Morgunblaðið - 12.03.2022, Blaðsíða 4

4 FRÉTTIR
Innlent
MORGUNBLAÐIÐ LAUGARDAGUR 12. MARS 2022
Marta Guðjónsdóttir
Ég gef kost á mér í
annað sætið í prófkjöri
sjálfstæðismanna í Reykjavík,
vegna borgarstjórnar-
kosninganna í vor.
Ég hef einlægan áhuga
á því að fá að vinna
áfram að stefnumálum
Sjálfstæðisflokksins í
borgarstjórn og taka þátt í því
að snúa af vegferð núverandi
meirihluta.
Helstu markmið:
• Aðhald í rekstri og virðing fyrir
framlagi skattborgara
• Heildstæð samgöngustefna
fyrir alla ferðamáta
• Raunhæfar lausnir í
almenningssamgöngum
• Skipulagsstefna í sátt við borgarbúa
• Menntastefna sem mætir
þörfum nútímans
• Persónulegri og skilvirkari þjónusta
við eldri borgara
• Standa vörð um grænu svæðin í
borginni
2.
SÆTI
Prófkjör sjálfstæðismanna
í Reykjavík 18-19 mars
Sigurður Bogi Sævarsson
sbs@mbl.is
„Eðlilega hef ég áhyggjur af fólkinu
mínu, sem reyndar segist vera
öruggt. Staðan getur þó breyst hratt
og stríðið tekið óvænta stefnu.
Reynsla síðustu daga segir okkur að
Rússar eru óútreiknanlegir,“ segir
Alexander Kolesnyk, verslunarstjóri
Krónunnar á Granda í Reykjavík.
Hann er frá Úkraínu, það er borg-
inni Khmelnytsky sem er um 350
kílómetra vestur af Kænugarði.
Borgin er nokkuð frá þeim svæðum
þar sem Rússar hafa harðast sótt
fram síðustu daga, enda þótt
sprengjum hafi verið varpað og eld-
flaugum skotið á borgina og spell-
virki unnin.
„Fólk heima í borginni minni
heyrir sprengjugnýinn alla daga og
allt sem fyrir fáum vikum taldist
eðlilegt líf, er nú breytt. Ástandið er
hræðilegt,“ segir Alexander sem yf-
irgaf Úkraínu fyrir sautján árum og
flutti til Íslands. Skapaði sér og sín-
um framtíð hér – og hefur lengst
unnið við verslunarstöf.
Rússum ekkert gefið um
lýðræði og frjálsa umræðu
Síðustu árin hefur Alexander farið
reglulega til heimalands síns og
greint þar framfarir og jákvæða þró-
un, leidda af forsetanum Volodimír
Selenskí. Megi þar nefna marg-
víslega uppbyggingu innviða, úrbæt-
ur á aðstæðum vinnandi fólks og
heilbrigðari stjórnarhætti.
„Þegar Úkraína fór að þróast til
aukins sjálfstæðis og boðaði inn-
göngu í Evrópusambandið árið 2014
kom andspyrna frá Rússum. Yfir-
taka þeirra á Krímskaganum var
hluti af þeim viðbrögðum við þróun
mála. Rússum undir stjórn Pútín
virðist einfaldlega ekkert gefið um
lýðræðislega stjórn og frjálsa um-
ræðu eins og verið hefur síðustu árin
í Úkraínu. Áður var landið hluti af
Sovétríkjunum og efalítið vill Pútín
ná því aftur, nú undir stjórn Rússa.
Sú er að minnsta kosti mín sýn á
stríðið, ekki að Rússar séu að ásæl-
ast auðlindir eða akrana miklu sem
gera Úkraínu að matarkistu margra
þjóða,“ segir Alexander.
Strax nóttina sem Rússar réðust
inn í Úkraínu fékk Alexander skila-
boð frá fjölskyldu sinni þar eystra,
sem lét hann vita hvernig komið
væri. Fregnirnar voru óneitanlega
áfall en þó ekki með öllu óvæntar,
enda var einsýnt dagana áður að
hverju fór.
Plan Pútíns mistókst
„Ég hef varla sleppt símanum síð-
an innrásin var gerð. Heyri í fólkinu
mínu oft á dag eða fæ frá þeim skila-
boð á samfélagsmiðlum. Ég býst við
að foreldrar mínir fari hvergi – að-
stæður í fjölskyldunni leyfa einfald-
lega ekki slíkt. Þá mega úkraínskir
karlar milli tvítugs og sextugs ekki
fara úr landi vegna herskyldu. Sjálf-
ur á ég vini sem eru í hernum sem
segja mér að rússneski herinn hafi
ekki þann styrk sem búast hefði
mátt við,“ segir Alexander:
„Talað er um að plan Rússanna
hafi verið að taka Kiev á tveimur sól-
arhringum, sem þeim hafi mistekist.
Kannski eðlilega; í herliði Rússa eru
piltar á aldrinum 18-20 ára mjög
áberandi og Úkraínumenn sem ég
hef talað við segja þá rússnesku ein-
faldlega ekki kunna að heyja stríð.
Margir deyi því úti á vígvellinum,
sennilega af streitu en ekki því að
byssukúlur hæfi þá. Þannig er þessi
styrjöld alveg hræðileg og lok henn-
ar með samkomulagi eru ekki í aug-
sýn. Ég skil ekki heldur hvað átt við
þegar talað um uppgang nasisma í
Úkraínu. Sú er ekki raunin, bull eins
og fleira frá Pútín.“
Hugurinn á sveimi
í undarlegu stríði
Í síðustu viku og fram í þessa stóð
Krónan fyrir neyðarsöfnun meðal
viðskiptavina sinna vegna stríðsisns
í Úkraínu. Þar átti fólk þess kost að
leggja UNICEF lið, en samtökin
standa fyrir umfangsmiklu hjálp-
arstarfi í landinu. Alls söfnuðust 15
milljónir króna og hefur þeim pen-
ingum nú verið komið til skila.
