Ægir - 2021, Síða 8

8
x-Inn fræðslumiðstöð fiskeldis á
Grandagarði í Reykjavík hefur fengið
liðsauka, Iðu Marsibil Jónsdóttur, sem
taka mun við sem framkvæmdastjóri
félagsins. Iða er viðskiptafræðingur
og stundar MBA nám við Háskólann í
Reykjavík. Iða er Bílddælingur, fædd
og uppalin fyrir vestan, þriggja barna
móðir og hefur brennandi áhuga og
reynslu í fiskeldi.
Fræðslumiðstöðin var opnuð í byrjun
september og hefur verið afar vel tekið
þar sem fram fer kynning og bein út-
sending frá fiskeldinu, tengdri tækni,
framleiðslu, markaðsetningu og dreif-
ingu afurða en mest af starfseminni fer
fram á landsbyggðinni sem Iða þekkir
vel, að því er segir í fréttatilkynningu.
Mikill uppbygging hafi verið á hennar
æskuslóðum á sunnanverðum Vestfjörð-
um og hún tekið þátt í uppbyggingu
Arnarlax. Þar hafi hún verið ein af lykil-
starfsmönnum félagsins um árabil og
starfað við mannauðsmál, fjármál og
skrifstofustjóri félagsins.
Fræðslumiðstöðin farið vel af stað
„Við erum heppin að fá Iðu til liðs við
okkur og erum þakklát fyrir viðtökur
bæði almennings sem og samstarfsaðila
Lax-Inn sem gefur okkur tækifæri til
frekari vaxtar. Iða hefur mikla reynslu
af fiskeldi og stýringu rekstrar þar sem
kraftar hennar munu nýtast vel til frek-
ari uppbyggingar fræðslumiðstöðvar-
innar.“ segir Sigurður Pétursson, stofn-
andi Lax-Inn.
Í fréttatilkynningu segir að í Lax-Inn
sé heildarferli framleiðslunnar kynnt,
hvernig jarðvarmi og græn raforka eru
nýtt og hagstæðar umhverfisaðstæður í
landeldi með gegnumstreymi og hring-
rásarkerfi. „Frætt er um áframeldi í sjó
en það er gert við köldustu aðstæður
sem þekkjast í laxfiskaeldi í heiminum.
Öllu framleiðsluferlinu er gerð ítarleg
skil, hvað einkennir gæði afurða og um-
hverfisáhrif framleiðslunnar rakin.
Áhersla er lögð á kynningu á eldistækni
íslenskra fyrirtækja sem eru mjög fram-
arlega á heimsvísu í tæknilausnum bæði
í eldi og framleiðslu. Einnig kynning á
dreifileiðum, markaðsetningu og hag-
rænum þáttum lagareldis.“
Iða Marsibil til liðs við
Lax-Inn fræðslumiðstöð
Fiskeldi
 Iða Marsibil Jónsdóttir, nýr fram-
kvæmdastjóri Lax-Inn fræðslumið-
stöðvar.
Suðurnesjabær óskar Nesfiski
og áhöfninni á Baldvini Njálssyni GK 400
innilega til hamingju með glæsilega nýsmíði