Fréttablaðið - 27.05.2022, Page 13

Engan skal undra að íslenska
þjóðin hafi tekið jafn hratt
við sér og raunin varð þegar
ísbúðin Gaeta var opnuð við
Ingólfstorg fyrir rúmlega
tveimur árum. Þar dansa
saman íslensk og ítölsk
hráefni í dúnmjúkum og
frískandi gelato-ís.
Aðspurður segir Michele Gaeta,
einn eigandi og stofnandi ísbúðar-
innar, að hann og samstarfsfólk
hans hafi yfir tuttugu ára reynslu
af því að búa til gelato-ís, en saman
ráku þau ísbúð á Ítalíu. „Gabriele og
Claudia reka Gaeta gelato á Ítalíu
og ég rek ísbúðirnar á Íslandi,“
segir Michele og bætir við: „Við
deilum uppskriftum og hér á
Íslandi bý ég til gelato-ís af ítalskri
list úr íslenskum rjóma og mjólk
og ýmsum innfluttum hráefnum
frá Ítalíu. Gaeta sem var opnuð í
Aðalstræti fagnaði svo tveggja ára
afmæli 9. maí síðastliðinn,“ segir
Michele.
Ísbúðin Gaeta er nú á tveimur
stöðum, annars vegar að Aðal-
stræti 6 og hins vegar í Hlemmi
Mathöll. Að sögn Michele er
stefnan sett á að opna eina ísbúð til
viðbótar á höfuðborgarsvæðinu,
vonandi fyrir lok sumars.
Hátt í hundrað bragðtegundir
Michele telur að á síðustu tveimur
árum hafi þau hjá Gaeta framleitt
hátt í hundrað bragðtegundir alls
fyrir ísbúðina. „Í hverri viku gerum
við nýtt bragð og skiptum einu
eldra bragði út fyrir það. Sumar
vinsælustu bragðtegundirnar eru
svo alltaf í borðinu hjá okkur.“
Aðspurður segir Michele að
sitt uppáhaldsbragð hjá Gaeta
sé síbreytilegt. „Núna er ég mjög
hrifinn af crème brûlée, en mér
finnst Amarena kirsuberja líka
mjög gott. En þetta breytist með
hverju bragðinu sem við búum til.
Sem krakki var uppáhaldið mitt
að fá mér pistasíu- og svo súkku-
laði saman í form. Þá fannst mér
sérstaklega gott ef það var hægt að
fá súkkulaði- og heslihnetu- ásamt
pistasíuísnum. Í Gaeta fæst einmitt
súkkulaði- og heslihnetu-gelato,
sem nefnist Bacia, og merkir koss á
ítölsku,“ segir Michele.
Nýtt á Íslandi
Michele er spenntur að kynna
gómsætar nýjungar sem fara í
sölu hjá ísbúðum Gaeta í sumar.
Ein þessara nýjunga er „Italian
coffee cream“, sem gæti verið nefnt
rjómakaffikrap á íslensku. „Þetta
er einhvers staðar á milli gelato
og ískaffis, en er mun mýkra og
rjómakenndara, eins og smúþí. Við
notum sérstaka vél sem minnir á
krap eða „slushie“ vél. Þá notum
við ekta bruggað espresso-kaffi og
rjóma í þennan ískalda og svalandi
rjómakaffidrykk. Það er enginn
annar með þetta á matseðlinum á
Íslandi svo okkur þótti tilvalið að
kynna þessa nýjung fyrir ísunn-
endum hér á landi.“
Ásamt kaffibragðinu verða
einnig aðrar bragðtegundir í boði.
„Við erum líka með jarðarberja-
sorbet-krap. Í hverri viku munum
við svo prófa nýtt ávaxtabragð. Við
notum alltaf ferska ávexti eins og
mangó eða kirsuber, en ekki til-
búin síróp, eins og við gerum alltaf
í ávaxtasorbet hjá okkur. Þetta
verður spennandi viðbót í sumar
við vegan valkostina okkar.“
Gómsætar gjafir
Krikri er önnur spennandi nýjung
hjá Gaeta, en um er að ræða
hjúpaða smáísa í vöffluformi.
