haldið ágæt-
issambandi og hann hafði áhuga á því
að fá mig til Mexíkó. Þegar þetta kom
upp þá varð ég strax mjög spennt fyr-
ir tækifærinu og þetta heillaði mig
mikið.
Ég hafði úr nokkrum kostum að
velja en fyrsti kostur var að vera
áfram í Bandaríkjunum. Ég hafði
nefnt Mexíkó sem hugsanlegan
áfangastað við umboðsmann minn og
hans fyrsta svar var að það yrði erfitt
þar sem aðeins tveir erlendir leik-
menn mega vera í hverju liði.
Þetta kveikti aðeins í mér ef svo má
segja og eftir að ég heyrði þetta var
ég nánast staðráðin í að fara til
Mexíkó ef tækifærið byðist,“ sagði
Andrea Rán sem á að baki 12 A-
landsleiki fyrir Ísland.
Kom skemmtilega á óvart
Andrea er spennt fyrir því að spila
sína fyrstu leiki fyrir félagið en hún
bíður nú eftir leikheimild með liðinu.
„Maður er í smá „búbblu“ á Íslandi
og þaðan er horft mikið til Evrópu.
Bandaríska atvinnudeildin er ein sú
sterkasta í heimi en það er lítið talað
um deildina á meðan deildirnar í
Þýskalandi og Frakklandi fá mikla
athygli. Við sjáum oft og tíðum bara
það sem er í fréttum og það er ekki
mikið skrifað um þessar deildir í
Norður- og Suður-Ameríku. Ég fór
að fylgjast vel með leikjum Club Am-
eríca eftir að ég frétti af áhuga þeirra
og leikstíll liðsins sem dæmi heillaði
mig mikið. Það kom líka skemmtilega
á óvart að sjá hversu sterk deildin er í
raun og veru.
Ég vonast til þess að fá leikheimild
með liðinu í næstu viku en Mexíkó-
borg er í rúmlega 2.000 metra hæð yf-
ir sjávarmáli. Ég þarf að venjast loft-
inu hérna og það er þess vegna gott
að fá smá tíma til þess að einbeita sér
eingöngu að æfingum. Það er stutt í
landsleikjahlé og þá fæ ég líka góðan
tíma til þess að koma mér enn þá bet-
ur inn í hlutina en þessar fyrstu æf-
ingar með liðsfélögunum lofa góðu.
Stelpurnar hérna eru mjög teknískar
og hraðinn er mikill á æfingum. Þetta
er mikið fram og til baka og þær
mexíkósku elska að skjóta á markið.“
Kvennaboltinn hátt skrifaður
Andrea hefur fundið fyrir miklum
áhuga frá stuðningsmönnum félags-
ins frá því hún samdi við félagið sem
leikur meðal annars heimaleiki sína á
Azteca-leikvanginum sem er sögu-
frægasti völlur landsins og tekur
81.000 manns í sæti.
„Knattspyrnukonur njóta mikillar
virðingar hérna sem er mjög jákvætt.
Æfingasvæðið okkar er við hliðina á
æfingasvæði karlanna og við erum
með sér grasvöll fyrir okkur. Við not-
um sömu líkamsrækt og strákarnir
og aðstaðan og umgjörðin í kringum
kvennaliðið er algjörlega til fyr-
irmyndar. Stuðningsmenn félagsins
hafa verið frábærir síðan ég kom og
ég er komin með tæplega 80.000
fylgjendur á Instagram sem dæmi en
ég held að þeir hafi verið í kringum
2.700 áður en ég samdi við félagið.
Stuðningsmennirnir bíða svo fyrir
utan æfingasvæðið til þess að fá eig-
inhandaráritanir og myndir af sér
með okkur eftir æfingar og manni líð-
ur hálfpartinn eins og Lionel Messi
hérna. Ég er búinn að fá þvílíkan
fjölda af skilaboðum frá stuðnings-
mönnum og vinabeiðnir á Facebook
síðan ég skrifaði undir sem segir
manni að það er fylgst mjög vel með
kvennaboltanum hérna,“ bætti Andr-
ea Rán við í samtali við Morg-
unblaðið.
Líður hálfpart-
inn eins og
Lionel Messi
Ljósmynd/Club América
Mexíkó Andrea Rán Hauksdóttir á æfingu hjá sínu nýja félagi í Mexíkó-
borg. Hún vonast til þess að fá leikheimild með liðinu í næstu viku.
- Andrea Rán Hauksdóttir er fyrst
Íslendinga til þess að semja í Mexíkó
KÖRFUKNATTLEIKUR
Úrvalsdeild karla, Subway-deildin:
Sauðárkrókur: Tindastóll – Njarðvík . 18.15
Höllin Ak.: Þór Ak. – ÍR ........................... 19
Meistaravellir: KR – Vestri ................. 19.15
Hlíðarendi: Valur – Stjarnan............... 20.15
HANDKNATTLEIKUR
1. deild kvenna, Grill 66-deildin:
Dalhús: Fjölnir/Fylkir – FH ............... 19.30
KNATTSPYRNA
Reykjavíkurmót kvenna:
Egilshöll: Fjölnir – Þróttur R ............. 20.30
Í KVÖLD!
Subway-deild kvenna
Breiðablik – Njarðvík .......................... 76:70
Valur – Keflavík ................................. (54:38)
_ Leiknum var ekki lokið þegar blaðið fór í
prentun í gærkvöld. Sjá mbl.is/sport.