„Ég er þakklátur fyrir stuðning
við fólkið í heimalandi mínu. Vissi þó
alltaf að Íslendingar hafa hjartað á
réttum stað. Mér finnst líka dýr-
mætt að finna þegar fólk kemur og
spyr mig um stöðu mála, fjölskyldu
mína heima og annað sem skiptir
máli. Einnig hvað samstarfsfólk mitt
og stjórnendur í Króninni standa
þétt að baki mér þessa dagana þegar
hugurinn er á sveimi í þessu undar-
lega stríði,“ segir Alexander.
Heyra sprengjugný alla daga
- Fylgist grannt með þróun stríðsins heima í Úkraínu - Ég sleppi varla síman-
um, segir Alexander Kolesnyk - Staðan getur breyst og Rússar ótúreiknanlegir
Morgunblaðið/Sigurður Bogi
Þakklátur Dýrmætt þegar fólk kemur og spyr mig um stöðu mála heima í
Úkraínu, segir Alexander verslunarstjóri, búsettur á Íslandi frá árinu 2005.
Kostnaður við flug hefur hækkað
vegna gríðarlegra hækkana á olíu-
verði, sem rekja má til stríðsins í
Úkraínu. Því má búast við því að
verð á fargjöldum flugfélaga hækki.
Ferðaskrifstofur gætu jafnframt
skoðað að hækka verð á ferðum sem
þegar hefur verið greitt inn á.
Tómas J. Gestsson, framkvæmda-
stjóri Heimsferða, segir stöðuna
vissulega erfiða en það eigi samt eft-
ir að koma í ljós hvort verðhækkun á
eldsneyti verði viðvarandi eða muni
lækka aftur ef friður kemst á.
„Við verðum að taka stöðuna á
næstunni og sjá hver næstu skref
verða, en ef engin breyting verður þá
mun þessi hækkun fara inn í verðlag-
ið á einhverjum tímapunkti.“ Hann
segir að kostnaðurinn muni lenda á
ferðaskrifstofunum þegar verið er
með leiguflug og það sé spurning
hvernig hægt sé að mæta því. Spurð-
ur hvort það þyrfti að hækka verð
hjá þeim sem væru búnir að greiða
inn á ferð, sagði hann að það væri
möguleiki, en vonandi myndi ekki
koma til þess.
„Samkvæmt skilmálum er það
möguleiki, en það er fullsnemmt að
tala um það núna.“
Þórunn Reynisdóttir, forstjóri Úr-
vals-Útsýnar, segir að hækkun olíu-
verðs muni leiða til hækkunar á verði
á næstunni. „Pakkaferðirnar munu
hækka í verði, því miður, þegar flug-
fargjöldin hækka,“ segir hún og bæt-
ir við að flest flugfélög um heiminn
hafi tilkynnt hækkanir vegna olíu-
verðsins.
„En við eigum öll eftir að finna
fyrir þessum olíuhækkunum, ekki
bara ferðaþjónustan. Við finnum það
bara í daglegum akstri.“
Upplýsingafulltrúi Play, Nadine
Guðrún Yaghi, segir að fylgst sé
grannt með stöðunni. „Það eru mikl-
ar sveiflur í verðinu núna og við
fylgjumst bara stanslaust með gangi
mála. Það gæti orðið raunin ef
ástandið breytist ekki að flugmiðar
muni hækka, en of fljótt að segja til
um það núna. Hins vegar er salan
mjög góð þessa dagana og við finn-
um að fólk er mjög ferðaþyrst eftir
covid-árin. Svo hefur leiðinlegt veður
á landinu líka mikil áhrif.
doraosk@mbl.is
Morgunblaðið/Kristinn
Farþegar Búast má við að flugfargjöld fari hækkandi á næstunni.
Fargjöld kunna að
hækka á næstunni
- Grannt fylgst með eldsneytisverðinu
„Það var strax tekið vel í verkefnið
og því færum við út kvíarnar og
tæklum allt landið næst. Strax frá
byrjun verkefnisins í Reykjavík
höfum við fundið fyrir miklum
áhuga um allt land og því ákváðum
við að slá til,“ sagði Haraldur Þor-
leifsson athafnamaður um átakið
Römpum upp Ísland sem var form-
lega hleypt af stokkunum í gær.
Markmiðið með verkefninu er að
byggja 1.000 rampa um land allt á
næstu fjórum árum. Áður hafði
Haraldur ásamt fleirum staðið að
því að byggja 100 rampa í miðborg
Reykjavíkur.
Kynning Haraldur kynnti verkefnið í
Hveragerði ásamt ýmsum ráðamönnum.
Byggja þúsund
rampa um allt land
Landsréttur hefur staðfest úrskurð
Héraðsdóms Reykjavíkur um að
framlengja gæsluvarðhald yfir
karlmanni til 1. september næst-
komandi, eða á meðan mál hans eru
til meðferðar hjá dómstólum.
Maðurinn hefur setið í gæslu-
varðhaldi frá því í október. Hann
hefur verið ákærður fyrir fjölda
brota, meðal annars sérstaklega
hættulegar líkamsárásir, þjófnað,
fíkniefnalagabrot og brot gegn
valdstjórninni. Var hann dæmdur
til fangelsisvistar þann 28. febrúar
síðastliðinn fyrir hluta brotanna en
fleiri mál eru til meðferðar í dóms-
kerfinu.
Gæsluvarðhald fram-
lengt fram á haust