Fréttablaðið - 22.06.2022, Blaðsíða 10

Þetta er mikil keðja af
viðskiptavinum og við
erum með mikið
tengslanet um allan
heim.
Það bar nokkuð á því í
fyrra að gestir héldu að
þeir gætu alls ekki
mætt án þess að hafa
bókað, en það er
auðvitað ekki þannig.
Arna Haraldsdóttir, markaðs-
stjóri Parka.
Ammóní-
ak er búið
til úr nitri
en nitur
er um 78
prósent af
andrúms-
loftinu.
ggunnars@frettabladid.is
Gestir tjaldsvæða hafa lagað sig að
breyttu greiðslufyrirkomulagi og
bókunum í kjölfar heimsfaraldurs.
Nær öll  fyrirtæki sem reka tjald-
svæði hafa tekið upp kerfi sem gerir
fólki kleift að tryggja sér pláss fyrir
fram og greiða fyrir þjónustuna í
gegnum app eða vefsíðu.
Parka er eitt þeirra fyrirtækja
sem rekur bókunar- og greiðslukerfi
fyrir tjaldsvæði.
Arna Haraldsdóttir, markaðs-
stjóri Parka, segir ferðahegðun fólks
á tjaldsvæðum landsins hafa tekið
stakkaskiptum síðustu ár. „Það er
gott að líta á þetta eins og hótelher-
bergi. Ef stæðið er laust þá getur þú
bókað, annars ekki. Kosturinn við
að hafa merkt stæði sem hægt er að
bóka er að þá vita gestir að hverju
þeir ganga og halda þá sínu plássi
þótt þeir skreppi frá.“
Viðtökurnar hafa almennt verið
góðar að sögn Örnu. „Það bar nokk-
uð á því í fyrra að gestir héldu að
þeir gætu alls ekki mætt án þess að
hafa bókað, en það er auðvitað ekki
þannig. Þetta er bara viðbótarþjón-
usta og nútímalegra fyrirkomulag.
En við sjáum strax af viðtökunum að
þetta er komið til að vera. Ég held að
þetta eigi eftir að bæta þjónustuna
til muna og gera fólki auðveldara
fyrir að skipuleggja ferðalögin.“ 
Parka Lausnir er íslenskt fyrir-
tæki og eru allar hugbúnaðarlausnir
félagsins smíðaðar frá grunni. Arna
segir mikil tækifæri fólgin í þróun
lausna fyrir bílastæði og ferðavagna.
„Það er alla vega okkar markmið að
halda áfram að þróa okkar lausnir
hér á landi en síðan sjáum við fyrir
okkur að bjóða þjónustuna víðar í
Evrópu. Þetta snýst allt um einfald-
leika og góða þjónustu. Það er sú
krafa sem við viljum svara,“ segir
Arna. ■
Gestir tjaldsvæða laga sig hratt að
breyttu greiðslufyrirkomulagi
Arna Haralds-
dóttir, markaðs-
stjóri Parka.
FRÉTTABLAÐIÐ/
VALLI
Meðstofnandi og stjórnar-
formaður nýsköpunarfyrir-
tækisins Atmonia segir að
umhverfismál skipti fjárfesta
og almenning sífellt meira
máli. Atmonia vinnur að því
að búa til ammóníak sem
notað er í áburð og eldsneyti
á umhverfisvænan og sjálf-
bæran hátt.
magdalena@frettabladid.is
Markmið nýsköpunarfyrirtækisins
Atmonia er að búa til ammóníak
sem búið er til úr nitri andrúms-
loftsins, en nitur er um 78 prósent
af andrúmsloftinu.
Ammóníakið er síðan notað til
að framleiða áburð sem seldur er til
bænda, eða eldsneyti, en brennsla
ammóníaks losar engar gróður-
húsalofttegundir. Fyrirtækið beitir
rafefnafræðilegum aðferðum sem
hægt er að nýta með til dæmis raf-
magni, sólarorku eða vindorku.
Með þessum hætti verður því
hægt að framleiða áburð nálægt
notendum og þarf því ekki að f lytja
áburðinn heimshorna á milli eins
og í dag.
„Við finnum það að umhverfis-
mál eru farin að skipta fjárfesta og
almenning meira máli en þau gerðu
hér áður. Í gegnum tíðina höfum
við bara fundið fyrir góðum við-
brögðum enda byggir aðferð okkar
á því að geta framleitt ammóníakið
við stofuhita og venjulegan loft-
þrýsting og losar sú aðferð engan
koltvísýring,“ segir Egill og bætir
við að sú aðferð sé virkilega sjálf-
bær, en aðferðin sem notuð sé í
dag þurfi ansi mikinn hita og loft-
þrýsting.
„Vandamálið við þá aðferð er að
vetnið sem notað er við aðferðina
er búið til úr jarðgasi sem losar
2 tonn af CO2 fyrir hvert tonn af
ammóníaki, eða um 1 prósent af
heildarlosun CO2 á heimsvísu. Í
okkar aðferð kemur vetnið úr vatni
en ekki jarðgasi, þannig að það er
mjög umhverfisvænt og sjálf bært.
Jarðgasið mun klárast á endanum
og er sífellt að verða dýrara, sem
endurspeglast í síhækkandi áburð-
arverði.“
Umhverfismál skipti fjárfesta sífellt meira máli
Egill Skúlason,
meðstofnandi
og stjórnarfor-
maður Atmonia,
segir að innan
3 ára stefni
fyrirtækið að
því að vera búið
að þróa tæknina
og tækin sem til
þarf.
FRÉTTABLAÐIÐ/
SIGTRYGGUR ARI
Atmonia var stofnað af þeim Agli
Skúlasyni, Helgu Dögg Flosadóttur
og Arnari Sveinbjörnssyni árið
2016. Að sögn Egils kviknaði hug-
myndin í kjölfarið á því að hann
var beðinn um að taka þátt í við-
skiptahraðlinum StartUp Energy
Reykjavík.
„Við stofnuðum fyrirtækið í
kjölfarið á þessum hraðli. Það var í
raun ekkert planað og þetta gerðist
allt mjög hratt.“
Egill segir að innan 3 ára stefni
fyrirtækið að því að vera búið að
þróa tæknina og tækin sem þarf til
að framkvæma þetta.
„Það eru rannsóknarhópar úti
um allan heim að reyna að þróa
þetta í dag, en við erum líka að
vinna í annarri aðferð sem snýst
um að breyta ammóníaki í nítrat,
sem er yfirleitt heppilegri áburður
til matvælaræktunar. Það er styttra
í að við getum framkvæmt það
heldur en hina aðferðina.“
Egill segir að þau séu byrjuð að
mynda tengsl við framleiðendur,
orkufyrirtæki og bændur til að
selja þeim afurðirnar þegar að
því kemur. „Þetta er mikil keðja af
viðskiptavinum og við erum með
mikið tengslanet um allan heim.“ ■
GÍRAR - FÆRIBÖND - RAFMÓTORAR - LEGUR
588 80 40
www.scanver.is
RAFMÓTORAR
10 Fréttir 22. júní 2022 MIÐVIKUDAGURFRÉTTABLAÐIÐMARKAÐURINN FRÉTTABLAÐIÐ 22. júní 2022 MIÐVIKUDAGUR