Skessuhorn - 11.08.2021, Blaðsíða 17

mIðVIkudAguR 11. ÁgúST 2021 17
Ég er oftast 2-3 vikur erlendis og
kem svo í tíu daga heim inn á milli
og sinni þá starfinu frá Íslandi. Co-
vid faraldurinn hefur þó gert okk-
ur erfitt fyrir. Oft og tíðum hefur
verið erfitt að ferðast á milli landa
vegna takmarkana og því hafa ferð-
irnar ekki verið jafn tíðar. Allt hef-
ur þetta þó á endanum tekist nokk-
uð vel og reksturinn er í góðum gír
þrátt fyrir allt saman. Þær eru ófáar
nefstungurnar sem ég hef farið í við
sýnatöku fyrir brottfarir til og frá
landinu og ég er öllu vanur í því,”
segir Sturlaugur og hlær.
Gerir út 45 skip
Eins og áður sagði er Norebo risa
sjávarútvegsfyrirtæki sem gerir út
45 skip frá Rússlandi. Heildarafli
á síðasta ári var um 715 þúsund
tonn og veltan rúmlega milljarð-
ur bandaríkjadala sem samsvarar
um 130 milljörðum króna. Starfs-
menn fyrirtækisins eru á fjórða þús-
und talsins. Flotinn samanstend-
ur af átta línuveiðiskipum, þrem-
ur ísfisktogurum og 34 frystitog-
urum. Skipin landa ýmist í murm-
ansk í norður Rússlandi eða Petro-
pavlovsk á austurströnd Rússlands.
Stundum er landað í flutningaskip
úti á rúmsjó og sigla þá skipin með
aflann beint til Hollands þar sem
vörunni er síðan dreift áfram.
„Á söluskrifstofunni okkar í
London starfa um 20 manns, en
vegna Covid starfa flestir heim-
an að frá sér sem stendur. meðal
starfsmanna fyrirtækisins í Lond-
on eru tveir aðrir Skagamenn; þeir
Andri geir Alexandersson, sem er
sölustjóri í Bretlandi, og magn-
ús kristjánsson sem er gæðastjóri
staðsettur í Hollandi. með magn-
úsi í Hollandi starfar einnig Stein-
dór Sverrisson en þeir tveir störf-
uðu með mér í gæðamálum frysti-
togaranna sem gerðir voru út frá
Akranesi í gamla daga og hafa því
verið mér samferða lengi og reynst
mér frábærir samstarfsmenn.“
Fish & chips í vexti
„Okkar stærsti markaður er í Bret-
landi og þar fer stærsti hlutinn
af þorskinum inn á Fish & chips
markaðinn og erum við stærst-
ir á þeim markaði. Nærri lætur að
fisk frá okkur sé að finna í fimmta
hverjum Fish & chips veitingastað
í Bretlandi. Stór hluti fer einnig til
stærstu verslanakeðjanna í Bretlandi
og Evrópu. En við seljum mest til
dreifingaraðilanna sem koma síð-
an vörunni til verslana og veitinga-
húsa. Varðandi Fish & chips mark-
aðinn þá hefur því verið spáð í ára-
tugi að hinar víðfrægu Fish & chips
verslanir væru að líða undir lok, en
svo merkilegt sem það er þá hefur
sá markaður verið að vaxa ef eitt-
hvað er. Það sem hefur gerst nú hin
síðari ár er að fiskverð er að hækka
vegna aukinnar eftirspurnar. Það
hefur gert það að verkum í Bret-
landi að það hefur ýtt út þessum
litlu Fish & chips sjoppum á horn-
inu eins og sagt er. En þess í stað
eru komnir fínni staðir þar sem lagt
er í útlit og vandað til verka þann-
ig að úr verður hágæða réttur og
skemmtileg upplifun. Þessir stað-
ir eru í vexti. Þessi réttur er sterkur
í bresku þjóðarsálinni og sem dæmi
eru um 10.500 Fish & chips staðir í
Bretlandi á móti um 1.300 mcdo-
nalds stöðum og 900 kFC stöðum.
