Skessuhorn - 25.05.2022, Blaðsíða 22

MIÐVIKUDAGUR 25. MAÍ 202222
ÍA leikur í fyrsta skipti í 2. deild
kvenna í knattspyrnu á Íslands­
mótinu í sumar en þær höfðu ver­
ið í næstefstu deild síðustu fimm
árin þar á undan. Í fyrra lentu þær
í tíunda og neðsta sæti Lengju­
deildarinnar með 15 stig í átján
leikjum og féllu í 2. deild ásamt
Gróttu. Síðasta haust tók við
liðinu Magnea Guðlaugsdóttir.
Blaðamaður Skessuhorns heyrði í
Magneu til að forvitnast um sumar­
ið sem er framundan en fyrsti leik­
ur ÍA í deildinni í ár er gegn Fram
í kvöld.
Voru í áfalli inn
í veturinn
Nú tókst þú við liðinu í haust eftir
að það hafði fallið í 2. deild í fyrsta
skipti í sögu kvennaboltans á Akra­
nesi. Hvernig var að taka við í þess­
um aðstæðum og hafa orðið mikl­
ar áherslubreytingar í þjálfuninni
með komu þinni? „Satt best að
segja voru stelpurnar í áfalli langt
inn í veturinn eftir drama tískt fall
í þessa deild síðasta haust og þurft­
um við að leggja mikla áherslu á
andlega þáttinn strax í október.
En samt sem áður er hægt að
hugsa þetta áfall sem vendipunkt
í kvennaknattspyrnunni á Akra­
nesi. Við ætlum að spyrna okkur vel
frá botninum og hugsa umgjörð,
æfingar, hugsun okkar, annarra
og jafnvel allra Skagamanna upp
á nýtt. Til að mynda eiga stelp­
ur ekki að þurfa að berjast fyrir
góðri aðstöðu, virðingu innan fót­
boltaheimsins, virðingu almennt,
athygli… stelpur á móti strákum
í þessum gjörðum! Þetta er úrelt
fyrir brigði og þarna langar okkur
til að breyta ýmsu. Við erum á réttri
leið en alltaf má gott bæta.“
Völdu frekar
að hjálpa liðinu
Þegar lið falla um deild verða oft
miklar mannabreytingar og leik­
menn hverfa á braut. Urðu miklar
breytingar hjá ykkur og hvernig er
liðið uppbyggt? „Mannabreytingar
innan hópsins urðu einhverjar fyr­
ir tímabilið þar sem þrjár stelpur
fóru í Bestu deildina, ein í Lengju­
deildina, ein flutti til Danmerkur
og tvær komu ekki aftur eftir nám í
Ameríku. Lið úr efri deildum höfðu
samband við að minnsta kosti tvær
stelpur í viðbót sem þökkuðu pent
og völdu frekar að hjálpa liðinu
sínu upp úr þessari deild og erum
við þakklátar þeirri ákvörðun.
Hópurinn okkar er skipaður ung­
um og efnilegum stelpum í bland
við eldri og reyndari leikmenn. All­
ir þessir leikmenn eiga framtíðina
fyrir sér og verður mjög spennandi
að fylgjast með framvindu mála hjá
öllum okkar leikmönnum á kom­
andi árum. Æfingahópurinn okk­
ar er töluvert stór en við erum með
3. flokk, 2. flokk og meistaraflokk
saman á æfingum. Einnig eru tvær
á 4. flokks aldri með okkur og þótt
þær séu smáar þá er óhætt að segja
að þær séu knáar því þarna eru
gríðarleg efni á ferð.“
Magnea segir að undirbúnings­
tímabilið hjá liðinu hafi gengið vel
en sú ákvörðun hefði verið tek­
in í haust að leggja upp með erfitt
og krefjandi undirbúningstímabil.
„Þetta er hugsanlega það erfið­
asta á þeirra fótboltaferli og höfum
við séð mikinn mun á stelpunum.
Við enduðum til að mynda vetrar­
mótið á titli en 19. maí síðastliðinn
unnum við Völsung í úrslitaleik
C deildar Lengjubikarsins. Þá
erum við komnar í 16­liða úrslit í
Mjólkurbikar KSÍ og getum ekki
beðið eftir að Íslandsmótið okkar
byrji. Við fórum með stelpurnar í
æfingaferð til Spánar í mars og hef­
ur það hjálpað okkur mikið í upp­
byggingunni. Svona ferð er fyrst og
fremst hópefli og svo eru æfingarn­
ar og flotta aðstaðan bónus en
ferðin heppnaðist svakalega vel.“
Við elskum fótbolta
Önnur deildin í sumar er að mestu
skipuð liðum á höfuðborgarsvæð­
inu en þó eru leikir hjá ykkur á
móti Einherja, Sindra og Völs­
ungi. Hvernig líst þér á deildina
og er ekki markmið liðsins að
komast aftur upp í 1. deild í sum­
ar? „2. deildin er mjög sérstök þar
sem við spilum einfalda umferð +
úrslitakeppni hjá sex efstu­ og svo
sex neðstu liðunum. Ferðalög­
in utan höfuðborgarinnar eru bara
skemmtileg þar sem við förum
á Vopnafjörð og Húsavík. Þarna
gefst stelpunum tækifæri til að sjá
og njóta okkar fall ega lands. Mark­
mið okkar er sýnilegt öllum og væri
rangt að krefjast einhvers annars en
að fara beint upp í Lengjudeildina
með þennan skemmtilega hóp. Við
munum gera allt sem í okkar valdi
stendur til að svo verði. Blóð, sviti
og tár, já og bara allra þeirra til­
finninga sem tilheyra fótboltanum
erum við að fara að njóta. Við elsk­
um fótbolta og allt sem hann hefur
upp á að bjóða.“
Eitthvað að lokum? „Stelpurn­
ar ætla sér stóra hluti í sumar og
hafa lagt mikið á sig í allan vetur.
Þær vonast til að bæjarbúar flykk­
ist á völlinn og sýni þeim stuðn­
ing í verki! „Jákvæðni – Hjálpsemi
– Samvinna“ eru okkar kjörorð og
munum við leggja okkur 100%
fram við það að skemmta áhorf­
endum með leik okkar og leikgleði.
Við erum í þessu saman! Áfram ÍA
– Áfram Akranes!“ vaks Skömmu síðar var allt í kremju.
Ætlum okkur stóra hluti í sumar
segir Magnea Guðlaugsdóttir þjálfari kvennaliðs ÍA
Aldís Ylfa Heimisdóttir aðstoðarþjálfari ÍA og Magnea. Ljósm. vaks
Stelpurnar tóku létta pósu fyrir ljósmyndarann.