Skessuhorn - 25.05.2022, Blaðsíða 16

MIÐVIKUDAGUR 25. MAÍ 202216
Í síðustu viku voru hér á landi staddir
breskir og franskir áhrifavaldar
og fréttamenn. Í hópnum voru 19
manns og var ferðin skipulögð af
Íslandsstofu sem bauð í fjögurra
daga ferð um Snæfellsnesið þar sem
íslenski fiskurinn var kynntur með
ýmsum hætti. Verkefnið er hluti
af markaðsherferð sem Íslands­
stofa hefur staðið fyrir síðastliðin
ár. Herferðin nefnist Fishmas og
er hluti af verkefninu Seafood from
Iceland.
Margir þekkja auglýsingar Fish­
mas þar sem Egill Ólafsson fer
með hlutverk Father Fishmas en
þar er verið að leika sér að tungu­
málinu með tengingu við Father
Christmas, eða jólasveininn. Björg­
vin Þór Björgvinsson er fagstjóri
sjávarútvegs hjá Íslandsstofu og tók
á móti blaðamanni Skessuhorns á
bryggjunni í Stykkishólmi síðast­
liðinn miðvikudag, þar sem hópur­
inn átti skemmtilegan dag framund­
an. Landsliðskokkurinn Viktor Örn
Andrésson var að koma sér fyrir á
bryggjunni með ferskan fisk í kari
tilbúinn að sýna áhrifavöldum og
fréttamönnum hvernig íslenski fisk­
urinn er verkaður en bauð þeim svo
að taka til hendinni og prófa sjálfir.
Þá var haldið í sex rétta hádegisverð
á Sjávarpakkhúsinu í Stykkishólmi,
kynnst heimagerðum plokkfisk á
heimili Arnþórs Pálssonar, smárétt­
um á Vatnasafninu, kvöldverður var
á Narfeyrarstofu og deginum slútt­
að með siglingu um kvöldið. Björg­
vin segir viðburðinn vera loka­
hnykk í markaðsherferð sem keyrð
hefur verið í Bretlandi og Frakk­
landi síðastliðin tvö ár. Er Íslands­
stofa í samvinnu við markaðsstof­
ur erlendis til að kynna auðlindina
íslensku úti í hinum stóra heimi.
Hópurinn kom við á
ýmsum stöðum
,,Við erum búin að vera seinustu ár
að vinna með íslenskum framleið­
endum, útflytjendum og sölufyrir­
tækjum í markaðssetningu á íslensk­
um fiski. Verkefnið heitir Seafood
from Iceland og þessi heimsókn
áhrifavaldanna er svona hluti af
því. Ein aðgerðin sem við erum
með í gangi er að bjóða erlend­
um fjölmiðlum og áhrifavöldum
til Íslands í svona upplifunarferð
og konseptið sem við höfum ver­
ið að keyra núna síðustu ár heit­
ir Fishmas. Þetta er hluti af þeirri
herferð en við köllum þetta Fish­
mas village og þá erum við svona
að vinna með útgerðum og aðilum
á svæðinu. Til dæmis í gær þá vor­
um við með heimsókn í Rif og á því
svæði fengu gestirnir að sjá fisk­
vinnslu og fara um borð í skip. Svo
hérna í dag í Stykkishólmi ætlum
við að vera með smá sýnikennslu
um meðhöndlun á hráefninu.
Hann er með okkur Viktor Örn,
matreiðslumeistari og margfaldur
landsliðskokkur, sem hefur keppt
í heimsmeistarakeppnum í mat­
reiðslu með frábærum árangri. Svo
ætlum við að fá að njóta hjá þess­
um frábæru veitingastöðum hérna
á svæðinu en í hádeginu verðum
við á Sjávarpakkhúsinu og á Narf­
eyrarstofu í kvöld. Á milli verður
svo smá móttaka í Vatnasafninu þar
sem við fáum smárétti sem Viktor
ætlar að græja,“ segir Björgvin sem
var búinn að skipuleggja þessa fínu
dagskrá með aðstoð frá fyrirtæki
sem sérhæfir sig í viðburðastjórn­
un.
Samfélagsmiðlastjörnur
með stóra fylgjenda-
hópa
Skipuleggjendur vildu gefa
hópnum frjálsar hendur til að búa
til efni fyrir sína miðla en margir
þeirra eru með stóra fylgjendahópa.