Fish & chips er klárlega ekki á út-
leið og þykir í raun „trendí“ ef eitt-
hvað er.“
Pútín styður við upp-
byggingu í sjávarútvegi
Sturlaugur segir að í framtíðinni
muni verða breyting á fiskvinnsl-
unni. Sjávarútvegsfyrirtæki hafa
verið að láta vinna mikið fyrir sig
í kína, en nú stefna t.d. Rússar á
það að vinna aflann í auknum mæli
heima í Rússlandi. „Eftir að við-
skiptabann var sett á Rússland hef-
ur Pútín Rússlandsforseti lagt alla
áherslu á að að þjóðin sé sjálfri sér
næg með alla hluti. Hann hefur
hvatt til gríðarlegrar uppbyggingar
hjá sjávarútvegsfyrirtækjum í land-
inu. Pútín hefur tekið til hliðar allt
að 20% af fiskveiðikvótanum sem
er nú ætlaður þeim sem eru tilbúnir
að fjárfesta í nýjum verksmiðjum og
skipum. Þetta þýðir að nú er verið
að smíða 105 ný skip og 24 nýjar
verksmiðjur í Rússlandi. Norebo er
að fjárfesta fyrir um 100 milljarða
í þessu verkefni. Það verða byggð-
ir tíu nýir togarar, fjögur ný línu-
veiðiskip fyrir Norebo og auk þess
ný frystihús. Skaginn 3X kom að
uppbyggingu á hátæknifrystihúsi
okkar í murmansk sem tekið var í
notkun árið 2016.“
ÍA og QPR
Ekki er hægt að skilja við Sturlaug
Haraldsson án þess að minnast á
knattspyrnuferil hans með ÍA. Hann
var hluti af sigursælu liði Skaga-
manna á tíunda áratugnum. Var sex
sinnum Íslandsmeistari með liðinu,
bikarmeistari í þrígang og lék alls
40 leiki með unglingalandsliðum Ís-
lands. „Ég kom fyrst við sögu með
meistaraflokki ÍA árið 1991 þegar ég
var að koma inn á sem varamaður þá
í 1. deildinni,“ sagði Sturlaugur. „Ég
ákvað að leika minn síðasta leik með
liðinu árið 2001 þegar við tryggð-
um okkur Íslandsmeistaratilinn með
jafntefli gegn ÍBV úti í Eyjum í eft-
irminnilegum leik. mér fannst rétt
tímasetning að enda ferilinn á Ís-
landsmeistaratitli. Ég var þó dreg
inn aðeins inn í liðið árið eftir og lék
einhverja 5-6 leiki með liðinu þegar
meiðslavandræði herjuðu á. Ég var
búinn að vera að glíma við meiðsli
um nokkurn tíma þegar ég ákvað að
hætta, var í rauninni nokkuð ung-
ur eða 28 ára gamall. Ég hefði helst
viljað spila lengur en það er ekki á
allt kosið í þessu.“
Sturlaugur hefur alltaf verið mik-
ill áhugamaður um knattspyrnu og
er enska knattspyrnan þar ekki und-
anskilin. „Að vera búsettur á Eng-
landi þá gefur augaleið fyrir áhuga-
mann um boltann að þú hlýtur að
laðast að knattspyrnunni þar. Á
yngri árum og fram eftir aldri var
manchester united mitt lið. Ég er
alltaf með veikan blett fyrir manc-
hester enda stundaði ég þar nám í
nokkur ár. En á árum fjölskyldunnar
í London fórum við að fara á leiki
með QPR enda frekar stutt að fara
frá heimilinu okkar, þetta varð okk-
ar lið. Við féllum alveg fyrir liðinu
og stemningunni þar. Loftus Road,
heimavöllur félagsins, er frekar lítill
völlur en svona ekta breskur. Þú ert
alveg ofan í vellinum og færð stemn-
inguna beint í æð. Við erum nú öll
grjótharðir stuðningsmenn liðsins,
ekki síst strákarnir mínir, Harald-
ur og Ísleifur,” segir Sturlaugur að
endingu.
se/ Ljósm. úr einkasafni.
Hér er fjölskyldan að gæða sér á Fish & Chips í Bretlandi. Hekla, Rannveig Katrín,
Þórunn Anna, Haraldur og Ísleifur. Á myndina vantar elstu dótturina Ernu Guð-
rúnu.
Synirnir Ísleifur og Haraldur að fagna sigri QPR að leik loknum á Loftus Road. Þeir eru harðir stuðningsmenn QPR.
Sturlaugur að útskrifast frá Manchester University þar sem hann stundaði
mastersnám.
„Hérna hef ég í sakleysi mínu knésett einhvern Eyjamann. Þetta var í undanúr-
slitaleik bikarsins 1999, leikur sem við unnum 3:0.“
Úr leik ÍA gegn Feyenoord á Laugardalsvelli 1993. „Þarna mætti ég vini mínum
Arnari Gunnlaugssyni sem einnig er á myndinni. Við erum jafnaldrar og
ólumst upp saman í gegnum yngri flokka ÍA. Skemmtilegt að mæta honum í
Evrópukeppni. Það féll í minn hlut að kljást við hann á kantinum meira og minna
allan leikinn.“
Ísleifur, Hekla, Haraldur, Rannveig Katrín og Þórunn í ísferð.