Fréttablaðið - 27.05.2022, Blaðsíða 6

islenskt.is
N Ý F O R M
h ú s g a g n a v e r s l u n
h ú s g a g n av e r s l u n
Strandgötu 24 | 220 Hafnarfjörður | Sími 565 4100 | nyform.is
Mikið úrval af HVÍLDARSTÓLUM
með og án rafmagns lyftibúnaði
Komið og
skoðið úrvalið
Nú eru meirihlutaviðræður
formlega hafnar milli Sam-
fylkingar, Pírata, Viðreisnar
og Framsóknar í Reykjavík.
Ekki virðist mikill ágrein-
ingur um málefni milli flokk-
anna, en nokkur spenna er
um borgarstjórastólinn.
olafur@frettabladid.is
REYKJAVÍK Dagur B. Eggertsson er
í dag fimmti þaulsætnasti borgar-
stjóri Reykjavíkur og hefur samtals
setið í stólnum í rúm átta ár.
Verði hann borgarstjóri áfram fer
hann upp í 3. sæti yfir þaulsætnustu
borgarstjóra Reykjavíkur frá upp-
hafi og skákar Davíð Oddssyni, sem
var borgarstjóri í níu ár, einn mánuð
og nítján daga á árunum 1982 til
1991, úr því sæti.
Ef miðað er við samfellda setu í
stóli borgarstjóra verður það 24. júlí
næsta ár sem Dagur skákar Davíð úr
3. sætinu, en Dagur sat í rúma þrjá
mánuði sem borgarstjóri frá októ-
ber 2007 fram í janúar 2008.
Í 4. sætinu situr Ingibjörg Sólrún
Gísladóttir, sem var borgarstjóri í
átta ár, sjö mánuði og nítján daga á
árunum 1994 til 2003.
Þaulsætnasti borgarstjóri Reykja-
víkur frá upphafi er Gunnar Thor-
oddsen, sem var borgarstjóri frá
því í febrúar 1947 og fram í október
1960, eða í þrettán ár, átta mánuði
og tvo daga.
Gunnar tók raunar við embætti
f jármálaráðherra í Viðreisnar-
stjórninni 19. nóvember 1959 og
fór í leyfi sem borgarstjóri og lét
ekki formlega af embætti fyrr en í
október 1960. Hann náði því í raun
ekki þrettán árum.
Sá sem í raun hefur setið lengst
er Geir Hallgrímsson, sem sat í
stólnum frá því í nóvember 1959
til 1. desember 1972. Þegar Geir lét
af embætti var hann orðinn þing-
maður Reykvíkinga.
Davíð Oddsson, sem sat í rúm
níu ár, 1982 til 1991, hefur sérstöðu
meðal reykvískra borgarstjóra. Í tvo
og hálfan mánuð, 30. apríl til 16. júlí
1991, gegndi hann embætti borgar-
stjóra, ásamt því að vera forsætis-
ráðherra lýðveldisins. Enginn annar
Íslendingur hefur leikið það eftir.
Segja má að Davíð hafi farið að
dæmi Frakka, en rík hefð er fyrir því
þar í landi að forsætisráðherra gegni
jafnframt embætti borgarstjóra. Jac-
ques Chirac, sem síðar varð forseti
Frakklands, var til dæmis borgar-
stjóri Parísar þegar hann gegndi
embætti forsætisráðherra, fyrst í
forsetatíð Valery Giscard d’Estaing
á 8. áratug síðustu aldar og aftur í
forsetatíð Francois Mitterand á 9.
áratugnum. Þegar hann var kosinn
forseti Frakklands, 1995, lét hann af
embætti borgarstjóra.
Davíð gerði atlögu að því að feta á
ný í fótspor Chirac þegar hann bauð
sig fram til forseta 2016 en hafði
ekki erindi sem erfiði.
