Morgunblaðið - 19.02.2022, Side 21

FRÉTTIR 21Erlent
MORGUNBLAÐIÐ LAUGARDAGUR 19. FEBRÚAR 2022
Smiðjuvegur 68, Kópavogi | S. 587 1350 | bifreidaverkstaedi.is
Höfum sérhæft okkur í Toyota viðgerðum síðan 1995
Fljót, örugg og persónuleg þjónusta
Allar almennar bílaviðgerðir
Donald Trump,
fyrrverandi
Bandaríkja-
forseti, og tvö
elstu börn hans,
Donald og Iv-
anka, verða að
mæta fyrir rétt í
New York fyrir
miðjan næsta
mánuð til að
svara spurningum ríkissaksóknara
um meinta ólögmæta viðskiptahætti
fyrirtækis þeirra, Trump Organiz-
ation. Úrskurður um þetta var kveð-
inn upp í hæstarétti ríkisins. Trump
þarf og að afhenda réttinum marg-
vísleg gögn um reksturinn. Þeim er
heimilt að bera fyrir sig 5. gr. stjórn-
arskrárinnar og neita að svara
spurningum. Forsetinn fyrrverandi
hefur hins vegar áður sagt að þeir
einir skýli sér á bak við 5. gr. sem
hafi eitthvað á samviskunni. Í yfir-
lýsingu eftir úrskurð dómarans
sagðist Trump vera í baráttu við
„spillt og rotið kerfi“.
BANDARÍKIN
Trump komi fyrir
rétt í næsta mánuði
Donald Trump
Eldur kom upp
um hálffimm-
leytið í fyrrinótt
í farþegaferj-
unni Euroferry
Olympia sem
var á siglingu í
Jónahafinu frá
Grikklandi til
Ítalíu. Um borð
voru 237 far-
þegar og 51 skipverji. Fólkinu
var bjargað í aðvífandi báta og
skip, en óstaðfestar fréttir
hermdu að allt að 10 manns væri
enn saknað. Einhverjir farþeg-
anna voru sofandi þegar bruna-
viðvörunarbjöllurnar hringdu.
Flestir þeirra voru ítalskir. Þeir
voru fluttir til Korfú-eyjar í
Grikklandi og var einn í hópnum
lagður inn á sjúkrahús þar vegna
öndunarerfiðleika. Á þessu stigi
er ókunnugt um eldsupptök en
eldurinn breiddist hratt út og
logaði ferjan stafna á milli á
stuttum tíma.
MIÐJARÐARHAF
Óttast um 10 far-
þega í logandi ferju
Farþega bjargað.
Stefán Gunnar Sveinsson
Guðmundur Magnússon
Utanríkisráðherrar Frakklands og
Þýskalands skoruðu í gærkvöldi á
Rússa að þrýsta á aðskilnaðarsinna
í austurhluta Úkraínu að sýna still-
ingu og ýta ekki undir það mikla
spennuástand sem nú ríkir þar.
Enn kom til skotbardaga og
sprengingar heyrðust í gærmorgun
í austurhluta Úkraínu þar sem
vopnaðir aðskilnaðarsinnar, studdir
af Rússum, hafa ögrað sveitum
Úkraínuhers. Hvorugur viður-
kenndi að eiga upptökin. Vestrænir
hernaðarsérfræðingar hafa spáð
því að Rússar muni sviðsetja slík
átök og kenna Úkraínumönnum um
þau til að réttlæta innrás í landið.
Leiðtogar aðskilnaðarsinna í Do-
netsk- og Luhansk-héruðunum
fyrirskipuðu í gær óbreyttum borg-
urum að yfirgefa héraðið vegna
mögulegra átaka, og átti að ferja þá
yfir til Rostov-héraðs í Rússlandi.
Sagði Denis Pushilin, leiðtogi „al-
þýðulýðveldisins í Donetsk“, að
konur, gamalmenni og börn yrðu
flutt fyrst af öllum, og hélt því fram
að Volodymyr Zelenskí, forseti
Úkraínu, myndi fljótt gefa her-
mönnum sínum fyrirskipun um að
sækja að aðskilnaðarsinnum.
Óttast sviðsetningu
Annalena Baerbock, utanríkisráð-
herra Þjóðverja, og Jean-Yves le
Drian, franski utanríkisráðherrann,
sögðu í yfirlýsingu sinni að þau hefðu
áhyggjur af því að atvik yrðu sett á
svið til þess að búa til tylliástæðu fyr-
ir auknum hernaðarátökum.
Eitt slíkt atvik virtist hafa átt sér
stað í borginni Donetsk, en rúss-
neskir fjölmiðlar greindu frá því í
gær að stór sprenging hefði skekið
borgina, og var skuldinni skellt á
stjórnarher Úkraínu, sem sagður
var reiðubúinn til þess að herja á
aðskilnaðarsinna á næstunni.
Stjórnvöld í Úkraínu hafa hins veg-
ar þvertekið fyrir að herlið þeirra
muni standa í nokkrum sóknarað-
gerðum gegn aðskilnaðarsinnum.
Ítrekaði Dmytro Kuleba, utan-
ríkisráðherra Úkraínu, á Twitter-
síðu sinni í gær að Úkraínumenn
harðneituðu ásökunum frá Rússum
um að Úkraínuher ætlaði að blása
til sóknar, eða að Úkraínumenn
hygðu á skemmdarverk í efnaverk-
smiðjum í Donbass-héruðunum.