„Þetta minnir kannski á konfekt-
mola, nema með ís innan í. Ein
bragðtegund er hvítur súkkulaðiís
með pistasíuhjúp. Svo er crème
brûlée-ís með kaffihjúp. Einnig er
stracciatella-ís með súkkulaðihjúp,
og loks vanilluís með jarðarberja-
hjúp. Hægt er að njóta þess að
smakka ísmolana í ísbúðinni, en
svo er þetta líka tilvalin gjöf, líkt og
konfektkassi. Þá er einnig vinsælt
að taka þetta með sér í matarboð
sem eftirrétt.“
Michele segir líka klassískt
að gefa cannoli, sem er ítalskt
bakkelsi með ricotta-ostafyllingu.
„Okkar útgáfa er með súkkulaði
og pistasíum. Við bjóðum einnig
upp á ísbox til þess að taka með
þar sem hægt er að velja nokkrar
ístegundir og taka með. Boxin eru
falleg með skrautborða og sóma
sér vel sem gjafir handa nautna-
seggjunum í lífi þínu.“
Michele er einnig spenntur að
kynna aðra nýjung fyrir gestum,
en þau hjá Gaeta eru byrjuð að búa
til ekta ítalskt tiramisù. „Við búum
til ljúffengt tiramisù hér á staðnum
úr ítölskum mascarpone-osti,
kaffilegnum lady fingers og kakói.
Það er bæði hægt að njóta þess að
smakka á því hér í búðinni eða taka
með sér heim. Svo er þetta nátt-
úrulega einstaklega hugulsöm gjöf
handa nákomnum,“ segir Michele.
Ís í veisluna
Gaeta býður svo upp á stór-
skemmtilega nýjung fyrir veislu-
haldara sem á sko eftir að koma
sér vel í teitin í sumar. „Við bjóðum
upp á sérstaka veislubakka fyrir
gelato. Ísinn helst ískaldur í allt að
sex klukkustundir svo þetta er til-
valin viðbót í hvers kyns viðburði
eða jafnvel í lautarferðina. Hægt
er að panta ísveislurnar fyrir allt
frá 20 til 200 manns og er val um
fjórar girnilegar bragðtegundir.
Við sköffum svo box, skeiðar og
ískex frítt með svo allir geti gert sér
sinn eigin gelato.“
Gaeta norðan heiða
Gaeta gelato-ísinn fæst ekki bara
í ísbúðum verslunarinnar heldur
geta ísunnendur nú nálgast ísinn
gómsæta í hentugum umbúðum
í öllum verslunum Hagkaupa í
Reykjavík og á Akureyri. „Við
framleiðum aukamagn af vin-
sælustu bragðtegundunum okkar
á sama hátt og við gerum gelato í
ísbúðinni og seljum í verslunum
Hagkaupa, en einnig í Fjarðar-
kaupum og Melabúðinni. Sjálfur
var ég staddur fyrir norðan fyrr á
árinu og langaði mikið í ítalskan
gelato-ís. Þá var mjög hentugt að
geta stokkið inn í Hagkaup á Akur-
eyri og keypt mér eitt box af Gaeta
gelato-ís,“ segir Michele kátur. n
Gaeta er staðsett að Aðalstræti 6
og í Hlemmi Mathöll. Nánari upp-
lýsingar á gelato.is.
Spennandi nýjungar frá ítalska ískónginum
Viltu taka ísinn með heim? Gaeta býður upp á falleg box þar sem þú velur þínar uppáhalds
ístegundir. Tilvalið í matarboðið eða sem gjöf handa vini.
Michele skenkir hér dýrindis dúnmjúkan jarðarberjadrykk úr ferskum ávöxtum. Þetta verður sko frískandi í sumar. FRÉTTABLAÐIÐ/ANTON BRINK
Hvítur súkkulaði-smáís með pistasíuhjúp. Krikri er
skemmtileg viðbót við vöruúrvalið í Gaeta.
Ísvagninn frá Gaeta er kærkomin viðbót í hvers kyns veislur.
Það er enginn
annar með þetta á
matseðlinum á Íslandi
svo okkur þótti tilvalið
að kynna þessa nýjung
fyrir ísunnendum hér á
landi.
Michele Gaeta
ALLT kynningarblað 3FÖSTUDAGUR 27. maí 2022