Á næstu dögum kemur í ljós hvort
Dagur nær þriðja sætinu. n
Þaulsætnustu borgarstjórar
í sögu Reykjavíkurborgar
Dagur B. Eggertsson getur á næsta
ári orðið þriðji þaulsætnasti borgar-
stjóri sögunnar. FRÉTTABLAÐIÐ/VALLI
Geir Hallgrímsson og Gunnar Thoroddsen hafa setið lengst allra í stóli borgarstjóra Reykjavíkur og samanlögð
borgarstjóratíð þeirra spannar aldarfjórðung. Oft andaði þó köldu milli þeirra og talað var um Geirs- og Gunnars-
armana í Sjálfstæðisflokknum. FRÉTTABLAÐIÐ/VALLI
Davíð Oddsson sat í rúm níu ár sem borgarstjóri og var forsætisráðherra
síðustu vikur borgarstjóraferilsins. FRÉTTABLAÐIÐ/ANTON BRINK
Ingibjörg Sólrún Gísladóttir er eina
konan sem kemst á topp fimm
listann. FRÉTTABLAÐIÐ/STEFÁN
Þaulsætnastur var
Gunnar Thoroddssen
sem gegndi embættinu
í þrettán ár.
georg@frettabladid
ÚKRAÍNA Yfirvöld í Úkraínu viður-
kenna að innrásarlið Rússa hafi náð
undirtökunum í átökunum sem nú
geisa í austurhluta landsins. Úkra-
ínskt herlið hefur í sumum tilfellum
neyðst til að hörfa frá vígstöðvum
í Donbas héraðinu. Þá hefur rúss-
neskt herlið sömuleiðis náð stjórn
yfir mestum hluta Luhansk-héraðs. Á
blaðamannafundi í gær viðurkenndi
úkraínski hershöfðinginn, Oleksej
Gromov, að Rússar hefðu náð undir-
tökunum í átökunum í Luhansk.
Fréttamiðillinn The Guardian
hefur eftir ríkisstjóra Luhansk-hér-
aðs, Seríj Haidai, að Úkraínumenn
stjórni nú aðeins fimm prósentum
héraðsins. Fyrir viku síðan hafi Úkra-
ínumenn stýrt tíu prósentum þess.
Rússneskt herlið sækir nú fast að
borgunum Lyman og Sieverierodo-
netsk, en þeir eru við það að umlykja
borgirnar og úkraínskt varnarlið sem
er staðsett þar. Eftir að hafa hörfað frá
Kænugarði hafa Rússar einbeitt sér
að því að ná yfirráðum yfir austur-
hluta landsins. Takist  þeim að ná
þessum svæðum er talið að Pútín
geti lýst yfir sigri og bundið enda á
átökin, sem nú hafa geisað í rúma
þrjá mánuði.
Úkraínski herinn hefur undan-
farnar vikur mátt þola mikið mann-
fall á þessu svæði. Volodímír Sel-
enskíj, forseti Úkraínu, sagði fyrir
skömmu að fimmtíu til hundrað
úkraínskir hermenn létu nú lífið í
átökunum á degi hverjum.
Selenskíj kallaði eftir meiri stuðn-
ingi vestrænna ríkja í vikunni og
gagnrýndi tillögur um friðarviðræð-
ur sem fælu í sér að Úkraína gæfi eftir
landsvæði. Ummælin koma í kjölfar
þess að Henry Kissinger, fyrrum ráð-
gjafi Bandaríkjaforsetans Richard
Nixons, lagði til að Úkraína léti land-
svæði í austurhluta landsins af hendi
í friðarviðræðum við Rússa. n
Rússar með undirtök í Austur-Úkraínu
Úkraínskir
hermenn á
vígstöðvunum
í Donbass fyrr í
vikunni.
FRÉTTABLAÐIÐ/
GETTY
Talið er að Pútín geti
lýst yfir sigri takist
Rússum að ná austur-
hlutanum á vald sitt.
6 Fréttir 27. maí 2022 FÖSTUDAGURFRÉTTABLAÐIÐ