Morgunblaðið - 19.02.2022, Side 4

4 FRÉTTIR
Innlent
MORGUNBLAÐIÐ LAUGARDAGUR 19. FEBRÚAR 2022
Aðalfundur
Sláturfélags Suðurlands svf.
Aðalfundur Sláturfélags Suðurlands svf. verður haldinn á
Goðalandi, Fljótshlíð, föstudaginn 18. mars 2022 og hefst kl. 15:00.
Dagskrá:
1. Aðalfundarstörf samkvæmt 24. gr. samþykkta félagsins.
2. Önnur mál.
Tillögur frá félagsaðilum sem bera á fram á aðalfundi þurfa að
vera komnar skriflega í hendur stjórnarinnar eigi síðar en 14 dögum
fyrir aðalfund. Framboð til stjórnar og varastjórnar skulu hafa borist
skriflega í hendur stjórnarinnar eigi síðar en þremur vikum fyrir
aðalfund í samræmi við 2. mgr. 27. gr. samþykkta félagsins.
Reykjavík, 17. febrúar 2022.
Stjórn Sláturfélags Suðurlands svf.
Ómar Friðriksson
omfr@mbl.is
Ungum barnafjölskyldum hefur
fjölgað hratt að undanförnu í Urr-
iðaholti í Garðabæ og bæjaryfirvöld
átt fullt í fangi með að tryggja sívax-
andi fjölda barna í hverfinu leik-
skólavist.
Pláss í samreknum grunn- og leik-
skóla Urriðaholtsskóla hafa hvergi
nærri dugað til og í fyrra var gripið
til þess ráðs að setja upp til bráða-
birgða sex deilda ungbarnaleikskóla,
Mánahvol á Vífilsstöðum, með
færanlegum einingahúsum, sem
unnt er að stækka í átta deildir.
Frekari uppbygging er í undirbún-
ingi, skiptir þar mestu væntanlegur
leikskóli sem reisa á við Holtsveg.
Gert er ráð fyrir að hann taki til
starfa um miðjan ágúst á næsta ári.
Hafliði Kristinsson, formaður
íbúasamtaka Urriðaholts, segir að
úrræðin í dag hafi ekki mætt þörfum
íbúanna og uppbygging leikskóla
gengið of hægt fyrir sig. „Það er
spenna í hverfinu út af þessu og hún
er mjög skiljanleg,“ segir hann.
Íbúasamtökin hafi þrýst á bæjaryfir-
völd að hraða aðkallandi uppbygg-
ingu leikskóla. ,,Alveg frá upphafi
hafa skólamálin verið meginmál
samtakanna, að bæði grunnskóli og
leikskóli séu í forgangi. Það hefur
bara gengið of hægt að okkar mati
en við höldum áfram að þrýsta á,“
segir hann.
Gunnar Einarsson, bæjarstjóri í
Garðabæ, segir aftur á móti að nóg
pláss sé í boði í dag fyrir leikskóla-
börn en stóra vandamálið sem menn
standi frammi fyrir sé skortur á
starfsfólki á leikskólana. „Við erum
með allskonar áætlanir á prjónunum
um að ná í fólk en þetta er ekki bara
vandamál í Garðabæ heldur á höfuð-
borgarsvæðinu í heild,“ segir Gunn-
ar. Sveitarfélagið hefur m.a. sett í
gang auglýsingaherferð til að laða að
starfsfólk á leikskólana og lagt til
hliðar 25 milljónir kr. í pott til að
gera betur við starfsmenn.
Samsetning íbúa í Urriðaholti er
fáheyrð í sveitarfélögum, yfir 70%
þeirra sem flutt hafa í hverfið eru
fædd eftir 1980 og börn á leikskóla-
aldri eru nú um 16% íbúa. Þessu átti
enginn von á þegar hverfið var
skipulagt á sínum tíma og líkir
Gunnar þessari fjölgun barna við
sprengingu. „Þetta er miklu meira
en við höfum séð í gegnum tíðina.