190.000 við landamærin
Bandarísk stjórnvöld áætla nú að
um 190.000 rússneskir hermenn
séu við landamærin að Úkraínu, og
er það mesti liðssafnaður í Evrópu
frá lokum síðari heimsstyrjaldar.
Telja Bandaríkjamenn að Rússar
muni geta hafið innrás í Úkraínu
hvenær sem er, og að slík innrás sé
yfirvofandi.
Jens Stoltenberg, framkvæmda-
stjóri Atlantshafsbandalagsins,
varaði við því í gær að liðssafnaður
Rússa væri langt umfram það sem
þörf væri á fyrir heræfingar, og að
innrás Rússa gæti hafist án nokk-
urs fyrirvara.
Stoltenberg var staddur í
München í gær, þar sem hin árlega
öryggisráðstefna fer nú fram.
Rússar sækja ekki ráðstefnuna í ár,
í fyrsta sinn frá árinu 1999. Antony
Blinken, utanríkisráðherra Banda-
ríkjanna, sagði á ráðstefnunni í gær
að stjórnvöld í Moskvu væri nú að
hefja áróðursherferð til þess að búa
til tylliástæðu fyrir stríði. Væri allt
sem sést hefði undanfarna sólar-
hringa í takti við spár vesturveld-
anna um slíka herferð.
Volodymyr Zelenskí Úkraínufor-
seti hugðist ferðast til München í
dag, en þar á hann meðal annars að
funda með Kamölu Harris, varafor-
seta Bandaríkjanna. Í gærkvöldi
sagði skrifstofa Zelenskís hins veg-
ar að hann væri að íhuga hvort að-
stæður kölluðu á að hann yrði áfram
í Kænugarði.
Pútín stjórnar heræfingum
Í gær var tilkynnt í Moskvu að
nýjar heræfingar væru fyrirhugað-
ar við landamæri Úkraínu í dag og
myndi Pútín forseti, æðsti yfirmað-
ur heraflans, sjálfur stjórna þeim.
Var sagt að við æfingarnar yrði
meðal annars notast við stýriflaug-
ar og langdrægar eldflaugar, sem
meðal annars geta borið kjarnorku-
odda. Hermenn á landi, flugsveitir
og flotadeildir á Svartahafi munu
taka þátt í æfingunum. Sagði í yfir-
lýsingu frá Kreml að æfingarnar
væru hefðbundnar og að ekki ætti
að setja þær í samhengi við ástand-
ið á landamærum Úkraínu.
Fréttirnar um nýju heræfingarn-
ar og þátt Pútíns forseta í þeim hafa
enn aukið áhyggjur í Úkraínu og
meðal vestrænna bandamanna um
að innrás Rússa í landið geti orðið á
hverri stundu.
Í gær ræddi Joe Biden Banda-
ríkjaforseti með fjarfundabúnaði
við forystumenn helstu bandalags-
þjóða Bandaríkjanna um stöðu og
horfur mála í Úkraínu. Þá er fyrir-
hugaður fundur Antony Blinkens,
utanríkisráðherra Bandaríkjanna,
og starfsbróður hans í Moskvu,
Sergei Lavrov, seinni hluta næstu
viku. Segja Bandaríkjamenn að
fundurinn verði því aðeins haldinn
að Rússar hafi ekki ráðist á Úkra-
ínu áður.
Reynt að egna til átaka
- Rússar prófa langdrægar eldflaugar og stýriflaugar við landamæri Úkraínu
- Utanríkisráðherrar Bandaríkjanna og Rússlands hittast í Moskvu í næstu viku
AFP
Heræfingar Rússneskur hermaður miðar sprengjuflaug á ímyndað skotmark við heræfingu í Hvíta-Rússlandi.
Stuðningsmenn Jamaat-e-Islami-flokksins í Pakistan
voru í hópi þeirra sem mótmæltu gífurlegri hækkun
bensínverðs á götum höfuðborgarinnar, Islamabad, í
gær. Frekari mótmæli eru fyrirhuguð víða um landið
næstu daga. Ríkisstjórnin kvaðst tilneydd til að grípa
til þessara ráðstafana vegna mikilla hækkana á hrá-
olíu á heimsmarkaði. Stjórnin hefur biðlað til almenn-
ings um að draga sem mest úr eldneytisnotkun svo
ekki þurfi að koma til enn frekari hækkana. Stjórn-
arandstæðingar hyggjast freista þess að koma ríkis-
stjórninni frá með vantrauststillögu á þinginu. Heitar
deilur eru á milli þingflokkanna um réttmæti hækk-
ananna sem hafa mikil áhrif á kjör stórra hópa í
landinu.
Gífurleg ólga í Pakistan eftir fordæmalausa hækkun eldsneytisverðs
Almenningur spari bensínið
AFP
Dómstóll á Indland kvað í gær upp dauðadóm yfir 38 mönnum sem sakaðir
eru um að hafa staðið fyrir hryðjuverki í borginni Ahmedabad í Gujarat-
héraði árið 2008. Þá létust 50 manns og fleiri en 200 særðust. Aldrei áður
hafa jafn margir hlotið dauðadóm í einu máli í landinu á þessari öld. Dóms-
niðurstöðunni verður áfrýjað til æðra dómstigs.
Hryðjuverkið var þáttur í deilum indverskra hindúa og múslima sem
leitt hafa til margra ofbeldisverka á síðustu áratugum. Ekkert lát er á
ósætti þessara trúarhópa.
INDLAND
38 fengu dauðadóm vegna hryðjuverks