Fréttablaðið - 03.05.2022, Blaðsíða 14

Útgefandi: Torg ehf Veffang: frettabladid.isÁbyrgðarmaður: Jón Þórisson Sölumaður auglýsinga: Jón Ívar Vilhelmsson, jonivar@frettabladid.is, s. 550 5654,
„Fasteign er oftar en ekki ein
stærsta fjárfesting og verðmætasta
eign einstaklinga og fyrirtækja.
Til að hámarka ávinning af þeirri
fjárfestingu er mikilvægt að haga
umsjón með fasteigninni á skipu-
legan hátt þannig að ástand, ásýnd
og virkni eignarinnar leiði af sér
að eignin sé í senn arðbær fjár-
festing fyrir eigendur og hentug
og eftirsóknarverð aðstaða fyrir
notendur hennar,“ segir Pálmar
Óli Magnússon, forstjóri Daga, og
heldur áfram:
„Margir fasteignaeigendur eiga
það hins vegar til að nálgast við-
hald fasteigna sem viðbragðsað-
gerðir við ófyrirséðum aðstæðum
í stað þess að snúa blaðinu við og
fara í fyrirbyggjandi viðhald með
skipulögðum hætti.“
Sérsníða lausnir í samráði
við viðskiptavini
Dagar eru leiðandi fyrirtæki á sviði
fasteignaumsjónar og bjóða upp
á fjölbreytta þjónustu á því sviði.
Hjá Dögum starfa um 750 manns
á starfsstöðvum víðs vegar um
landið með fjölbreyttan bakgrunn.
„Við höfum langa og víðtæka
reynslu, öflugan hóp starfsfólks og
net samstarfsaðila og veitum við-
skiptavinum okkar þá þjónustu,
yfirsýn og athygli sem fasteignin
og starfsemin sem hún hýsir þarfn-
ast,“ greinir Pálmar frá.
Hann segir hugtakið fast-
eignaumsjón ná yfir mismunandi
þjónustuþætti sem hægt er að velja
á milli eða taka sem heild.
„Hvort sem að þú þarft ein-
falda þjónustu, eins og húsvörslu
þar sem okkar fólk getur verið til
staðar ef eitthvað kemur upp, eða
ef þú þarft hjálp við umfangsmeiri
húsumsjón eða fasteignarekstur
með kerfisbundinni umsjón og
fyrirbyggjandi eftirliti og viðhaldi,
þá getum við aðstoðað.“
Yfirsýn yfir alla verkþætti
léttir fólki lífið
Saga Daga nær aftur til ársins 1980
og spannar þjónustuframboð
fyrirtækisins fjölmarga þætti
þegar kemur að umsjón, rekstri
og ræstingum, ástandi og ásýnd
fasteigna.
„Við vitum að viðhald fasteigna
er langtímaverkefni sem er ekki
með skýran upphafs- og enda-
punkt. Reynslan hefur þar að auki
sýnt okkur að ef margir ólíkir
aðilar sinna langtímaverkefni
sem þessu tapast oft yfirsýn og
samhæfing sem leiðir til sóunar
á fjármunum og tíma, veldur
rekstrartruflunum og rýrir nota-
gildi eignarinnar,“ upplýsir Pálmar.
„Mikilvægt er að nálgast
verkefni sem þessi skipulega og
þess vegna byrjum við oft á því
að gera úttektir á eignum sem
gefa til kynna ástand þeirra og
í hvaða röð er mikilvægast að
nálgast verkþættina. Sérfræðingar
okkar tryggja skýra yfirsýn yfir
rekstur eignarinnar í gegnum fast-
eignaumsjónarkerfi Daga þar sem
verkbeiðnir eru skráðar og með-
höndlaðar til að tryggja eftirfylgni
og rekjanleika verka.“
Þjónusta leigjendur jafnt
sem eigendur
„Leigjendur og eigendur fasteigna
deila með sér ábyrgð á þáttum sem
lúta að viðhaldi, öryggi, ásýnd og
virkni eignarinnar, eins og lýst er
í leigusamningum milli aðila og
samkvæmt lögum eins og við á.