Það er ótrúlegur fjöldi ungs fólks
sem er að koma þarna inn í hverfið,
sem er ánægjulegt en það er líka
krefjandi að mæta þörfum þeirra.“
Spá fjölgun í 480 árið 2024
Nýlega birti VSÓ Ráðgjöf grein-
ingu á þörf fyrir uppbyggingu hús-
næðis leik- og grunnskóla í Garðabæ
til ársins 2040 þar sem fram kemur
að nýir íbúar í Urriðaholti virðast
vera upp til hópa ungt fólk og pör
með ung börn. Börn á leikskólaaldri
í hverfinu eru orðin 240 í dag og er
áætlað að þeim fjölgi í 480 þegar
toppnum verði náð á árinu 2024. Í
undirbúningi sé leikskóli í bráða-
birgðahúsnæði í Kauptúni en fljót-
lega verði byggður varanlegur leik-
skóli við Holtsveg. Hugsanlega megi
starfrækja þá báða samtímis meðan
álagið er sem mest en bráðabirgða-
húsnæðið verði svo aflagt að því
liðnu skv. greiningu VSÓ Ráðgjafar.
Spá fyrir grunnskólann gerir ráð
fyrir að nemendafjöldinn í fyrsta til
tíunda bekk fari úr 89 árið 2020 í 691
á árinu 2028.
Spurður um næstu skref segir
Gunnar að verðkönnun sé í gangi
fyrir uppsetningu lausra húseininga
með sex deildum sem teknar verði í
notkun í ágúst næstkomandi og
bygging nýja leikskólans verði
væntanlega boðin út á næstu vikum.
Þar er um að ræða sex deilda leik-
skóla fyrir 120 börn með 35 stöðu-
gildum. Tímaáætlun sem lögð var
fram í bæjarráði fyrr í þessum mán-
uði gerir ráð fyrir að útboð verði
auglýst í mars og framkvæmdir hefj-
ist í maí. Þeim skal vera lokið 1.
ágúst á næsta ári svo hægt verði að
taka leikskólann í notkun um miðjan
ágúst 2023.
Þá hafa að sögn Gunnars bæst við
12 leikskóladeildir sem geri kleift að
svara þörfinni fyrir öll leikskólabörn
frá tólf mánaða aldri.
Hafliði segir að skiljanlega sé
pirringur í íbúum, enda hafi legið
fyrir í nokkurn tíma að ungt barna-
fólk væri að setjast að í hverfinu.
Hann segir að notkun bráðabirgða-
húsnæðisins sem komið var á fót í
fyrra hafi vissulega létt á. Þar sé um
vandaðar lausnir að ræða og almenn
ánægja með þær en eftir sem áður
sé það eingöngu sett upp til bráða-
birgða og hafi alls ekki dugað til.
Spurður hvernig foreldrar hafa ráð-
ið fram úr vandanum segir hann sum
foreldri hafa þurft að fara með börn
sín á aðra staði, m.a. út á Álftanes og
margir sem eru tiltölulega nýfluttir í
Urriðaholt hafi þurft að halda börn-
unum áfram í þeim leikskóla sem
þau voru í áður en þau fluttu í hverf-
ið. „Það þarf að púsla þessu saman
núna vegna þess að aðstaðan er ekki
fyrir hendi eins og hún þyrfti að
vera,“ segir Hafliði. Hann segir það
líka vissulega eiga við rök að styðj-
ast að erfiðlega gangi að manna leik-
skólana. „Við vitum að það er ekki
nóg bara að byggja, það þarf að ráða
mannskap og það er áskorun ekki
bara í Garðabæ heldur víðar.“
Þörf á víðtækri umræðu
Manneklan á leikskólum er stórt
viðfangsefni ekki bara Garðabæjar
heldur margra sveitarfélaga sem
brýnt er að takast á við að sögn
bæjarstjóra. „Þetta er erfið staða og
við erum ekki eina sveitarfélagið
sem er að glíma við hana. Það þarf
að taka djúpa og víðtæka umræðu
um leikskólamálin, mönnun og fyrir-
komulag því þetta brennur á öllum
sveitarfélögum,“ segir Gunnar.
