Skessuhorn - 12.04.2022, Blaðsíða 15

ÞRIÐJUDAGUR 12. APRÍL 2022 15
Fréttaveita Vesturlands
www.skessuhorn.is
Menningarsjóður Borgarbyggðar auglýsir eftir umsóknum.
Tilgangur sjóðsins er að efla menningu í Borgarbyggð
og er sérstök rækt lögð við grasrót í menningarlífi. Lögð
er áhersla á að styrkja einstaklinga og félagasamtök í
Borgarbyggð.
Umsókninni þarf að fylgja sundurliðuð kostnaðaráætlun
fyrir verkefnið ásamt greinargerð.
Styrkþegar frá fyrri útlutun eru minntir á að skila inn skýrslu
um framgang og lok verkefnis fyrir næstu styrkveitingu.
Skýrsluskil eru skilyrði fyrir styrkveitingu til nýrra verkefna.
Umsækjendur eru hvattir til að kynna sér reglur sjóðsins
áður en umsókn er lögð inn.
Sótt er um rafrænt í gegnum þjónustugáttina inn á
borgarbyggd.is.
Umsóknarfrestur er til og með 24. apríl 2022.
Nánari upplýsingar veitir María Neves,
maria.neves@borgarbyggd.is eða í síma 433-7100.
MENNINGARSJÓÐUR BORGARBYGGÐAR
Snorrastofa, menningar- og miðaldasetur
í Reykholti
Sími 433 8000
www.snorrastofa.is
snorrastofa@snorrastofa.is
Snorrastofa í Reykholti
Fyrirlestrar í héraði
Þriðjudagurinn 19. apríl 2022
kl. 20 í Bókhlöðu Snorrastofu
Í fyrirlestri sínum mun Hannes
setja fram túlkun sína á
Snorra sem stjórnmálamanni,
sem hann telur frumkvöðul
frjálslyndrar íhaldsstefnu.
Aðgangur ókeypis
Verið velkomin
Stjórnspeki
Snorra Sturlusonar
Hannes H. Gissurarson, prófessor í stjórnmálafræði við Háskóla Íslands
Tónlistarmaðurinn Svavar Viðars-
son gaf síðasta föstudag út lagið
Stjörnur á Spotify en sama dag
varð hann fimmtugur og því tvöfalt
tilefni til þess að fagna þennan dag.
Lagið Stjörnur er eftir Svavar en
textinn eftir Ragnar Z. Guðjóns-
son. Lagið syngja þau Bjarni Ómar
Haraldsson og Skagakonan Rakel
Pálsdóttir. Síðla sumars kemur
síðan út EP plata með sjö lögum
sem öll eru eftir Svavar en texta-
smíðinni deilir hann með þremur
öðrum. Upptökum á plötunni er
nýlokið en þær hófust í lok desem-
ber. Upptökustjóri var Vignir Snær
Vigfússon gítarleikari Írafárs og
kom hann einnig að útsetningum á
lögunum.
Þegar blaðamaður Skessuhorns
heyrði í Svavari var hann á leið í
bústað til að fagna tímamótun-
um með fjölskyldu og vinum um
helgina. Svavar segir að þeir sem
spili með honum á plötunni séu úr
hljómsveitinni Nostal sem hann
hefur verið meðlimur í um átta ár.
Hana skipa auk Svavars, sem leik-
ur á bassa, Bjarni Ómar sem syngur
öll lögin á plötunni, Ragnar Z. spil-
ar á trommur, Baldur Þór Ketilsson
á gítar, Jón Karl Ólafsson á hljóm-
borð og píanó og Þröstur Leósson
á gítar. Svavar, Bjarni og Ragnar Z.
tengjast að norðan og hafa verið
saman í tónlistinni í yfir þrjátíu ár,
Þröstur er frá Ólafsvík, Baldur Þór
mágur Svavars er frá Akranesi og
Jón Karl frá Reykjavík. Þá spilar
Matthías Stefánsson á fiðlu á plöt-
unni, Sigurður Bjarki Gunnarsson
spilar á selló og þá spilar Vignir
Snær einnig í nokkrum lögum.
