Fréttablaðið - 08.04.2022, Side 10

n Halldór
n Frá degi til dags
ÚTGÁFUFÉLAG: Torg ehf. STJÓRNARFORMAÐUR: Helgi Magnússon FORSTJÓRI OG ÚTGEFANDI: Jón Þórisson RITSTJÓRI: Sigmundur Ernir Rúnarsson ser@frettabladid.is, FRÉTTASTJÓRAR: Aðalheiður Ámundadóttir adalheidur@
frettabladid.is , Garðar Örn Úlfarsson gar@frettabladid.is . Fréttablaðið kemur út í 80.000 eintökum og er dreift ókeypis á heimili á höfuðborgarsvæðinu og Akureyri. Einnig er hægt að fá blaðið í völdum verslun um á landsbyggðinni.
Fréttablaðið áskilur sér rétt til að birta allt efni blaðsins í stafrænu formi og í gagnabönkum án endurgjalds. ISSN 1670-3871 FRÉTTABLAÐIÐ Kalkofnsvegur 2, 101 Reykjavík Sími: 550 5000, ritstjorn@frettabladid.is
VEFSTJÓRI: Einar Þór Sigurðsson einarthor@frettabladid.is, MARKAÐURINN: Guðmundur Gunnarsson ggunnars@frettabladid.is, HELGARBLAÐ: Björk Eiðsdóttir bjork@frettabladid.is MENNING: Kolbrún Bergþórsdóttir
kolbrunb@frettabladid.is ÍÞRÓTTIR: Hörður Snævar Jónsson hoddi@frettabladid.is LJÓSMYNDIR: Anton Brink anton@frettabladid.is FRAMLEIÐSLUSTJÓRI: Sæmundur Freyr Árnason sfa@frettabladid.is
Þessir sjálf-
skipuðu
varð-
hundar
velsæmis-
ins telja sig
vita upp á
hár hvern-
ig eigi að
skapa betra
samfélag
– það skal
gert með
útskúfun.
Kerfi borg-
arinnar
eigi svo að
sjá til þess
að þessar
upplýs-
ingar séu
aðgengi-
legar.
Kolbrún
Bergþórsdóttir
kolbrunb
@frettabladid.is
HELLY HANSEN
Switchback Low
Kr. 23.990.-
ASOLO Falcon
Kr. 29.990.-
Vinir
fá sérkjör
Skráning á icewear.is

