Skessuhorn - 27.04.2022, Blaðsíða 15

MIÐVIKUDAGUR 27. APRÍL 2022 15
Starfshópur um eflingu atvinnulífs
í Stykkishólmi, sem skipaður var af
Stykkishólmsbæ í ágúst 2021, hef-
ur lokið störfum og skilað skýrslu
til bæjarstjórnar. Í skýrslunni eru
útlistaðar 20 tillögur atvinnulífi í
Stykkishólmi til sóknar. Megin-
tillaga hópsins er að stofnað verði
Þekkingar- og rannsóknarsetur við
Breiðafjörð. Fram kemur á vefsíðu
Stykkishólmsbæjar að í starfshópn-
um voru þeir Jakob Björgvin Jak-
obsson bæjarstjóri, Halldór Árna-
son formaður atvinnu- og nýsköp-
unarnefndar, Ólafur Sveinsson fag-
stjóri atvinnuráðgjafar hjá SSV og
Reinhard Reynisson sérfræðingur.
Tilefni að skipan starfshópsins
var að rótgróið fyrirtæki í sjávarút-
vegi í Stykkishólmi, Agustson ehf,
sagði upp í lok júní 2021 öllum
starfsmönnum sínum, samtals 32
einstaklingum, þar af voru 25 með
lögheimili í Stykkishólmi. Starfs-
hópnum var samkvæmt erindis-
bréfi ætlað að greina og leggja til
aðgerðir sem verja, styðja við og
efla atvinnustarfsemi og búsetu-
skilyrði í Stykkishólmi til lengri og
skemmri tíma. Einnig var hópnum
ætlað að greina þau tækifæri sem
liggja í svæðisbundnum styrkleika,
þar með talið svæðisbundnum
innviðum og auðlindum til eflingar
atvinnulífs í Stykkishólmi.
Samtök sveitarfélaga á Vestur-
landi gerði könnun fyrir starfs-
hópinn meðal íbúa Stykkishólms,
18 ára og eldri, þar sem áhersla
var lögð á að greina tækifæri sem
liggja í svæðisbundnum styrkleika
og leggja til aðgerðir til þess að
nýta þau. Alls tóku 386 manns þátt
í könnuninni. Meðal spurninga var
hvort svarandi væri með viðskipta-
hugmynd eða önnur áform um
fyrir tækjarekstur sem viðkomandi
vildi geta komið í framkvæmd eða
farið af stað með í Stykkishólmi.
Alls sögðust 105 eða rúmlega fjórð-
ungur vera með viðskiptahugmynd
og það vekur vonir um að fjölga
megi störfum í Stykkishólmi ef vel
er á málum haldið.
Starfshópurinn leggur til að
stofnað verði Þekkingar- og rann-
sóknarsetur við Breiðafjörð sem
hafi það að meginmarkmiði að
stuðla að auknu klasasamstarfi
einstaklinga, atvinnulífs, stofn-
ana og opinberra aðila þannig að
stuðla megi að jákvæðri samfé-
lags- og byggðaþróun á svæðinu,
byggða á svæðisbundnum styrk-
leika. Þekkingar- og rannsóknar-
setrið leggi áherslu á markvissa
samvinnu aðila og styrki stoðkerfi
frumkvöðla og nýsköpunar á sama
tíma og gætt sé að verndun og sjálf-
bærri auðlindanýtingu. Sveitarfé-
lögum við Breiðafjörð verður boð-
ið að gerast stofnaðilar þekkingar-
og rannsóknarsetursins. Fleiri aðil-
ar geta komið að sem stofnaðilar
eða samstarfsaðilar. Stefnt er að
því að Þekkingar- og rannsóknar-
setrið geri samning við háskóla,
iðnaðar og nýsköpunarráðuneytið
um árlegt rekstrarframlag þar sem
nánar verða tilgreind markmið og
starfsemi setursins. Samningur-
inn taki mið af og hafi hliðsjón af
samningum mennta- og menn-
ingarmálaráðuneytisins við önnur
þekkingarsetur á landsbyggðinni.
Í skýrslu sinni leggur starfs-
hópurinn til 20 tillögur atvinnu-
lífi og búsetuskilyrðum í Stykkis-
hólmi til framdráttar sem skipt-
ist í eftirfarandi þrjá undirflokka:
Stuðningur stjórnvalda við núver-
andi atvinnulíf, tækifæri í auðlinda-
nýtingu á svæðinu á næstu árum og
styrking innviða til framtíðarupp-
byggingar atvinnulífs. Hægt er að
kynna sér tillögurnar á vef Stykkis-
hólmsbæjar. vaks
Í apríl 2021 skipaði bæjarstjórn
Stykkishólmsbæjar starfshóp til að
móta stefnu í málefnum einstak-
linga sextíu ára og eldri í bæjar-
félaginu á grundvelli tillögu og
greinargerðar bæjarstjóra. Hópur-
inn hefur nú lokið störfum og skil-
að af sér skýrslu til bæjarstjórn-
ar. Þar er lögð áhersla á að styrkja
stöðu bæjarins sem heilsueflandi
samfélags og að stuðla með ýmsum
hætti að því að eftirsóknarvert þyki
að eldast í Stykkishólmi, nú sam-
einuðu sveitarfélagi Stykkishólms-
bæjar og Helgafellssveitar.
