Skessuhorn - 03.11.2021, Blaðsíða 39

MIÐVIKUDAGUR 3. NÓVEMBER 2021 39
Skallagrímur tók á móti Njarð-
vík í Subway deild kvenna í
körfuknattleik í Fjósinu í Borg-
arnesi á miðvikudaginn í liðinni
viku. Skallagrímur komst yfir 4:2
í byrjun leiks en eftir fjórðu mín-
útu skoruðu þær ekki stig og staðan
eftir fyrsta leikhluta 6:18 gestunum
í vil. Vandræði Skallagríms héldu
áfram í öðrum leikhluta, þær hittu
nánast ekki neitt á meðan Njarð-
víkurkonur skoruðu að vild. Staðan
í hálfleik 15:44 og ljóst að topplið
Njarðvíkinga var aðeins of stór biti
fyrir Skallagrímskonur.
Í þriðja leikhluta komu fyrstu
stig Skallagríms ekki fyrr en á átt-
undu mínútu þegar Victoría Lind
Kolbrúnardóttir hitti úr tveimur
vítaskotum og yfirburðir gestanna
ótrúlegir, staðan 20:75 fyrir síðasta
leikhlutann og aðeins spurning hve
sigurinn yrði stór. Leikurinn var þó
á jafnræðisnótunum í fjórða leik-
hluta þar sem liðin skoruðu jafn-
mörg stig eða ellefu hvort lið en
stórsigur Njarðvíkinga í höfn, loka-
tölur 31:86 fyrir Njarðvíkurkonur.
Stigahæstar hjá Skallagrími voru
þær Nikola Nedorosíková með 11
stig, Inga Rósa Jónsdóttir með 7
stig og Victoría Lind með 6 stig.
Hjá Njarðvík voru þær Lavína
De Silva með 16 stig, Kamilla Sól
Viktorsdóttir með 11 stig og Aliyah
Collier með 11 stig.
Létu þjálfarann fara
Eftir leikinn tilkynnti stjórn
körfuknattleiksdeildar Skallagríms
að deildin hafi komist að samkomu-
lagi við þjálfara liðsins, Goran
Miljevic að hann léti af störfum
og þakkaði honum fyrir gott sam-
starf og sitt framlag til Skallagríms.
Í millitíðinni mun aðstoðarþjálf-
arinn, Nebojsa Knezevic, sjá um
þjálfun liðsins en hann er einnig
leikmaður karlaliðs Skallagríms.
Skallagrímur hefur tapað öllum sex
leikjum sínum í Subway deildinni í
vetur en næsti leikur liðsins er gegn
Grindavík í kvöld, miðvikudag, í
HS Orkuhöllinni í Grindavík og
hefst klukkan 19.15. vaks
Landsátakið „Syndum“ hófst á
mánudaginn en átakið er á vegum
Íþrótta- og Ólympíusambands Ís-
lands og Sundsambands Íslands og
stendur til 28. nóvember. Syndum
er hvatningarátak þar sem lands-
menn allir eru hvattir til að synda,
óháð aldri, bakgrunni eða líkam-
legu ástandi. „Sund er tilvalin
þjálfunaraðferð þar sem sund
styrkir hjarta- og æðakerfið, lungu
og vöðva líkamans. Sund er frábær
hreyfing bæði til þess að hlúa að
heilsunni og sem skemmtileg tóm-
stundaiðja,“ segir tilkynningu um
átakið. Allir geta tekið þátt með
því að skrá sig á syndum.is en þeir
sem hafa tekið þátt í Lífshlaup-
inu eða Hjólað í vinnuna geta not-
að sama notendanafn. Fólk skráir
niður þá vegalengd sem það synd-
ir og á forsíðu syndum.is verður
hægt að sjá hversu marga hringi
í kringum Ísland landsmenn hafa
synt.
arg
Skagamenn gerðu sér langa ferð
til Egilsstaða á föstudagskvöldið
og léku gegn liði Hattar í 1. deild
karla í körfuknattleik. Fyrir leik-
inn var Höttur eina liðið í deildinni
sem var taplaust en Skagamenn
tapað öllum fimm leikjum sínum.
