Skessuhorn - 25.05.2022, Blaðsíða 7

MIÐVIKUDAGUR 25. MAÍ 2022 7
Verkefnastjóri
tækniþjónustu á
upplýsingatæknisviði
Háskólinn á Bifröst auglýsir lausa til umsóknar stöðu
verkefnastjóra tækniþjónustu á upplýsingatæknisviði
Háskólinn á Bifröst auglýsir eftir verkefnastjóra í tækniþjónustu á upplýsingatæknisviði. Við leitum að einstaklingi með þekkingu,
metnað og reynslu á sviði upplýsingatækniþjónustu sem hefur áhuga á þróun og uppbyggingu tækniumhverfis í stafrænu námi.
Háskólinn á Bifröst leggur áherslu á samþættingu fræða og framkvæmdar og er leiðandi í uppbyggingu hagnýts fjarnáms á
háskólastigi hér á landi.
Helstu verkefni og ábyrgð:
•Umsjón með þjónustuborði upplýsingatæknisviðs og tæknibúnaði í fundarherbergjum, kennslustofum og í upptökuaðstöðu skólans.
•Greining, úrlausn og eftirfylgni verkefna og beiðna sem berast upplýsingatæknisviði
•Þróunar og umbótavinna í upplýsingatækni og notendaþjónustu.
•Val á tæknibúnaði ásamt uppsetningu, viðhaldi og þróun á tækniumhverfi.
•Tækniþjónusta á viðburðum á vegum skólans
•Þjálfun, ráðgjöf, og fræðsla á upplýsingatæknikerfum skólans, þróun á þjálfunar og upplýsingaefni ásamt almennri tölvuþjálfun.
Menntunar- og hæfniskröfur:
•Reynsla sem nýtist í starfi
•Framúrskarandi þjónustulund, færni í mannlegum samskiptum og ábyrgðarkennd við úrlausn verkefna.
•Áhugi og reynsla af framþróun í upplýsingatækni, þekking á háskólaumhverfi er kostur
•Mjög góð almenn tölvukunnátta og þekking á Microsoft Windows umhverfi, Microsoft vottuð þekking er kostur.
•Geta til að takast við tæknileg vandamál, greina og leysa
•Þekking á verkefna- og þjónustustjórnun er kostur. (ITIL, PRINCE2)
•Menntun sem nýtist í starfi, t.d. kerfisfræði, tölvunarfræði, upplýsingatækni- eða iðnmenntun
Umsókn: Með umsókn fylgi ferilskrá ásamt kynningarbréfi þar sem lýst er reynslu sem nýtist í starfi. Aðalstarfsstöð er
á Bifröst en starfið getur einnig unnist að hluta í fjarvinnu.
Starfsaðstaða er á Bifröst og á skrifstofum skólans í Reykjavík
Nánari upplýsingar Auðbjörg Jakobsdóttir, þjónustustjóri upplýsingatækni, upplysingataekni@bifrost.is, sími 433-
3000 eða Hulda Dóra Styrmisdóttir mannauðsstjóri, mannaudsstjori@bifrost.is. Umsóknir skilist inn á umsóknarvefnum
Alfred.is.
Umsóknarfrestur er til og með 31. maí 2022. bifrost.is
bifrost.is
Á garðyrkjustöðinni Laugalandi í
Stafholtstungum er nú í gangi all
óvenjulegt verkefni. Unnið var í
síðustu viku við að lyfta 1200 fer­
metra gróðurhúsi í heilu lagi um
1,85 metra. Verkið er unnið af holl­
enskum verktökum sem sérhæfa sig
í að lyfta gróðurhúsum. Farið er í
þessa framkvæmd til að bæta hag­
kvæmni lýsingar á plöntur sem
ræktaðar eru í húsunum. Gróður­
húsið var byggt árið 1990 og hafa
agúrkur verið ræktaðar í því alla
tíð. Að sögn Þórhalls Bjarnasonar
garðyrkjubónda er áætlað að með
nýjum ljósabúnaði megi bæta nýt­
ingu raforkunnar sem notuð er um
15­20% við þessa aðgerð. Sú bætta
orkunýting þýðir svo hlutfallslega
enn meiri uppskeruaukningu.
Blaðamaður Skessuhorns kom
að Laugalandi upp úr hádegi á
miðvikudegi í síðustu viku. Þá
var vinnuflokkurinn sem skipað­
ur er fimm Hollendingum búinn
að hækka húsið um 1,2 metra og
bjuggust þeir við að ljúka hækk­
uninni fyrir kvöldið. Verkið er
framkvæmt með sérstökum bún­
aði sem verktakarnir taka með sér
að utan. Áður en hafist er handa
er búið að aftengja allar lagnir og
skorið á burðarvirki gróðurhússins
niður við sökkul. Sérstökum loft­
drifnum membrum er komið fyr­
ir á öllum burðarstoðum og húsinu
smám saman lyft í heilu lagi. Þegar
fullri hæð er náð eru burðarstoð­
ir úr miðju hússins bútaðar nið­
ur í 1,85 metra lengd og bætt inn
í þær burðarstoðir sem fyrir eru í
úthringnum. Nýjar burðarstoðir
eru loks settar undir hverja burst í
blokkinni. Eftir að því verki verð­
ur lokið er klæddur álrammi utan á
hliðar hússins og glerjað í hann. Þá
verður farið í að koma nýrri hita­
lögn fyrir í húsinu ásamt öðrum
frágangi. Þórhallur gerir ráð fyrir
að hægt verið að hefja framleiðslu
að nýju í húsinu í ágúst í sumar.
Þó að framkvæmd sem þessi sýn­
ist býsna umfangsmikil og flókin
er þetta langt í frá að vera stærsta
gróðurhús sem þessi vinnuflokk­
ur hefur komið að hækkun á. Áður
hefur hann meðal annars hækkað
hús í Hollandi sem er fjórir hekt­
arar að flatarmáli, eða 40 þúsund
fermetrar, og næsta verkefni vinnu­
flokksins verður að hækka fimm
hektara gróðurhús í Frakklandi.
mm
Lyfta þrjátíu ára gróðurhúsi
um tæpa tvo metra
Hér var búið að lyfta húsinu um 1,20 metra og stutt í að hækkunin yrði komin í
1,85 m.
Loftknúnar membrur hækka grindina um 5 cm í einu. Þá smellur húsið í sérstök
járnhök, ekki ósvipað og menn þekkja að eru á drullutjökkum.
Sumarlestur 2022
3. júní til 12. ágúst
fyrir börn á aldrinum 6 til 12 ára

• Komdu á Bókasafn Akraness, skráðu þig í
sumarlesturinn og fáðu afhent lesblað.
• Ef þú átt ekki skírteini kemur þú með foreldri/
forráðamanni til að fá skírteini í fyrsta sinn.
Skírteini eru ókeypis fyrir börn, allir að vera með!
Húllum-hæ, lokahátíð 17. ágúst kl. 14.00
happadrætti og léttar veitingar.
Foreldrar eru hvattir til að fylgjast með starfi
Bókasafnsins á fésbókarsíðu safnsins.
Bókasafn Akraness • Dalbraut 1 • s. 433 1200
bokasafnakraness.is • bokasafn@akranessofn.is
S
K
E
S
S
U
H
O
R
N
2
02
2