Skessuhorn - 03.11.2021, Blaðsíða 35

MIÐVIKUDAGUR 3. NÓVEMBER 2021
Síðastliðinn laugardag bauð
sóknarnefnd Reykholtskirkju,
Snorrastofa og Reykholtskórinn til
dagskrár í Reykholtskirkju. Tilefnið
var að heiðra séra Geir Waage fráfar-
andi sóknarprest og eiginkonu hans
frú Dagnýju Emilsdóttur. Þorvald-
ur Jónsson, formaður sóknarnefnd-
ar, setti dagskrána en þá flutti Óskar
Guðmundsson fyrirlesturinn „Snorri
Sturluson og Reykholt – miðstöð
menningar og valda.“ Að lokum
flutti Björn Bjarnason, stjórnarfor-
maður Snorrastofu, ávarp. Á milli
atriða flutti Reykholtskórinn nokk-
ur lög, en í kjölfarið bauð Reykholts-
sókn upp á veitingar í safnaðarsaln-
um. Þar gafst gestum kostur á að
ávarpa séra Geir og frú Dagnýju og
þakka þeim fyrir 42 ára starf í Reyk-
holti. Meðfylgjandi mynd tók Anna
Hallgrímsdóttir í lok samkomu af
Geir, Dagnýju og fjölskyldu þeirra
ásamt þeim sem stóðu fyrir samkom-
unni. mm
Sýningin Samtal menningar og
náttúru hófst um helgina á Sól-
mundarhöfða á Akranesi en sýn-
ingin er hluti af lista- og menn-
ingarhátíðinni Vökudögum. Lista-
konurnar og vinkonurnar Borghild-
ur Jósúadóttir, Bryndís Siemsen,
Eygló Gunnarsdóttir og Steinunn
Guðmundsdóttir standa að sýn-
ingunni undir handleiðslu Hel-
enu Guttormsdóttur. Tilgangur-
inn með sýningunni er að varpa
ljósi á mikilvægi svæðisins með því
að opna Árnahús ákveðna daga og
vera með sýningu á mandölum úr
náttúrulegum efnivið úr umhverf-
inu og textíl- og myndlistarverkum
er myndu á einhvern hátt tengjast
svæðinu. Miklar menningarminjar
eru á svæðinu og mikill líffræðileg-
ur fjölbreytileiki í plöntu- og dýra-
lífi. Það er von listakvennanna að
sýningin veki athygli á mikilvægi
og sérstöðu svæðis sem lætur lítið
yfir sér.
Að sögn Borghildar felst nýsköp-
un verkefnisins í samþættingu list-
greina, náttúru og menningararfs
á Sólmundarhöfða, stað sem hefur
litla athygli í dag en býr yfir mikl-
um menningar- og söguverðmæt-
um fyrir Akranes. „Upphaflega ætl-
uðum við að nýta Árnahúsið og hafa
sýninguna sumarið 2020 en urðum
að fresta því vegna Covid. Í haust
kom svo í ljós að vatn hafði lekið
inn í húsið og það er nánast ónýtt.
Sá möguleiki var því úr sögunni.
Við ákváðum því að setja sýninguna
upp utandyra og áttum yndislegan
dag með gestum við opnunina um
helgina í þessu dásamlegu veðri.“
Áður hafa þær vinkonur haldið
fjórar sýningar á Vökudögum með
nemendum Grundaskóla. 2013
héldu þær sýninguna Akrafjall -
sóknarfæri til sköpunar, 2014 Lít-
um okkur nær - Sementsverksmiðja
og Breiðin, 2015 var það sýningin
Þar sem maður hittir mann og að
lokum Umbreyting - Eitthvað
verður annað sem haldin var 2017.
„Fyrsta sýningin var í Akrasporti
sem hafði ekki verið nýtt til sýn-
ingarhalds áður en var síðan nýtt
fyrir sýningar á eftir okkur, næsta
sýning var í gömlu tilraunastofunni
í Sementsverksmiðjunn og eftir það
var það húsnæði nýtt fyrir nokkra
listamenn, þriðja sýningin var í nú-
verandi Grjóti. Við þrifum, máluð-
um og gerðum húsnæðið huggu-
legt sem var síðan selt og þar hafa
verið margar sýningar. Síðasta sýn-
ing okkar með nemendum var svo í
gamla matasalnum í Sementsverk-
smiðjunni. Það má því setja að með
þessu sýningarhaldi höfum við haft
áhrif út í samfélagið,“ segir Borg-
hildur.
Að sögn Borghildar hafa vin-
konurnar verið að kynnast svæð-
inu á Sólmundarhöfða í gegn-
um þetta verkefni og eru heillað-
ar. „Mitt verk heitir Náttúrulegar
mandölur úr gróðri sem finnst á
svæðinu, Eygló litaði band úr jurt-
um á svæðinu sem hún nýtti í hand-
verk, prjón, hekl, vattarsaum og
fleira, hennar verk heitir Litbrigði
náttúrunnar. Bryndís heillaðist af
ryðinu í byggingunum og henn-
ar verk heitir Fegurðin í ljótleik-
anum. Að lokum er Steinunn sem
er með blandaða tækni, en nýtir
ljósmyndir af gamla Árnahúsinu,
hennar verk heitir Skjáir fortíðar.
„Þetta er forvitnilegt verkefni og
við erum bæði stoltar og ánægðar
með okkar framlag og höfum feng-
ið mikið út úr því að vinna þessi
verk og kynnast svæðinu á Sól-
mundarhöfða. Gestir og gangandi
sýndu mandölunum mikinn áhuga
á meðan að ég var að búa þær til.
Þær voru allar unnar á svæðinu.
Við Steinunn erum líka með
sýningu í Tónlistarskólanum sem
ber heitið Zentangle-teikniaðferð.
Þetta er um margt mjög merkileg
aðferð en Zentangle hugtakið var
búið til af amerískum hjónum Rick
og Maria. Við höfum báðar notað
þessa teikniaðferð í kennslu.“ sagði
Borghildur að lokum.
Sýningin Samtal menningar og
náttúru stendur yfir alla Vökudag-
ana, til 7. nóvember nk.
frg / Ljósm. aðsendar.
Heiðurssamkoma fyrir séra
Geir og frú Dagnýju
Sýningin Samtal menningar og
náttúru hófst um helgina
Hluti verkanna á sýningunni Samtal
menningar og náttúru.
Lista- og vinkonurnar Eygló Gunnarsdóttir, Borghildur Jósúadóttir, Bryndís Siem-
sen og Steinunn Guðmundsdóttir.
OPNUNARTÍMI
ALLA VIRKA DAGA 13-18
HELGAR 11-15
Hafþór Blær
Hafþór Blær
HANDKLÆÐI MEÐ NAFNI
3.790,- 2.990,-
SPORTPOKI MEÐ MERKINGU
SMIÐJUVÖLLUM 32 •AKRANESI
WWW.DOTARI .IS•WWW.SMAPRENT.IS
SmáprentSmáprent
STÆRÐ: 70 X 140 CM STÆRÐ: 29 X 26 CM
JÓLASOKKUR MEÐ NAFNI
ÍSLENSK HÖNNUN
4.490,-
Smáprent