Skessuhorn - 25.05.2022, Blaðsíða 8

MIÐVIKUDAGUR 25. MAÍ 20228
Brunavarna-
áætlun samþykkt
AKRANES/HVALFJ: Á
starfssvæði slökkviliðs Akra­
ness og Hvalfjarðarsveit­
ar liggur fyrir ný bruna­
varnaáætlun sem samþykkt
er í viðkomandi sveitar­
stjórnum og Húsnæðis­ og
mannvirkjastofnun. Áætlun­
in gildir til fimm ára og skal
að þeim tíma loknum endur­
skoðuð og ný áætlun þá sam­
þykkt. Markmið bruna­
varnaáætlana er að tryggja
að slökkvilið sé mannað,
menntað, skipulagt, þjálf­
að og útbúið tækjum til að
ráða við allar þær hættur sem
eru á starfssvæðinu. Áætlun­
in tekur einnig á eldvarna­
eftirliti, viðbúnaði við elds­
voðum og mengunaróhöpp
á landi. Áætlunin var sam­
þykkt í síðustu viku og gildir
frá 10. maí 2022. -vaks
Staða
fuglaflensu hér
á landi
LANDIÐ: Matvælastofn­
un minnir á mikilvægi þess
að fólk tilkynni til stofnun­
arinnar um dauða villta
fugla. Fuglaflensa hef­
ur greinst í 19 sýnum af 76
sem rannsökuð hafa ver­
ið. Reglur um tímabundn­
ar varnaraðgerðir eru enn í
gildi en vonir standa til að
þeim megi fljótlega aflétta
að öllu óbreyttu. „Mikilvægt
er að fólk tilkynni um dauða
villta fugla og þakkar fyrir
þær fjölmörgu tilkynningar
sem berast. Þessar tilkynn­
ingar skipta máli við mat á
útbreiðslu og tíðni. Best er
að tilkynna með því að skrá
ábendingu á heimasíðu Mat­
vælastofnunar. Starfsmenn
stofnunarinnar fara yfir all­
ar ábendingar og meta hvort
taka skuli sýni eða ekki.
Matið byggist m.a. á því
um hvaða fuglategund er að
ræða og hvar fuglinn finnst.
Ekki er hægt að taka sýni úr
öllum fuglum sem finnast en
mikilvægt er samt fyrir stofn­
unina að fá tilkynningar. Ef
vart verður við veika villta
fugla skal tilkynna um það
til viðkomandi sveitarfélags,
sem er skylt að sjá til þess að
fuglinum sé komið til hjálpar
eða hann aflífaður á mann­
úðlegan hátt, samkvæmt
lögum um velferð dýra. Fyr­
ir utan opnunartíma sveitar­
félaga er hægt að hafa sam­
band við lögreglu. Grun­
samleg veikindi eða óeðli­
leg aukin dauðsföll í alifugl­
um og öðrum fuglum í haldi,
skal tilkynna án tafar til Mat­
vælastofnunar eða sjálfstætt
starfandi dýralæknis, sem
hefur svo samband við Mat­
vælastofnun ef hann telur að
um fuglaflensu geti verið að
ræða.“ -mm
Styrkir vegna
lífrænnar fram-
leiðslu
LANDIÐ: Matvælaráðu­
neytið vekur athygli á að
umsóknarfrestur vegna
styrkja til aðlögunar að líf­
rænum framleiðsluháttum í
landbúnaði hefur verið fram­
lengdur til 3. júní næstkom­
andi. Framleiðendur sem
hafa byrjað lífræna aðlögun í
samræmi við gildandi reglu­
gerð um lífræna framleiðslu
landbúnaðarafurða og merk­
ingar geta sótt um. Líf­
ræna aðlögunin skal vera
undir eftirliti faggildu lög­
gildingarstofunnar Túns.
Sækja ber sérstaklega um
styrki í garðyrkju skv. ákvæð­
um reglugerðar um stuðning
við garðyrkju nr. 1273/2020.
Í öðrum landbúnaði er sótt
um styrki samkvæmt ákvæð­
um reglugerðar um almenn­
an stuðning við landbúnað
nr. 430/2021. Umsóknar­
frestur er til miðnættis 3.
júní (www.afurd.is). Á Afurð
má einnig finna upplýsingar
um nauðsynleg fylgiskjöl
með umsókn. -mm
Aflatölur fyrir
Vesturland
14. maí – 20. maí
Tölur (í kílóum)
frá Fiskistofu
Akranes: 15 bátar.
Heildarlöndun: 18.500 kg.
Mestur afli: Mar­AK: 4.792
kg í fjórum löndunum.
Arnarstapi: 47 bátar.
Heildarlöndun: 97.609 kg.
Mestur afli: Grímur AK:
4.364 kg í fjórum róðrum.
Grundarfjörður: 28 bátar.
Heildarlöndun: 751.732 kg.
Mestur afli: Drangey:
116.594 kg í einum róðri.
Ólafsvík: 60 bátar.
Heildarlöndun: 339.394 kg.
Mestur afli: Ólafur Bjarna­
son SH: 46.214 kg í fjórum
löndunum.
Rif: 52 bátar.
Heildarlöndun: 501.968 kg.
Mestur afli: Magnús SH:
62.660 kg í fjórum róðrum.
Stykkishólmur: 17 bátar.
Heildarlöndun: 42.936 kg.
Mestur afli: Signý HU:
9.014 kg í tveimur löndun­
um.
1. Drangey SK –
GRU: 116.594 kg. 15.maí.
2. Málmey SK – GRU:
114.588 kg. 16. maí.
3. Jökull ÞH – GRU:
97.624 kg. 17. maí.
