Fréttablaðið - 22.06.2022, Blaðsíða 8

Við munum hlúa vel
að rekstrinum og síðan
mun markaðurinn
bregðast við eins og
hann bregst við.
Ísland er í 16. sæti í úttekt
IMD viðskiptaháskólans í
Sviss á samkeppnishæfni
ríkja og batnar staðan milli
ára. Íslendingar reka þó
enn lestina í samanburði
við Norðurlöndin. Gunnar
Úlfarsson, annar hagfræðinga
Viðskiptaráðs, segir að Ísland
verði að bæta sig þegar kemur
að alþjóðaviðskiptum og
erlendri fjárfestingu.
magdalena@frettabladid.is
Gunnar Úlfarsson, hagfræðingur
Viðskiptaráðs, segir að efnahagsleg
frammistaða Íslands sé það helsta
sem haldi aftur af okkur þegar
kemur að samkeppnishæfni.
Viðskiptaráð kynnti niðurstöður
úttektar IMD viðskiptaháskólans í
Sviss á samkeppnishæfni ríkja á
fundi í síðustu viku. Niðurstaða
úttektarinnar er sú að Ísland bætir
stöðu sína og færist upp um fimm
sæti, úr 21. sæti í 16 sæti. Fyrir um
áratug síðan raðaði Ísland sér í 26.
sæti og hefur því samkeppnisstaða
Íslands batnað hægt og bítandi.
„Við erum að standa okkur vel
á ýmsum sviðum. Við erum í 14.
sæti þegar kemur að skilvirkni hins
opinbera og 8. sæti hvað varðar skil-
virkni atvinnulífs. Síðan erum við
einnig í 8. sæti í f lokknum félags-
legir innviðir. En þegar kemur að
efnahagslegri frammistöðu erum
við í 56. sæti,“ segir Gunnar og bætir
við að það sé eini f lokkurinn sem
við bætum okkur ekki í á milli ára.
„Í samanburði við aðrar þjóðir
stöndum við okkur hvað lakast í
alþjóðaviðskiptum og alþjóðlegri
fjárfestingu. Þó við séum að bæta
okkur í þeim þáttum og alþjóða-
viðskipti til að mynda að aukast þá
erum við ekki að bæta okkur nóg í
samanburði við aðrar þjóðir.“
Ísland er eftirbátur Norður-
landanna hvað varðar samkeppn-
ishæfni en þau raða sér í efstu 10
sætin meðan við erum í því sex-
tánda. Að sögn Gunnars hefur
Ísland alla burði til að hífa sig upp
í topp tíu sætin. Ekki megi gleyma
því hversu mikilvæg samkeppnis-
hæfni er og því eigum við að setja
markið hátt. „Samkeppnishæfni
varðar alla og er í raun forsenda
bættra lífskjara. Við sjáum það í
samantekt IMD að samkeppnishæf
ríki búa frekar við meiri landsfram-
leiðslu, meiri félagslegar framfarir,
betri lífskjör og aukna hamingju.“
Úttekt IMD viðskiptaháskólans
á samkeppnishæfni er sú umfangs-
mesta í heiminum á þessu sviði en
63 ríki eru hluti af henni. Hún hefur
verið framkvæmd í rúm 30 ár og
Ísland verið hluti af henni frá 1997.
Gunnar segir að þó hægt sé að
vera ánægð með frammistöðu
Íslands ættum við að stefna hærra.
Við getum gert ýmislegt til að stuðla
að meiri samkeppnishæfni.
„Hér á landi er fyrirstaða fyrir
erlenda fjárfestingu og eigum við að
reyna að draga úr þeirri fyrirstöðu.
Þegar kemur að erlendu fjárfesting-
unni er mikilvægt að stækka hluta-
bréfamarkaðinn og dýpka hann.
Það er til dæmis hægt að gera með
því að gera einstaklingum sjálfum
kleift að ráðstafa viðbótarlífeyris-
sparnaði og innleiða skattalega
hvata til hlutabréfakaupa. Einnig
er ýmislegt sem aðilar á markaði
geta gert.“
Gunnar bætir við að Ísland standi
vel að vígi á nokkrum sviðum er
varða samkeppnishæfni. „Skil-
virkni atvinnulífsins hefur til að
mynda tekið miklum framförum.
Við erum í 1. sæti þegar kemur að
viðhorfi og gildismati bæði stjórn-
enda og þeirra sem starfa hjá fyrir-
tækjunum. Við erum framúrskar-
andi á þeim mælikvarða. Síðan
erum við í 2. sæti þegar kemur að
stjórnarháttum fyrirtækja sem er
mjög jákvætt. En í öllum þáttunum
er það vinnumarkaðurinn sem er
dragbítur skilvirkni atvinnulífs-
ins.“ ■
Efnahagsleg frammistaða heldur aftur af okkur
Gunnar Úlfars-
son, annar af
hagfræðingum
Viðskiptaráðs,
kynnti niður-
stöður úttektar
IMD viðskipta-
háskólans í Sviss
á fundi í síðustu
viku.
