Fréttablaðið - 12.04.2022, Blaðsíða 42

www.DORMA.is
Verð og vöruupplýsingar eru birtar með fyrirvara um prentvillur.
20%
AFSLÁTTUR af öllum sængum,
koddum, stólum og smávöru
PÁSKA
TILBOÐ
Nú 135.920 kr.
LICATA 3ja sæta sófi
3ja sæta sófi í Kentucky koníak eða Stone Bonded leðri eða River
dökkgrátt áklæði. Stærð: 199 x 94 x 82 cm.
Fullt verð: 169.900 kr.
LICATA
2ja og 3ja sæta sófarAðeins 111.920 kr.
20%
Stærð í cm
Fullt verð m/
Classic
botni og löppum
Páskatilboð
m/botni og
löppum
Luxury 80x200 75.900 kr. 60.720 kr.
Luxury 90x200 79.900 kr. 63.920 kr.
Luxury 90x210 83.900 kr. 67.120 kr.
Luxury 100x200 83.900 kr. 67.120 kr.
Luxury 120x200 89.900 kr. 71.920 kr.
Luxury 140x200 99.900 kr. 79.920 kr.
Luxury 160x200 109.900 kr. 87.920 kr.
Luxury 180x200 119.900 kr. 95.920 kr.
Nature’s REST LUXURY
heilsurúm með Classic botni
ELEGANCE heilsurúm með
Classic botni
Stærð í cm
Fullt verð m/
Classic
botni og löppum
Páskatilboð með
botni og löppum
Elegance 120x200 155.900 kr. 129.820 kr.
Elegance 140x200 169.900 kr. 135.920 kr.
Elegance 140x210 181.900 kr. 145.520 kr.
Elegance 160x200 189.900 kr. 151.920 kr.
Elegance 180x200 209.900 kr. 167.920 kr.
Elegance 180x210 239.900 kr. 191.920 kr.
20%
20%
Holtagörðum, Reykjavík
Smáratorgi, Kópavogi
Dalsbraut 1, Akureyri
Skeiði 1, Ísafirði

Í langan tíma hefur blasað við
mannekla hjá Landspítala. Ein af
ástæðum fyrir f lótta úr þessum
mikilvægu starfsstéttum er vinnu­
tíminn. Vaktavinna er ekki fjöl­
skylduvæn og fátt í okkar samfélagi
sem styður við fjölskyldufólk í
þeirri stöðu. Það er viðbótarálag að
finna út úr því hvar börnin eiga að
vera þegar vaktirnar eru utan hefð­
bundins vinnutíma. Þau njóta ekki
þess kosts eins og aðrar fjölskyldur
að opnunartími leikskóla sé í takt
við vinnutíma þeirra. Þetta hefur
án vafa fælingarmátt á þá sem velja
sér starf og aðstæður sem starfið
býður upp á.
Allt ætlaði um koll að keyra
þegar því var hent fram fyrir stuttu
að aðlaga þyrfti leikskóla betur
atvinnulífinu. Gagnrýnt var að leik­
skólinn ætti ekki að þjóna atvinnu­
lífinu þegar raunveruleikinn er sá
að verið var að hugsa um hag barna
og fjölskyldna. Það er hagur barns­
ins að það sé festa í lífi þess en að
ekki þurfi að finna út úr því stans­
laust hvernig eigi að leysa helgar­
vaktina og vakt sem byrjar örlítið
fyrr eða síðar.
Best er fyrir barnið að leikskóli
geti lagað sig að lífi fjölskyldna og
þörfum þeirra. Barn á þessum aldri
gerir ekki greinarmun á því að vera
í leikskóla á laugardegi eða mánu­
degi eða í fríi á sunnudegi eða mið­
vikudegi heima með foreldrum.
Það vantar sárlega þjónustu sem er
sveigjanlegri.
Á næstu mánuðum munum
við í Viðreisn í samstarfi við LSH
beita okkur fyrir því að settur
verði á laggirnar sérstakur leik­
skóli fyrir LSH í samstarfi við ríkið.
Fyrirmyndir að slíkum leikskólum
í nálægð við sjúkrahús sem eru
sérstaklega ætlaðir starfsfólki má
til að mynda finna á Norðurlönd­
unum. Við teljum rétt að sá skóli
verði boðinn út til sjálfstætt starf­
andi aðila og tryggt að þjónustan
verði á heimsmælikvarða líkt og er í
leikskólum borgarinnar. Við viljum
auka þjónustu við allt fjölskyldufólk
í Reykjavík. Í framhaldinu má svo
skoða hvernig hægt er að koma til
móts við f leira starfsfólk í ólíkum
fyrirtækjum og stofnunum þar sem
hið hefðbundna módel þjónar ekki
þörfum þess.
Starfsfólk og stjórnendur leik­
skóla munu koma að vinnu við að
útfæra þessa nálgun og þarfir barna
í sveigjanlegri skóla verða tryggðir.
Almennt er mikil ánægja með störf
leikskóla og halda þarf í þau gildi
sem unnið er eftir þó að ákveðnir
skólar hafi þennan sveigjanleika.
Gaman verður að eiga samtöl og
samstarf um það hvernig leikskóli
fyrir Landspítala getur þjónað hags­
munum bæði barnsins og foreldr­
um. Tímarnir breytast og við með
og við viljum enn betra líf fyrir börn
og fjölskyldufólk í Reykjavík. n
Leikskóli fyrir Landspítala
Þórdís Jóna
Sigurðardóttir
skipar 3. sæti á
framboðslista Við­
reisnar í Reykjavík
Íslendingar þurfa að ræða mun
betur hvaða skyldur og ábyrgð
fylgja ráðherraembættum og hvern­
ig útfærslan á að vera. Við getum
ekki haft ráðherra þar sem spurn­
ingum er ósvarað um tiltekna gagn­
rýniverða hegðun þeirra og ákvarð­
anir. Það veikir stöðu ráðherranna,
dregur úr trúverðugleika og gengur
gegn almannahagsmunum.