4. Fjölnir GK – GRU:
74.393 kg. 17. maí.
5. Sigurborg SH –
GRU: 65.471 kg. 15.maí.
­s
Bjarney Bjarnadóttir hefur ver­
ið ráðin í starf framkvæmdastjóra
Ungmennasambands Borgarfjarð­
ar, UMSB, og kemur til starfa í
júní. Bjarney er með BSc í íþrótta­
fræði frá Háskólanum í Reykjavík
auk kennsluréttinda fyrir grunn­ og
framhaldsskóla. Þá leggur Bjarn­
ey stund á meistaranám í forystu og
stjórnun með áherslu á mannauðs­
stjórnun. Bjarney er með víðtækan
bakgrunn þegar kemur að íþrótta­
og lýðheilsustarfi. Hún hefur unnið
sem einkaþjálfari og spinningkennari
bæði hérlendis og erlendis auk þess
sem hún var aðstoðarkennari í verk­
legu námi í ÍAK einkaþjálfaranámi
Keilis. Þá spilaði Bjarney handbolta
og þjálfaði í fjölda ára. Hún hef­
ur bæði kennt íþróttir og lífsleikni
og komið að heilsueflingu fatlaðra.
Síðustu ár hefur Bjarney starfað sem
umsjónarkennari við Grunnskólann
í Borgarnesi en er komin í leyfi það­
an. Í vor var hún kosin í sveitarstjórn
Borgarbyggðar og situr þar sem full­
trúi Viðreisnar og Samfylkingar.
Bjarney er gift Sigur karli Gústavs­
syni lögreglumanni og samtals eiga
þau fjóra drengi.
Sigurður Guðmundsson vinn­
ur hjá UMSB út júní og fer hann
þá í önnur verkefni til UMFÍ. „Við
þökkum Sigga kærlega fyrir sitt
framlag og óskum við honum vel­
farnaðar á nýjum starfsvettvangi,“
segir í tilkyningu frá stjórn UMSB.
mm
Söfnun hugmynda um nafn sam­
einaðs sveitarfélags Helgafellssveit­
ar og Stykkishólmsbæjar er hafin á
BetraÍsland.is. Hún stendur til 1.
júní nk. og er öllum opin. Verk­
efnið er unnið í samstarfi við Íbú­
ar ses. sem sérhæfir sig í rafræn­
um samráðskerfum og rekur Betra­
Ísland.is. „Hægt er að skrá sig inn
með rafrænum skilríkjum í gegnum
Ísland.is eða með nafni og netfangi.
Þeir sem það gera fá tilkynningar
um breytingar og athugasemdir við
tillögurnar. Það er líka hægt að taka
þátt nafnlaust og án innskráningar,
en þá berast ekki tilkynningar. All­
ar tillögur munu birtast nafnlaust
á vefsvæðinu. Æskilegt er að til­
lögur séu lagðar fram með stuttum
skýringum. Þátttakendur geta lesið
skýringar annarra og lýst skoðun­
um sínum á tillögum þeirra.“
Heiti sveitarfélaga skulu sam­
rýmast íslenskri málfræði og mál­
venju samkvæmt sveitarstjórnar­
lögum, og falla að þeim reglum
sem útlistaðar eru í lögum um
örnefni og reglugerð um störf
örnefnanefndar. (Sjá nánar á vef­
síðu Örnefnanefndar).
„Þeir sem treysta sér ekki til að
nýta rafrænar lausnir er velkom­
ið að koma tillögum á skrifstofu
Stykkishólmsbæjar, eða fá aðstoð
við að setja inn hugmyndir raf­
rænt. Að lokinni hugmyndasöfnun
verður farið yfir allar framkomn­
ar tillögur. Sveitarstjórn sameinaðs
sveitarfélags tekur ákvörðun um
heiti sveitarfélagsins,“ segir í til­
kynningu.
mm
Forseti ASÍ, formaður BSRB, for­
maður VR og framkvæmdastjóri
Bjargs íbúðafélags undirrituðu á
mánudaginn rammasamning um að
nýta reynslu og þekkingu Bjargs til
að taka næsta skref í uppbyggingu
verkalýðshreyfingarinnar á íbúðum
á viðráðanlegu verði. VR kemur
til með að byggja íbúðir fyrir sína
félagsmenn með langtímahugsun
og lághagnað að leiðarljósi und­
ir hatti systurfélags Bjargs íbúðafé­
lags; Blævar.
„Þetta tilraunaverkefni er von­
andi upphafið að frekari upp­
byggingu á vegum verkalýðshreyf­
ingarinnar. Hingað til hefur verið
byggt á vegum Bjargs undir lögum
um almennar íbúðir, með stofn­
framlagi frá ríki og sveitarfélög­
um og fólk innan ákveðinna tekju­
marka hefur fengið úthlutað. Með
stofnun og uppbyggingu Blæv­
ar, sem er systurfélag Bjargs, geta
einstaka félög innan vébanda ASÍ
og BSRB byggt íbúðir og úthlut­
að án skilyrða við tekjumörk. Hag­
kvæmnin næst með því að gera lág­
markskröfur um arðsemi og nýta
reynslu og þekkingu á hagkvæm­
um byggingum sem myndast hefur
hjá Bjargi,“ segir í tilkynningu frá
félögunum.
mm
Hugmyndasamkeppni um nafn
á nýtt sveitarfélag
Stéttarfélögin stefna á meiri
uppbyggingu ódýrs húsnæðis
Forsvarfólk stéttarfélaganna og Bjargs handsala samninginn.
Bjarney Bjarnadóttir framkvæmdastjóri UMSB og hundurinn Rökkvi.
Bjarney ráðin fram-
kvæmdastjóri UMSB