Staðan fyrir leik Vals og Keflavíkur:
Njarðvík 15 10 5 1000:952 20
Fjölnir 14 10 4 1176:1076 20
Valur 15 10 5 1136:1078 20
Haukar 13 8 5 967:908 16
Keflavík 14 6 8 1091:1063 12
Breiðablik 15 4 11 1078:1203 8
Grindavík 16 3 13 1138:1306 6
Danmörk
Herlev – Falcon ................................... 74:72
- Þóra Kristín Jónsdóttir skoraði 2 stig
fyrir Falcon, tók fimm fráköst og gaf fjórar
stoðsendingar á 33 mínútum.
Rúmenía
Targu Mures – Phoenix Constanta ... 49:56
- Sara Rún Hinriksdóttir skoraði 16 stig
fyrir Phoenix, tók 9 fráköst og átti 3 stoð-
sendingar á 32 mínútum.
Spánn
B-deild:
Gipuzkoa – Estudiantes...................... 54:72
- Ægir Már Steinarsson leikur með Gipuz-
koa.
NBA-deildin
Philadelphia – Phoenix .................... 109:114
Atlanta – Indiana.............................. 133:112
Brooklyn – Boston.............................. 91:126
Memphis – LA Clippers................... 135:109
New Orleans – Houston..................... 110:97
Dallas – Detroit .................................. 116:86
Denver – New York.......................... 132:115
LA Lakers – Milwaukee .................. 116:131
Portland – Orlando............................. 95:113
Sacramento – Minnesota ................. 114:134
>73G,&:=/D
_ Breki Ómarsson mun ekki leika
með ÍBV næsta sumar í efstu deild
karla á Íslandsmótinu í knattspyrnu.
Á Fótbolta.net kom fram í gær að
Breki hefði fengið samningi sínum
við ÍBV rift en hann átti að renna út
í lok keppnistímabilsins. Breki lék
fimmtán leiki með ÍBV síðasta sumar
þegar liðið vann sér sæti í efstu
deild á ný og skoraði fjögur mörk.
Alls á hann að baki 20 leiki í efstu
deild með ÍBV þar sem hann hefur
skorað eitt mark en hann er 23 ára
gamall.
_ Leiknir í Reykjavík, sem varð í átt-
unda sæti úrvalsdeildar karla á síð-
asta ári, hefur fengið til liðs við sig
pólskan knattspyrnumann, Maciej
Makuszewski. Hann er 32 ára kant-
maður sem á að baki fimm A-
landsleiki fyrir Pólland og var í 35
manna hópi Pólverja fyrir heims-
meistaramótið í Rússlandi 2018 en
var ekki valinn í endanlega hópinn.
Makuszewski lék síðast með Jagiel-
lonia Bialystok og var þar í fjögur ár
en þar á undan lék hann með Lech
Poznan. Hann hefur ávallt leikið með
pólskum liðum, að undanskildu einu
tímabili þar sem hann var í röðum
Terek Grozní í Rússlandi.
Eitt
ogannað
Víðir Sigurðsson
vs@mbl.is
Hólmfríður Dóra Friðgeirsdóttir
varð í gærmorgun sjöunda íslenska
konan af fimmtán sem nær að ljúka
keppni í svigi á Vetrarólymp-
íuleikum frá því Ísland átti fyrst
keppanda í greininni árið 1956.
Hólmfríður varð þá í 38. sæti af
90 keppendum og hækkaði sig um
fimm sæti í seinni ferðinni eftir að
hafa verið í 43. sæti eftir þá fyrri.
Eftir fyrri ferðina var hún um
tveimur sekúndum frá 30. sætinu,
en í seinni ferðinni fara fyrstu þrjá-
tíu keppendurnir í öfugri röð niður
brautina, frá númer 30 niður í núm-
er eitt, áður en aðrir fá að ljúka
keppni.
- Steinunn Sigurðardóttir varð í
16. sæti í svigi í Innsbruck 1976 sem
er besti árangur Íslendings í sög-
unni. Hún keppti líka í Lake Placid
1980 en lauk þá ekki keppni.
- Ásta Halldórsdóttir varð í 27.
sæti í Albertville 1992 og í 20. sæti í
Lillehammer 1994.
- Emma Furuvik varð í 33. sæti í
Salt Lake City 2002.
- Helga María Vilhjálmsdóttir
varð í 34. sæti og Erla Ásgeirsdóttir
í 36. sæti í Sotsjí 2014.
- Freydís Halla Einarsdóttir
varð í 41. sæti í Pyeongchang 2018.
Átta aðrar hafa keppt í svigi á Ól-
ympíuleikum án þess að ná að ljúka
keppni.
Jakobína Jakobsdóttir (Cortina
1956), Jórunn Viggósdóttir (Inn-
sbruck 1976), Nanna Leifsdóttir
(Sarajevo 1984), Guðrún H. Krist-
jánsdóttir (Calgary 1988), Brynja
Þorsteinsdóttir, Sigríður Þorláks-
dóttir og Theódóra Mathiesen
(Nagano 1998) og Íris Guðmunds-
dóttir (Vancouver 2010).
Hólmfríður á eftir eina grein í
Peking en hún keppir í risasvigi í
nótt, frá klukkan þrjú að íslenskum
tíma. Enginn Íslendingur keppir í
dag en í fyrramálið klukkan sjö
gengur Snorri Einarsson 15 kíló-
metra í Peking.
Sú sjöunda sem lýkur keppni
AFP
Peking Hólmfríður Dóra Friðgeirs-
dóttir í svigkeppninni í gær.