Heimamenn tóku fljótt forystuna í
leiknum og staðan eftir fyrsta leik-
hluta 29:13 Hetti í vil. Skagamenn
komu þó til baka í öðrum leik-
hluta og minnkuðu muninn í fimm
stig þegar þrjár mínútur voru eft-
ir. En þá skelltu Hattarmenn í lás
og skoruðu síðustu tólf stigin í leik-
hlutanum og hálfleiksstaðan 57:40.
Í þriðja leikhlutanum héldu
heimamönnum engin bönd, Höttur
skoraði fyrstu tólf stigin og gerði út
um leikinn. Forysta Hattarmanna
var orðin 32 stig þegar fjórði leik-
hluti hófst, 85:53 og aðeins spurn-
ing hve sigurinn yrði stór. Höttur
hélt yfirhöndinni út leikinn, steig
ekki af bensíngjöfinni og vann að
lokum stórsigur, 114:74.
Stigahæstir hjá Skagamönn-
um voru þeir Nestor Saa með 27
stig, Cristopher Clover var með
22 stig og 13 fráköst og Aron Elvar
Dagsson með 6 stig. Hjá Hetti
var Timothy Guers með 25 stig,
Arturo Rodriguez með 17 stig og
David Ramos með 16 stig.
Næsti leikur Skagamanna í
deildinni er gegn Skallagrími næsta
föstudag og fer Vesturlandsslagur-
inn fram á Akranesi og hefst klukk-
an 20.30. vaks
Skallagrímkonur sóttu ekki gull
í greipar Njarðvíkur í VÍS bikar
kvenna í körfuknattleik í Fjósinu í
Borgarnesi á laugardaginn. Gestirn-
ir höfðu mikla yfirburði í leikn-
um, staðan eftir fyrsta leikhluta var
11:24 og í hálfleik var munurinn
orðinn 20 stig, 22:42.
Í þriðja leikhluta skoruðu
Skallagrímskonur aðeins fjögur stig
gegn 25 stigum gestanna og staðan
orðin 26:67. Í fjórða leikhlutanum
var stigaskorið hins vegar svipað hjá
liðunum og lokastaða leiksins 44:87.
Það er því ljóst að Skallagrímur hef-
ur lokið leik í bikarnum þennan vet-
urinn.
Stigahæstar hjá Skallagrími voru
þær Nikola Nedorosíková með 11
stig, Maja Michalska með 10 stig og
Embla Kristínardóttir með 9 stig.
Hjá Njarðvík var Diane Oumou
með 26 stig, Aliyah Collier með 18
stig og Lavína De Silva með 15 stig.
Á föstudaginn var kynntur til
leiks nýr þjálfari Skallagríms, Ne-
bojsa Knezevic, sem áður var að-
stoðarþjálfari liðsins og á mánu-
daginn var sagt frá því að samið
hafi verið við bandaríska leikmann-
inn Breana Bay um að leika með
Skallagrími í Subway deildinni í
vetur. Breana er 26 ára framherji
sem hefur leikið síðustu ár í Bret-
landi, á Ítalíu og síðast í Albaníu.
vaks
Snæfell lék gegn liði KR í 16-
liða úrslitum VÍS bikars kvenna
í körfuknattleik í Stykkishólmi
á sunnudaginn og náði sigri í
hörkuleik, 79-73. Snæfell náði góð-
um kafla um rúman miðjan fyrsta
leikhluta, komst í 20:9 en KR náði
aðeins að minnka muninn og stað-
an 24:16 við flautið. Snæfell náði
að halda þessu forskoti allan annan
leikhlutann og staðan 42:36 í hálf-
leik.
KR náði síðan að jafna fljótlega
í þriðja leikhluta og munurinn að-
eins eitt stig fyrir síðasta hluta
leiksins, 55:54. Þar var jafnt nán-
ast á öllum tölum og mikil spenna
í leiknum. KR minnkaði muninn í
þrjú stig þegar tíu sekúndur voru
eftir af leiknum en Snæfell setti
niður síðustu fjögur stigin af víta-
línunni og tryggði sér sætan sex
stiga sigur, 79:73.