Starfshópurinn leggur alls til 45
leiðir til að efla þjónustu við aldr-
aða íbúa. Meðal þeirra er að að
stjórnandi verði ráðinn yfir starfs-
stöð Heilbrigðisstofnunar Vestur-
lands (HVE) í Stykkishólmi í því
augnamiði að standa vörð um
hagsmuni hennar. Einnig að hús-
næðið að Skólastíg 14 þar sem nú
er dvalarheimili fyrir aldraða verði
í framtíðinni nýtt sem þjónustu-
kjarni og íbúðir fyrir eldra fólk.
Miðstöð
öldrunarþjónustu
Jakob Björgvin Jakobsson, bæjar-
stjóri í Stykkishólmi, telur að
með skýrslunni sé sveitarfélag-
ið að taka ákveðna forystu í mál-
efnum eldri borgara sem miði m.a.
að því að leiða nauðsynlega sam-
þættingu félags- og öldrunarþjón-
ustu í umhverfi þar sem ljóst er að
þörf sé á meiri þjónustu óháð því
hver veitir hana.
„Við erum með skýrslunni
einnig að leggja metnaðarfull-
an grunn að framtíðinni í þess-
um málaflokki þar sem áhersla
er lögð á að halda áfram að bæta
þjónustu við einstaklinga 60 ára og
eldri í Stykkishólmi, og svo áfram
í hinu sameinaða sveitarfélagi eft-
ir að sameiningin tekur gildi, hvort
sem verið sé að horfa til húsnæðis-
mála, félagsstarfs, heilbrigðis-
þjónustu eða félagsþjónustu fyrir
einstaklinga 60 ára og eldri. Stofn-
un nýrrar miðstöðvar öldrunar-
þjónustu upp á Skólastíg 14 verður
miðpunktur í þessari þjónustu. Við
viljum að einstaklingar 60 ára og
eldri í hinu sameinaða sveitarfélagi
geti átt kost á fjölbreyttu félags-
starfi og fengið markvissan stuðn-
ing og fjölþætta og góða þjónustu,
ásamt því að í sveitarfélaginu verði
fjölbreytt búsetuúrræði í sveitar-
félaginu fyrir þennan hóp,“ seg-
ir Jakob Björgvin í samtali við
Skessuhorn.
Í kjölfar samráðs
Við vinnslu skýrslunnar hélt
nefndin fundi með ýmsum aðil-
um, svo sem íbúum í búseturéttar-
íbúðum á staðnum, starfsmönnum
sveitarfélagsins og nefndarmönn-
um í fastanefndum bæjarins sem
koma að þjónustu aldraðra, bæjar-
stjóra, hönnuðum og bygginga-
fulltrúa bæjarins. Einnig var
haldinn opinn íbúafundur þar sem
verkefnið var kynnt og óskað eft-
ir skoðunum bæjarbúa. Aftanskini,
félagi eldri borgara, var haldið vel
upplýstu um vinnu starfshóps-
ins sem einnig fór í vettvangsferð-
ir til Hveragerðis og Þorlákshafn-
ar til að skoða aðstöðu og þjón-
ustuframboð þar.
Ýmsar áhugaverðar hugmyndir
komu fram meðan á vinnslu skýrsl-
unnar stóð, svo sem frá Gunnlaugi
Lárussyni sem lagði til að bætt yrði
einni hæð ofan á Skólastíg 14 fyrir
íbúðir fyrir aldraða. Starfshópur-
inn hvetur jafnframt í skýrslunni
til þess að hugað verði að upp-
byggingu íbúða fyrir eldri borg-
ara og að lóðaframboð fyrir hóp-
inn verði aukið. Tekið verði tillit
til þessa í skipulagsvinnu bæjar-
ins, hvort sem bæjarfélagið hyggst
byggja íbúðirnar eða aðrir.
Skýrsla starfshóps um
stefnumörkun í málefnum einstak-
linga sextíu ára og eldri er aðgengi-
leg á vef Stykkishólmsbæjar.
gj
Frá sjómannadeginum í Stykkishólmi árið 2016. Ljósm. úr safni/ sá
Leggja til að stofnað verði Þekkingar- og
rannsóknarsetur við Breiðafjörð
Sungið fyrir íbúa á dvalarheimilinu í upphafi Covid-19. Ljósm. úr safni/ sá.
Skýrsla um framtíð öldrunarþjónustu í Stykkishólmi