Skessuhorn - 01.12.2021, Qupperneq 16

MIÐVIKUDAGUR 1. DESEMBER 202116
Hörður Jónsson hefur starfað
hjá Heilbrigðisstofnun Vestur-
lands, HVE, í um þrjú ár og lík-
ar vel. Hans starf er að aka með
ýmsar vörur frá HVE á Akranesi
til hinna ýmsu starfsstöðva HVE
á Vestur- og Norðvesturlandi auk
þess að taka til baka sýni og annað
sem komast þarf á Akranes. Hann
fer fjórum sinnum í viku í þessar
ferðir. Á mánudögum og fimmtu-
dögum fer hann á Hvammstanga
og í Búðardal og á þriðjudögum og
föstudögum fer hann hringinn um
Snæfellsnes. Blaðamaður Skessu-
horns fékk að taka rúntinn með
Herði fimmtudaginn 25. nóvem-
ber.
Hörður hefur starfað við ým-
islegt í gegnum tíðina. Hann var
lengi á sjó á ýmsum skipum, með-
al annars á Haraldi Böðvarssyni og
Bjarna Ólafssyni. Hann starfaði í
nokkur ár fyrir Kristján Loftsson í
Hvalstöðinni í Hvalfirði, vann við
smíðar auk þess sem hann vann í
nokkur ár hjá Blikksmiðju Guð-
mundar á Akranesi. Kona Harðar
er Valdís Heiðarsdóttir, hjúkrunar-
fræðingur og deildarstjóri á HVE
á Akranesi. Saman eiga þau tvo
stráka, Jökul og Patrek, auk þess
sem Valdís átti Óla Heiðar fyrir.
Dagurinn byrjaði með því að
ferma bílinn á HVE á Akranesi.
Að því loknu var haldið af stað og
fyrsta stopp var Borgarnes. Þar
skilaði Hörður af sér ýmsum vör-
um. Næsta stopp var Dalsmynni í
Norðurárdal en þar beið Sigríður
Kristín Árnadóttir sjúkraliði í bíl
frá Búðardal. Bóluefni gegn Covid
var flutt á milli bíla en efnið átti að
nota í Búðardal auk þess sem bíll
frá Hólmavík sótti hluta af bólu-
efninu í Búðardal.
Nú var haldið sem leið lá norð-
ur yfir Holtavörðuheiði og á
Hvammstanga. Færðin var sæmi-
leg en þó nokkur hálka á heiðinni.
Við ókum á eftir snjóruðnings-
bílnum hluta leiðarinnar þannig
að skaplegt var að keyra. Snjó-
ruðningsmaðurinn Arnar Eirík-
ur Gunnarsson á Bálkastöðum
í Hrútafirði heldur úti frábærri
þjónustu á Facebook undir nafninu
„Addi ehf Holtavörðuheiði“ þar
sem hann birtir myndskeið af snjó-
mokstrinum á Holtavörðuheiðinni
með hugleiðingum um veðrið og
færðina. Sagðist Hörður oft kíkja á
myndskeiðin hjá Adda þegar veður
eru válynd og halda skal yfir Holta-
vörðuheiðina.
Þegar niður í Hrútafjörð var
komið var rennifæri og auður veg-
ur. Á Hvammstanga beið starfs-
fólk og bæjarbúar spenntir eftir
bóluefninu og var fegið að fá það
í hús. Færðin hafði tafið för okkar
eilítið enda má lítið út af bera því
akstursprógrammið er nokkuð stíft.
Hún Aldís Olga Jóhannesdóttir tók
við bóluefninu kampakát. Næst var
að aka til baka inn að botni Hrúta-
fjarðar og út fjörðinn að vegin-
um yfir Laxárdalsheiði. Færðin
yfir heiðina var frekar þung, veg-
urinn aðeins þjónustaður tvisvar
í viku, á mánudögum og föstu-
dögum og mátti sjá þess greinileg
merki. Hörður sagði frá því að oft
væru skaflar á veginum, sérstaklega
á brúm sem Hörður sagði að væru
miklar snjóakistur. Hefur Hörður
komið að ferðamönnum föstum í
snjó eða fyrir utan veg.
Syðri eða vestari hluti vegarins
yfir Laxárdalsheiði er mun skárri en
sá nyrðri enda malbikaður og loks-
ins hægt að keyra á skikkanlegum
hraða. Þegar komið var í Búðardal
var mikið fjör á heilsugæslunni og
margir bílar fyrir utan enda verið
að bólusetja með efninu sem skipti
um hendur við Dalsmynni fyrr um
morguninn. Í Búðardal tók Hörð-
ur við sýnum auk þess sem poki
af sóttmenguðum úrgangi fékk að
fljóta með. Þar var það hún Sigríð-
ur Kristín, sjúkraliði, sem kvittaði
fyrir viðskiptin við Hörð.
Síðasti viðkomustaðurinn á þess-
um rúnti okkar var Borgarnes í
annað sinn. Færðin yfir Holta-
vörðuheiði var nokkuð þung og
mikið slabb á veginum. Hörður er
hins vegar orðinn öllu vanur og lét
smá slabb ekki slá sig út af laginu.
Í Borgarnesi tók Hörður við sýn-
um og fleiru. Við komum síðan aft-
ur á Akranes þegar klukkan var að
ganga tvö eftir hádegið. Restina af
deginum notaði Hörður til að gera
bílinn kláran fyrir næsta dag, fylla
tankinn af olíu og þrífa bílinn enda
búinn að keyra í slabbi og forugum
vegi eina 400 kílómetra. frg
Sigríður Kristín kvittaði fyrir viðskiptin við Hörð í Búðardal. Dala-
menn fjölmenntu í bólusetningu eins og sjá mátti á bílafjöldanum.
Keyrir út vörur til starfsstöðva Heilbrigðisstofnunar Vesturlands
Yfir fjallvegi farið hvernig sem færðin er
Hörður Jónsson, bílstjóri hjá HVE, búinn að „tanka,“ þrífa bílinn og gera hann kláran fyrir morgundaginn.
Hörður tekur við bóluefni af Þór Oddssyni, lyfjafræðingi á HVE. Fyrsta stopp Harðar þennan daginn var í Borgarnesi.
Í Dalsmynni tók Sigríður Kristín Árnadóttir sjúkraliði við vörum fyrir Búðardal og
Hólmavík.
Stoppað á Hvammstanga.
Aldís Olga Jóhannesdóttir tók við vörum á Hvammstanga. Í Búðardal voru sótt sýni og fleira.