Þetta er lausleg samantekt á
orðum Henrýs Alexanders Hen­
rýssonar siðfræðings sem hefur
verið kallaður til álits í fjölmiðlum
undanfarna daga vegna umdeildra
orða og athafna ráðherra í ríkis­
stjórn Íslands.
Rasísk ummæli Sigurðar Inga
Jóhannssonar, innviðaráðherra og
formanns Framsóknarf lokksins,
eru alvarleg, en yfirhylmingin í kjöl­
farið var þó enn alvarlegri. Samt svo
óþægilega kunnugleg. Þessi nálgun
að bíða og vona að ekkert spyrjist út
í stað þess að taka ábyrgð og klára
málið. Svo þegar fréttir fara að leka
af uppákomunni þá er einhver gerð­
ur út af örkinni til að afneita, segja
ósatt. Þegar það dugar ekki, gerir
jafnvel bara illt verra, þá kemur
hálfvolg afsökunarbeiðni. Og gott ef
það fylgir ekki með í umræðunni að
almenningur þurfi að bera lærdóm
af málinu. Við erum jú öll í þessu
saman. Eftir situr laskaður ráðherra.
Svo selja stjórnvöld banka. Ef
það er eitthvað sem situr óupp­
gert í íslenskri þjóðarsál þá er það
einkavæðing bankanna á árunum
fyrir hrun. Það var því öllum ljóst
að aðferðafræðin við bankasöluna
núna yrði að vera hafin yfir allan
vafa ef sátt ætti að nást um málið.
Í ljósi þess hvernig til tókst er eðli­
legt að spyrja hvort ríkisstjórninni
hafi einfaldlega verið slétt sama um
þá sátt.
Hvort heldur er, er söluferlið nú
orðið að enn einu deilumálinu í
meðförum ríkisstjórnarinnar. Ekki
vegna upprunalegra markmiða
sölunnar á Íslandsbanka, sem Við­
reisn hefur alltaf stutt, heldur vegna
útkomunnar. Salan var mikilvægt
skref í þá átt að losa um eignarhlut
ríkisins í fjármálakerfinu en tákn­
rænt gildi hennar og siðferðisleg
skilaboð skipta líka miklu máli.
Bankasýslu ríkisins var falið, að
höfðu samráði við Bjarna Bene­
diktsson, fjármálaráðherra og for­
mann Sjálfstæðisf lokksins, um
tímasetningar, skiptingu áfanga og
söluaðferðir, að tryggja að útfærslur
á útboðsskilmálum yrðu í samræmi
við greinargerð ráðherrans um
söluna. Hvaða skilyrði voru sett í
útboðinu til að tryggja dreift eign­
arhald og fjölbreytileika? Hvernig
voru langtímafjárfestar skilgreind­
ir? Hvernig voru skammtímafjár­
festar skilgreindir? Af hverju var
ekki sett skilyrði um orðspors­
áhættu, samanber almennt skilyrði
um að stuðla að samkeppni?
Stjórnarandstaðan á þingi ósk­
aði eftir aðkomu sérstakrar rann­
sóknarnefndar til að fara ofan í
kjölinn á þessu máli en þingmenn
stjórnarflokkanna kusu að fylgja
ráðum fjármálaráðherra og leita til
Ríkisendurskoðunar sem hefur ekki
yfir jafnvíðtækum rannsóknar­
heimildum að ráða. Þar að auki var
úr röðum stjórnarliða strax hafin
sterk sókn gegn stjórn og forstjóra
Bankasölunnar sem framkvæmdi
söluna að beiðni og samkvæmt
forskrift fjármálaráðherra sem ber
ábyrgð á ferlinu. Bíða, afneita, finna
blóraböggul. Sagan endalausa.
Eftir að þingið er farið í páskahlé
stígur svo Lilja Alfreðsdóttir við­
skiptaráðherra fram og upplýsir að
ekki hafi verið hlustað á mótbárur
hennar innan ríkisstjórnarinnar. Að
hún hafi verið á móti aðferðafræð­
inni og viljað fara aðra leið við sölu
bankans. Sem viðskiptaráðherra fer
Lilja með samkeppnismál og hags­
muni neytenda. Hún situr að auki
í ráðherranefnd um efnahagsmál.
Þetta þýðir einfaldlega að ekki var
samstaða innan ríkisstjórnarinnar
um þá leið sem fjármálaráðherra
valdi.
Hagsmunir almennings kalla á að
það verði upplýst í eitt skipti fyrir
öll hvernig sú ákvörðun var tekin
innan ríkisstjórnarinnar að selja
Íslandsbankabréfin á afslætti til val­
ins hóps fjárfesta. Hin gamalkunna
aðferð gömlu stjórnmálaaf lanna
dugar ekki hér. n
Laskaðir leiðtogar
Hanna Katrín
Friðriksson
þingflokksfor­
maður Viðreisnar
Starfsfólk og stjórn-
endur leikskóla munu
koma að vinnu við að
útfæra þessa nálgun og
þarfir barna í sveigjan-
legri skóla verða
tryggðir.
Bíða, afneita, finna
blóraböggul. Sagan
endalausa.
18 Skoðun 12. apríl 2022 ÞRIÐJU-
DAGUR
FRÉTTABLAÐIÐ