SÓLA zip-o göngubuxur
Kr. 17.990.-

HVÍTANES Merínó hálsklútur
Kr. 4.990.-
HVÍTANES merino buxur
Kr. 11.990.-
SANDEY Flíshanskar
Kr. 2.990.-
SKÓDAGAR
ASOLO Space GV
Kr. 22.990.-
KJÖLUR Létt flíspeysa
Kr. 9.990.-
HARALDUR
Coolmax göngusokkar
Kr. 1.490.-
SALEWA Alpenrose 2 MID
Kr. 30.990.-
SALEWA MS Dropline GTX
Kr. 25.990.-
HELLY HANSEN
Capilano
Kr. 12.990.- 25%
afsláttur af gönguskóm
Heift og reiði fara engum vel, en
í íslensku samfélagi er nánast
orðin skylda að spúa út úr sér
eitri verði náunganum á. Þar
sem manneskjan er í eðli sínu
breysk þá þarf ekki að leita lengi til að finna
einhvern sem hefur hagað sér óæskilega og
þykir fyrir vikið eiga skilið útskúfun. Hinir
syndlausu og refsiglöðu hafa því ætíð nóg til
að hneykslast á. Þeir munu ótrauðir halda
áfram baráttu sinni og hugsanlega koma sér
upp kjörorðinu: Skandalalaust Ísland 2030.
Reiðin grasserar sem aldrei fyrr gagn-
vart þeim sem verða uppvísir að því að hafa
gert slæm mistök í lífinu. Um leið er verið
að afneita þeirri staðreynd að öll gerum við
mistök á lífsleiðinni, mismörg og misalvarleg
þó. Við komum illa fram við aðra, segjum orð
sem við áttum að láta ósögð og brjótum af
okkur á ýmsan hátt. Vitanlega er ekki gaman
að gera mistök og f lest iðrumst við þeirra. Af
mistökum má hins vegar læra og verða fyrir
vikið reynslunni ríkari. Gömul mistök verða
því ekki endurtekin. Þetta heitir að þroskast
sem manneskja.
Nú er komin upp sú staða hér á landi að
fjöldi fólks lætur eins og það hafi mikla sið-
ferðilega yfirburði yfir aðra enda telur það
sig algjörlega syndlaust. Það talar eins og því
hafi aldrei orðið á mistök á ævinni heldur
ætíð gengið um með geislabaug. Í krafti eigin
ágætis tekur þetta fólk sér vald til að benda
á aðra og krefjast þess að viðkomandi verði
útskúfað úr samfélaginu vegna hinna og
þessara brota. Þessir sjálfskipuðu varðhundar
velsæmisins telja sig vita upp á hár hvernig
eigi að skapa betra samfélag – það skal gert
með útskúfun. Sá brotlegi skal missa vinnuna
og æruna.
Varðhundunum er nákvæmlega sama hvort
viðkomandi iðrast eða ekki og engu skiptir
þótt hann hafi beðist einlæglega afsökunar.
Honum var nær, hann átti að vita betur, er
sagt. Það á reyndar við okkur öll, þegar við
gerðum okkar mistök hefðum við átt að vita
betur. Samt gerðum við mistökin. Einfaldlega
vegna þess að við erum mannleg.
Með því allra viturlegasta sem sagt hefur
verið hér á jörðu eru orð Krists: „Sá yðar sem
syndlaus er kasti fyrstur steini …“ Nú keppast
menn um að verða fyrstir til að kasta steinum
í þann seka. Refsigleðin er orðin vopn í heil-
agri baráttu fyrir því að gera heiminn skárri
en hann er. Um leið gleymist hið mikilvæga
sem er það að án fyrirgefningar og mildi er
alls ómögulegt að gera heiminn betri. ■
Hinir syndlausu
 kristinnhaukur@frettabladid.is
Þögn við matarborðið
Samskiptaleysi Bjarna Benedikts-
sonar og Benedikts Sveinssonar
föður hans er mál málanna í dag. En
Bjarni sagðist í gær ekki hafa hug-
mynd um að pabbi sinn væri einn
af útvöldum kaupendum að tæp-
lega fjórðungshlut í Íslandsbanka.
Bjarni kom af fjöllum. Það sama
kom upp árið 2017 þegar Bjarni
sagði Sigríði Andersen dómsmála-
ráðherra hafa sagt sér að pabbi hans
væri meðmælandi barnaníðings.
Áfall fyrir Bjarna að komast að því.
Hvað ætli þeir feðgar tali eiginlega
um við sunnudagsmatarborðið?
Varla gengi Manchester United, það
er svo dapurt. Né heldur Stjörn-
unnar. Það væri reyndar fróðlegt að
fá að heyra um fleiri hluti sem þeir
tala ekki um.
Íslenskt
Fæstum dylst að sala Íslandsbanka
er óþverri. Þarna var útvöldum
boðin almenningseign á góðum
afslætti. Skipti engu hvort viðkom-
andi væru til rannsóknar vegna
mútumála eða nýlega kærðir fyrir
kynferðisbrot. Þetta voru þeir sem
voru valdir til að kaupa. Óskap-
lega íslenskt allt saman. Innan
ríkisstjórnarflokkanna þegja allir
nema einn varaþingmaður, sem
sjálfsagt hefur gleymst að setja á
póstlistann. Enn þá íslenskara er
að þetta verður allt saman gleymt
eftir nokkrar vikur. Þá verður
farið að huga að næsta útboði og
sjálfsagt sömu aðilum boðið að
borðinu. ■
Við erum öll sammála um að atvinna og nýsköpun eigi
að blómstra í Reykjavík. Þess vegna samþykkti borgar-
stjórn í vikunni nýja atvinnu- og nýsköpunarstefnu
eftir gott, þverpólitískt samstarf með aðkomu atvinnu-
lífsins, nýsköpunargeirans og almennings. En til að svo
megi vera þarf að næra jarðveginn.
Þess vegna voru einnig 12 skilgreindar aðgerðir
lagðar fram með, sem sýna hvernig við ætlum að næra
jarðveginn fyrir blómstrandi atvinnu og nýsköpun.
Sumar snúa að borginni sjálfri og hvernig hún ætlar
að nýta fjármagn sitt, til dæmis að verja skilgreindu
hlutfalli í umbóta- og nýsköpunarverkefni og að
endurskoða innkaup sín til að efla samkeppni og auka
fjölbreytni birgja. Og við höfum aðgerðir til að bæta
samtal á milli borgarinnar og atvinnulífsins svo að við
getum betur gengið saman að því að byggja upp enn
blómlegra atvinnulíf.
Það eru tvær aðgerðir sem ég er spenntust fyrir og
held að muni gera mest til að einfalda líf okkar sem
íbúa og atvinnurekenda. Annars vegar að útbúa raf-
rænan vettvang fyrir fyrirtæki til að sækja þjónustu hjá
borginni í samræmi við hugmyndafræði „Once-only“.
Þetta hefur lengi verið stefna Evrópusambandsins í
samskiptum við borgara, stofnanir og fyrirtæki til að
einfalda stjórnsýsluna verulega. Með slíkri breytingu
þarf bara einu sinni að skila inn grunnupplýsingum um
sig. Kerfi borgarinnar eigi svo að sjá til þess að þessar
upplýsingar séu aðgengilegar. Þetta mun spara fjölmörg
spor og pappírsbunka í samskiptum við borgina.
Hitt atriðið er að efla atvinnulíf inni í hverfum borg-
arinnar. Hugmyndafræðin á bak við þéttingu byggðar
snýst um að með fleiri íbúum hverfis sé kominn
grundvöllur fyrir aukna nærþjónustu í hverfinu. Það er
einnig að fólk eigi þess kost að starfa innan hverfis. Með
aukinni nærþjónustu og dreifingu vinnustaða dregur
úr umferðarþunga á stærstu umferðaræðunum og
okkur líður betur á leið til vinnu.
Stefna er fyrirheit en það sem máli skiptir er að koma
þessum aðgerðum til framkvæmda. ■
Nærum jarðveg fyrir
blómlegt atvinnulíf
Þórdís Lóa
Þórhallsdóttir
oddviti Viðreisnar
í Reykjavík
SKOÐUN FRÉTTABLAÐIÐ 8. apríl 2022 FÖSTUDAGUR