MYND/AÐSEND
Flokkun FTSE hafi
mikla þýðingu
Gunnar segir að það að
FTSE færi okkur upp í flokk
nýmarkaðsríkja hafi mikla
þýðingu fyrir okkar stöðu. „Í
máli Magnúsar Harðarsonar,
forstjóra Kauphallarinnar,
kom fram að ekki væri til
formlegt mat á hversu mikið
innflæði erlends fjármagns
kæmi í kjölfarið á þessum
flokkum í gegnum vísitölu-
sjóði sem miða sig við FTSE en
gróflegt mat sé að það sé um
50 milljarðar. Síðan mun þessi
flokkun að öllum líkindum
auka áhuga erlendra fjárfesta
á fjárfestingum hér á landi.“
Með Snjallákvörðun Creditinfo getur þú framkvæmt mat
á þínum viðskiptavinum á augabragði.
Stórar ákvarðanir með lítilli fyrirhöfn
Snjallákvörðun
magdalena@frettabladid.is
Í gær hófust viðskipti í Kauphöllinni
með hlutabréf í fjarskiptafyrirtæk-
inu Nova. Upphaflega var lagt upp
með að selja 37 prósenta hlut í fyrir-
tækinu en tekin var sú ákvörðun að
stækka útboðið og selja 45 prósenta
hlut í fyrirtækinu. Sú ákvörðun hefur
verið gagnrýnd í fjölmiðlum en um
þreföld eftirspurn var í tilboðsbók
A, sem stóð minni fjárfestum til
boða, en aðeins rúmlega einföld í
tilboðsbók B, sem ætluð er stærri
fjárfestum.
Margrét Tryggvadóttir, forstjóri
Nova, segir aðspurð það ekki hafa
verið mistök að stækka útboðið.
„Ég tel það ekki hafa verið mistök
að stækka útboðið. Við erum sérlega
ánægð með hve margir lífeyrissjóðir
og stofnanafjárfestar landsins tóku
þátt í útboði Nova klúbbsins hf. Í því
samhengi má þó ekki gleyma nýlegri
fjárfestingu frá stórum stofnanafjár-
festum í apríl síðastliðnum, þar með
talið sjóða á vegum Stefnis, Íslands-
sjóða og Landsbréfa, sem styrkti
hluthafalista félagsins verulega. Fjár-
festingin í apríl var umfangsmikil og
nam um 7 milljörðum að kaupvirði,
eða 1,5-faldri stærð áskriftarbókar B
í almenna útboðinu.”
Margrét bætir við að við úthlutun
í áskriftarbók B í almenna útboðinu
hafi verið tekið mið af hagsmunum
félagsins í því að styrkja hluthafahóp
sinn og því frekar teknir inn fleiri
stofnanafjárfestar heldur en færri á
hærra verði.
„Áhugi almennings á útboðinu
var mikill og að teknu tilliti til
stækkunar útboðsins fékk almenn-
ingur aðeins úthlutað um helmingi
þess sem óskað var eftir. Ljóst er að
starfsemi Nova klúbbsins hf. hefur
mikinn hljómgrunn meðal almenn-
ings sem er áhugasamur um að taka
þátt í vegferð félagsins til framtíðar
og vegna þessa var ákveðið að koma
til móts við þá eftirspurn og stækka
áskriftarbók A í útboðinu. Pt. Capital
fjárfesti fyrst í Nova árið 2016 og er
áfram stærsti einstaki hluthafi Nova
klúbbsins hf. eftir útboðið, í gegnum
eignarhaldsfélag sitt.“
Margrét segir Nova bjóða sterkan
og fjölbreyttan hóp hluthafa vel-
kominn að borðinu og stjórnendur
fyrirtækisins horfi björtum augum
til framtíðar.
Óhætt er að segja að markaðs-
aðstæður um þessar mundir séu
erfiðar. Hlutabréfavísitala Kaup-
hallarinnar hefur lækkað um 23,7
prósent frá áramótum og ljóst er að
Seðlabankinn mun ráðast í skarpar
vaxtahækkanir á komandi miss-
erum.
Aðspurð hvað henni finnist um að
skrá Nova á markað meðan mark-
aðsaðstæður séu jafn erfiðar og þær
eru nú, segir Margrét að þrátt fyrir
krefjandi aðstæður muni þau halda
sínu striki. „Ég myndi frekar velja
orðið krefjandi fremur en erfiðar.
Við höldum okkar striki og höldum
áfram að gera það sem við erum að
gera. Við munum hlúa vel að rekstr-
inum og síðan mun markaðurinn
bregðast við eins og hann bregst við.“
Í lok dags í gær stóð gengi félags-
ins í 4,63 en það er 9,39 prósenta
lækkun frá útboðsgengi félagsins
sem var 5,11 krónur. Heildarvelta
með bréf Nova í gær nam 616 millj-
ónum króna. ■
Segir það ekki hafa verið mistök að stækka útboðið
Margrét og Magnús Harðarson, forstjóri Kauphallarinnar, hringdu bjöllunni.
FRÉTTABLAÐIÐ/ANTON BRINK
8 Fréttir 22. júní 2022 MIÐVIKUDAGURFRÉTTABLAÐIÐMARKAÐURINN 22. júní 2022 MIÐVIKUDAGUR