„Við þurfum að taka þessa um-
ræðu með atvinnulífinu og stjórn-
völdum, á milli sveitarfélaganna og á
sveitarstjórnarstiginu um hvernig
við viljum hafa leikskólastigið til
framtíðar. Það eru uppi stórar
spurningar sem þarf að finna svör
við. Eigum við t.d. bara að miða við
fjögurra eða fimm tíma nám og síðan
yrði restin ákveðin umönnun eða
pössun? Það eru margar spurningar
sem við stöndum frammi fyrir.“
Urriðaholtsskóli Í byggingunni við Vinastræti 1-3 er samrekinn leik- og grunnskóli.
Morgunblaðið/Árni Sæberg
Lóð Bygging leikskóla fyrir 120 börn við Holtsveg á að hefjast í maí á þessu ári.
Takast á við barnasprengju
- Börnum á leikskólaaldri fjölgar ört í Urriðaholti - Mannekla á leikskólum stórt vandamál að sögn
bæjarstjóra - Formaður íbúasamtaka segir þörfum íbúa ekki mætt og uppbygging hafi gengið of hægt
Fjöldi barna á leikskólaaldri áUrriðaholtssvæði
Áætlaður fjöldi 2016-2040 og til langtíma
500
400
300
200
100
0
2016 2020 2024 2028 2032 2036 2040 Langtíma
Heimild: VSÓ Ráðgjöf
236
480
282
Gunnar
Einarsson
Hafliði
Kristinsson
Metfjöldi starfsmanna Landspítala
greindist á fimmtudag með kórónu-
veiruna, eða alls 100 manns. Í gær-
morgun voru því 409 starfsmenn í
einangrun sem er einnig met. Von-
ast var til að 30 manns kæmu til
baka úr úr einangrun síðdegis í
gær.
Fram kemur á heimasíðu Land-
spítala að þær deildir þar sem
ástandið er verst vegna manneklu
séu smitsjúkdómadeild, fæðingar-
deild og heila-, tauga- og bæklunar-
skurðdeild.
Alls greindust 2.317 kórónu-
veirusmit innanlands á fimmtudag
og höfðu þá samtals 102.086 ein-
staklingar greinst með veiruna frá
upphafi faraldursins eða 27,7% Ís-
lendinga. 4.721 sýni var greint inn-
anlands á fimmtudag og var hlut-
fall jákvæðra sýna því um 50%. 885
sýni voru tekin við landamærin en
þar greindust 92 smit. 11.880
manns voru í gær í einangrun og
52 á sjúkrahúsi, þar af fjórir á
gjörgæslu.
Bið eftir niðurstöðum úr sýna-
töku hefur lengst töluvert síðustu
daga og er nú um tveir sólar-
hringar
Þórólfur Guðnason sóttvarna-
læknir segir heilbrigðisyfirvöld
ekki koma til með að fá aðstoð Ís-
lenskrar erfðagreiningar við að
greina PCR-sýni þrátt fyrir langan
biðtíma eftir niðurstöðum.
Fyrirtækið heldur þó áfram að
raðgreina hluta þeirra sýna sem
eru jákvæð en almennri raðgrein-
ingu hefur verið hætt.
Yfir tvö þúsund veirusmit
- Yfir 400 starfsmenn Landspítala voru í einangrun í gær
- Tveggja sólarhringa bið er eftir niðurstöðu úr skimun
Morgunblaðið/Árni Sæberg
Bólusetning Bólusett við kórónu-
veirunni í Laugardalshöll.