Stigahæstar hjá Snæfelli voru
þær Sianni Martin og Rebekka
Rán Karlsdóttir með 20 stig hvor
og Gunnhildur Gunnarsdóttir var
með 18 stig og 14 fráköst. Hjá KR
var Angelique Robinson með 27
stig, Fanney Ragnarsdóttir með 14
stig og Hulda Ósk Bergsteinsdóttir
með 13 stig.
Dregið var í hádeginu í gær í
8-liða úrslitin og fékk Snæfell úti-
leik gegn Stjörnunni sem leikur í
1. deildinni eins og Snæfell. Aðr-
ir leikir eru ÍR-Haukar, Njarðvík-
-Fjölnir og Breiðablik-Hamar/Þór.
Leikirnir fara fram dagana 11.-13.
desember. vaks
SK
ES
SU
H
O
R
N
2
02
1
Auglýsing um nýtt
deiliskipulag á Akranesi
Tillaga að deiliskipulagi 3C og 5 áfanga Skógahverfis
Bæjarstjórn Akraness samþykkti þann 24. ágúst 2021 að auglýsa tillögur
að deiliskipulagi áfanga 3C og 5. áfanga Skógahverfis skv. 1. mgr. 41.
gr. skipulagslaga nr. 123/2010. Skógahverfi 3C og 5 afmarkast í suðri af
skipulagsáföngum 1 og 3A , í vestri af Þjóðbraut, af skógræktarsvæðum
í Garðaflóa til norðurs og af Garðalundi og golfvelli til austurs.
Deiliskipulag áfanga 3C nær yfir 11,7 ha. svæði. Þar er gert ráð fyrir
tiltölulega þéttri blandaðri byggð einbýlishúsa, raðhúsa og fjölbýlishúsa
á einni til tveimur hæðum, 256 íbúðum að lágmarki. Gert er ráð fyrir
opnu útivistarsvæði með lækjarfarvegi sem verður hluti blágrænna
ofanvatnslausna og nýtist sem útivistasvæði.
Deiliskipulag áfanga 5 nær yfir 10,3 ha. svæði. Þar er gert ráð fyrir
tiltölulega þéttri blandaðri byggð einbýlishúsa, raðhúsa og fjölbýlishúsa
á einni til tveimur hæðum ásamt fjölbýli á þremur til fimm hæðum, alls
290-345 íbúðum. Gert er ráð fyrir útivistarsvæði í miðju hverfisins, sem
mögulega verður nýtt fyrir blágrænar ofanvatnslausnir.
Gerðar voru óverulegar breytingar á afmörkun deiliskipulagssvæða
Garðalundar – Lækjarbotna og 4. áfanga Skógahverfis auk óverulegrar
breytingar á afmörkun landnotkunarreita í Aðalskipulagi Akraness
2005-2017 til samræmis við deiliskipulagstillögurnar.
Tillögurnar liggja frammi til kynningar í þjónustuveri kaupstaðarins
að Dalbraut 4, Akranesi, og á heimasíðu Akraneskaupstaðar www.
akranes.is frá og með
4. nóvember til 23. desember 2021.
Þeim sem telja sig eiga hagsmuna að gæta er hér með gefinn kostur á
að gera athugasemdir við tillögurnar til 23. desember næstkomandi.
Skila skal athugasemdum í þjónustuver Akraneskaupstaðar að
Dalbraut 4 eða í tölvupósti á skipulag@akranes.is.
Skipulagsfulltrúi Akraneskaupstaðar
Landsátak í sundi stendur nú yfir
Maja Michalska var með 10 stig gegn
Njarðvík. Ljósm. glh
Skallagrímur tapaði stórt gegn
Njarðvík í VÍS bikarnum
Nestor Saa var atkvæðamestur gegn
Hetti með 27 stig. Ljósm. jho
Skagamenn töpuðu stórt gegn Hetti
Nikola Nedororíková var með 11 stig í
leiknum gegn Njarðvík. Ljósm. glh
Enn eitt tap Skallagríms og þjálfarinn farinn
Snæfell fagnaði sigri í VÍS bikarnum gegn KR. Ljósm. sá
Snæfell mætir Stjörnunni
í 8-liða úrslitum