,,Í dag svona á milli málsverða fara
þau í hópum um allan bæ á nokkr­
ar stöðvar þar sem þau fá m.a. að
smakka plokkfisk í heimahúsi hjá
Arnþóri Pálssyni. Þau fá svolítið
sjálf að upplifa og taka myndir, þetta
er fólk sem er mikið á samfélags­
miðlum þannig að þau sjá kannski
einhverja skemmtilega vinkla sem
við kveikjum ekki á í bæjarflórunni
hérna. Þau eru mörg með stóran
fylgjendahóp þannig þetta er svona
okkar leið til að kynna vöruna.“
Af þeim áhrifavöldum sem í
hópnum voru má til dæmis nefna
Shu Lin sem heldur úti miðlunum
dejashuu á Instagram og YouTu­
be þar sem hún er með yfir 70.000
fylgjendur. Hérve cuisine er matar­
bloggari með 714.000 fylgjendur á
samfélagsmiðlinum Instagram og
Leyla Kazim er svo bresk frétta­
kona sem vinnur fyrir BBC og
er með um 107.000 fylgjendur á
Instagram. Má geta sér til um að
verkefnið nái góðri útbreiðslu með
samvinnu þessara aðila. Einnig má
sjá efni úr ferðinni á Instagram­
reikningi Seafood from Iceland.
Að upplifa íslenska
sjávarþorpið
Hópurinn hefur fengið að ferð­
ast um allt Snæfellsnes og fannst
allt spennandi og skemmtilegt.
Björgvin segir fólkið mjög áhuga­
samt og er spenntur að fylgjast
með umfjölluninni sem þetta skil­
ar í þeirra heimalöndum. ,,Hópur­
inn kom á mánudaginn beint frá
Keflavík til Búða þar sem þau
gistu. Svo í gær ferðuðumst við um
Arnarstapa, Hellnar og Djúpalóns­
sand. Svo borðuðum við á Viðvík,
veitingastaðnum á Hellissandi,
og fórum á Sjóminjasafnið. Næst
var haldið inn í Rif og kynntu­
mst við veiðum og vinnslu þar. Þá
var endað á að borða í Grundar­
firði á Bjargarsteini. Þar hittum
við bæjar stjóra Snæfellsbæjar og
bæjarstjóra Grundafjarðar ásamt
Rósu framleiðslustjóra hjá G.Run,
sjávarútvegsfyrirtækinu góða í
Grundarfirði. Þannig að við erum
líka svolítið að reyna að tengja
við fyrirtækin á svæðinu. Dagur­
inn í dag gengur svo út á að upp­
lifa íslenska sjávar þorpið og hvað
fiskiðnaðurinn skiptir í rauninni
miklu máli fyrir bæjarfélögin hérna
á Snæfellsnesi.“
Markaðsherferðin
víðtæk
Verkefnið er keyrt á þremur
markaðs svæðum, meðal annars
Bretlandi og Frakklandi en einnig
Suður­Evrópu en þar er saltfisk­
urinn aðalvaran. Markaðsherferðin
með Agli Ólafssyni sem Father
Fish mas hefur síðan vakið verð­
skuldaða athygli en Björgvin seg­
ir þau vilja hafa húmor og léttleika
fyrir hendi. ,,Við settum þetta í
annan búning og höfum svolítið
af húmor og léttleika í þessu. Við
bjuggum til svolítið flottar auglýs­
ingar fyrir þessa markaði en m.a.
bjuggum við til uppskriftamynd­
bönd þar sem einfaldar uppskrift­
ir með fáum hráefnum voru sýndar
og reynt að hvetja neytandann til
að kaupa hráefni í þessar tilteknu
uppskriftir og elda heima hjá sér.
Þessi myndbönd eru öll aðgengileg
Breskir og franskir áhrifavaldar kynntust
fiskmenningu á Snæfellsnesi
Gestirnir fengu að spreyta sig á að flaka fisk.
Björgvin Þór Björgvinsson, fagstjóri sjávarútvegs hjá Íslandsstofu. Áhrifavaldarnir mynduðu allt ferlið í bak og fyrir.
Arnþór Pálsson bauð heim til sín í heimagerðan plokkfisk. Þorskur og karfi eftir að gestirnir fengu að æfa sig að flaka.