Með annan fótinn
á Akranesi
Svavar er fæddur á Akranesi, alinn
upp á Laugum í Reykjadal en flutti
til baka á Akranes árið 1993 og bjó
þar til ársins 2001. Foreldrar hans
eru Skagamennirnir Viðar Bjarna-
son og Guðrún Jóna Svavarsdóttir
og á hann eina alsystur, Ásu Birnu
Viðarsdóttur. Þá á hann tvö hálf-
systkini móðurmegin, þau Málm-
fríði og Jón Þór Sigurðarbörn og
þrjá hálfbræður föðurmegin, þá
Almar, Viðar og Bjarka Viðarssyni.
Svavar hefur í gegnum tíðina alltaf
verið með annan fótinn á Akranesi
enda stór hluti af fjölskyldu hans
búsettur þar.
Spurður hvort eigi að fylgja plöt-
unni eftir segir Svavar að hann
reikni með að útgáfutónleikarn-
ir verði í Reykjavík í lok sumars en
líklegast komi platan út í lok júlí,
rétt fyrir verslunarmannahelgina.
Öll lögin séu tilbúin en þetta snúist
um að finna hárrétta tímann. Ekki
er enn komið nafn á plötuna en
Svavar býst við að hún muni heita
Enginn lengur veit sem er eitt af
lögum plötunnar. Tónlistinni á
plötunni lýsir hann sem fullorðins-
poppi, einhvers konar mjúku popp-
rokki.
Fékk blóðtappa
í heilann
En hvað segir Svavar, er þetta búið
að vera gamall draumur að gefa
loksins út plötu? „Ég gaf út lagið
Beisk tár árið 2020 og Komdu nær
árið eftir. Svo í fyrra lenti ég í því
að fá blóðtappa í heilann. Ég hef
alltaf verið mjög aktífur, lifað mjög
heilbrigðum lífsstíl og verið mikið í
fjallgöngum og þess háttar. Ég fékk
sem sagt blóðtappa í litla heila og
það situr eftir 25% heilaskemmd en
vegna þess hvað ég var í góðu formi
og sterkur andlega þá einhvern
veginn víraðist þetta allt upp á nýtt
á mjög skömmum tíma. En svo í
kjölfarið fannst hjartagalli hjá mér
sem var ástæða blóðtappans og ég
var núna í mars að ljúka við það
sem fylgdi því. Það sem gerðist í
rauninni var að ég hélt að ég væri
ódauðlegur og áttaði mig síðan allt
í einu á að svo var ekki. Plús það að
þá fór ég að semja miklu betri lög
eftir þetta, finnst ég miklu gáfaðri
og líður miklu betur. Þannig að ég
ákvað bara að kýla á þetta.“
Varðandi af hverju hann hefði
valið Rakel til að syngja lagið
Stjörnur í dúett með Bjarna Ómari
segir hann einfaldlega ástæðuna
vera að hún sé frábær og flink söng-
kona og ein af bestu söngkonum
landsins.
Að lokum segir Svavar að þetta
sé allt búið að vera mjög skemmti-
legt ferli: „Að vinna með þess-
um atvinnumönnum eins og Vigni
hefur verið ótrúlega skemmtilegt
og einnig hefur verið ómetanlegt
að hafa strákana úr hljómsveitinni
með mér því félagsskapurinn er
mér mjög kær því við erum búnir
að vera svo lengi saman í þessu. Ég
geri mér alveg grein fyrir því að ég
er ekki að fara að slá í gegn og það
er heldur ekki takmarkið. Aðalmál-
ið er að koma þessu frá sér og svo
lifir það sínu eigin lífi.“
vaks
Bjarni Ómar syngur lögin á plötunni
sem kemur út í lok júlí.
Svavar Viðarsson með nýtt lag
og plata á leiðinni í sumar
Svavar Viðarsson tónlistarmaður. Ljósm. aðsend
Rakel Pálsdóttir syngur lagið Stjörnur
sem er nýkomið út á Spotify.