Þannig er algengt að leigjendur sjái
um rekstur, viðhald og umhirðu
innandyra og að eigandinn sjái
um skelina að utan. Fyrirtæki eru
misvel í stakk búin til að nálgast
þetta verkefni, en þar hafa Dagar
hjálpað til,“ segir Pálmar.
„Forráðamenn fasteigna hafa
kannski ekki þörf fyrir fullt
starfsgildi til að sinna viðhaldi og
rekstri, en Dagar geta séð um að
sinna þessu verkefni með heim-
sóknum einu sinni í viku eða oftar,
allt eftir eðli og umfangi. Eigandi
getur þannig á sýnilegan hátt séð
að viðhaldi er sinnt.“
Vellíðan og öryggi starfsmanna
skipta miklu máli
Dagar eiga sér ríka sögu í þjón-
ustuþáttum sem hafa bæði áhrif á
virkni og upplifunarhluta eigna.
„Við höfum í auknum mæli tekið
eftir því að atvinnurekendur og
eigendur fasteigna eru ekki ein-
göngu að huga að reglubundinni
umsjón til að hámarka verðgildi
þeirra, heldur einnig til að tryggja
aðlaðandi og gefandi umhverfi
fyrir notendur og að öryggi þeirra
sé tryggt.
Við mætum þessari þróun
með því að bjóða upp á hent-
ugar lausnir fyrir fyrirtæki sem
hækkar þjónustustig til starfsfólks
og viðskiptavina, eins og með
reglubundnum gler- og glugga-
þvotti, viðhaldi gólfefna og öðrum
þjónustum sem bæta upplifun
notenda,“ segir Pálmar.
Óháð eldvarnaeftirlit fasteigna
Dagar hafa í auknum mæli tekið að
sér óháð eldvarnaeftirlit mann-
virkja og í kjölfar aukinnar eftir-
spurnar hefur verið komið á fót
hlutverki eldvarnafulltrúa á sviði
Fasteignaumsjónar.
„Þegar kemur að eldvarnaeftir-
liti fasteigna er bundið í lög að
eigandi mannvirkis tryggi að það
fullnægi kröfum um brunavarnir.
Margir eigendur hafa leitað til
okkar með eldvarnaeftirlitið vegna
þess að þau leggja ríka áherslu á að
eftirlitið sé framkvæmt af óháðum
fagaðilum. Þetta gera þau til að
tryggja að eftirlit og framkvæmd
úrbóta sé ekki á höndum sama
aðila og draga þar með úr mögu-
legum hagsmunaárekstrum,“ segir
Pálmar og útskýrir nánar:
„Þjónustu okkar er þá háttað
þannig að við tökum út eldvarnir
mannvirkisins með reglubundnu
millibili, út frá ákveðnum for-
skriftum yfirvalda, og skilum
samantekt til eigenda húseigna.
Þegar kemur að úrbótum í kjölfar
skýrslunnar getum við svo verið
eigendum og forráðamönnum
mannvirkisins innan handar eftir
þörfum.“ ■
Dagar eru að Lyngási 17, Garðabæ.
Sími 580 0600. Netfang: dagar@
dagar.is. Allar nánari upplýsingar
á dagar.is
Forstjórinn Pálmar Óli segir sérfræðinga Daga tryggja skýra yfirsýn yfir rekstur fasteigna. FRÉTTABLAÐIÐ/SIGTRYGGUR ARI
Dagar sjá um hvers kyns viðhald í rekstri fyrirtækja og gera úttektir á ástandi fasteigna. FRÉTTABLAÐIÐ/SIGTRYGGUR ARI
Dagar sjá einnig um gluggaþvott.
Við vitum að
viðhald fasteigna
er langtímaverkefni sem
er ekki með skýran
upphafs- og endapunkt.
2 kynningarblað 3. maí 2022 ÞRIÐJUDAGURVIÐHALD FASTEIGNA