Skessuhorn - 22.06.2022, Blaðsíða 15

MIÐVIKUDAGUR 22. JÚNÍ 2022 15
Við höfum aðstoðað tugi fyrirtækja og sótt styrki yfir 100 milljónir
Umsóknartímabil: Ágúst 2021 – Mars 2022
Umsóknarfrestur: Júní 2022
Hafðu samband og
við könnum rétt þinn
Umsóknarfrestur hefur verið
framlengdur
S: 554 5414 | upplysingar@ferdavefir.is | ferdavefir.is
C
M
Y
CM
MY
CY
CMY
K
vidspyrnustyrkir_loka copy.pdf 1 22.4.2022 16:49
Nýverið var Stefáni Vagni Stefáns­
syni 1. þingmanni Norðvesturkjör­
dæmis afhentur undirskriftalisti nær
allra íbúa sem búa við Klofningsveg
nr. 590, sem liggur um Fellsströnd
og Skarðsströnd í Dölum. Þar er
mótmælt þeirri ákvörðun að taka
300 milljónir króna af tengivega­
fé til lagningar á bundnu slitlagi
í Ólafsdal, þar sem er engin föst
búseta. Á sama tíma þurfi íbúar
með fasta búsetu og atvinnurekstur
að búa við algjörlega óviðun­
andi aðstæður í samgöngumálum
eins og fram kemur í ályktuninni.
„Nauðsynlegt er að til verkefnis­
ins í Ólafsdal verði fengið sérstakt
fjármagn, þannig að ekki þurfi að
hægja á þeirri framvindu við lagn­
ingu vega á ofangreindu svæði sem
fyrirhuguð var, eins og nú stefnir í,“
segir í áskoruninni til þingmanna.
Þá segir að ennfremur sé verið að
vekja athygli á ástandi annarra lykil­
innviða á svæðinu. „Þess er vænst
að alþingismenn svæðisins leggist á
eitt með að fá þær úrbætur á innvið­
um svæðisins þannig að þeir þjóni
a.m.k. lágmarkskröfum sem gerð­
ar eru til þessara þátta í dag. Þar er
bæði hægt að benda á óviðunandi
ástand fjarskiptamála, símasam­
bandsleysi þegar rafmagn dettur
út, sem gerist mjög oft og vöntun
á þriggja fasa rafmagni sem heft­
ir atvinnuuppbyggingu á svæðinu.“
Sveitarstjórn ályktaði
Fjölmargir að ir hafa bent á
nauðsyn þess að vegur fyrir Klofn­
ing verði endurbyggður. Sveitar­
stjórn Dalabyggðar samþykkti m.a.
samhljóða í apríl á síðasta ári áskor­
un þessa efnis. Þar skoraði hún
á Vegagerðina að hefja hönnun
og framkvæmdir við endurbæt­
ur á Klofningsvegi nr. 590 01
(Vestfjarðavegur ­ Hafnará 11,2
km ) 02 ( Hafnará ­ Orrahólsvegur
10,55 km,) sem í daglegu tali kallast
að fara fyrir strandir, strax þá um
sumarið. „Vegur fyrir strandir ligg­
ur um skilgreint landbúnaðarsvæði
sem hefur átt undir högg að sækja
og var nú nýverið skilgreindur sem
partur af hringvegi um Vestfirði þar
sem ferðamálasamtök kynna nýja
ferðamöguleika vegna bættra sam­
gangna á Vestfjörðum með nýjum
tengingum svo sem Dýrafjarðar­
gangna og fl.
Stendur atvinnuþróun
fyrir þrifum
Á undanförnum misserum hef­
ur málinu verið fylgt eftir og ýtt á
stjórnvöld og Vegagerðina að flýta
sem kostur er hönnun þannig að
framkvæmdir geti hafist sem fyrst.
Ólafur Sveinsson, Sigurður Rún­
ar Friðjónsson og tengdadótt­
ir hans, Sigrún Hanna Sigurðar­
dóttir á Lyngbrekku, hafa meðal
annars beitt sér í málinu. Í saman­
tekt sem þau Sigrún Hanna og Ólaf­
ur Sveinsson unnu nýverið kem­
ur fram að á Lyngbrekku sé rekið
eitt af afurðahæstu kúabúum lands­
ins, en búið er í dag í þeirri stöðu
að ógerlegt er að þróa reksturinn
þannig að hann standist kröfur og
fylgi eftir þeirri þróun sem á sér stað
í atvinnugreininni. Benda þau á að
þar fari saman skortur á þriggja fasa
rafmagni, símasambandi sé veru­
lega ábótavant og vegurinn óviðun­
andi. Bent er á að á þessum vegi
séu tvær brýr yfir Laxá í Hvamms­
sveit og Hvammsá sem báðar verða
að teljast ónýtar, skert burðargeta
þeirra er með þeim hætti að ekki er
hægt að koma sértækum vinnuvél­
um og þungaumferð um veginn. Ef
halda á áfram þróun atvinnustarf­
semi á svæðinu segja þau nauðsyn­
legt að bæta innviði. Benda einnig
á að börnum á svæðinu hefur fjölg­
að og þar af leiðir að umferð skóla­
aksturs hefur aukist.
Loks segir að fyrirtæki eins og
rekið er í Lyngbrekku sé ein af
meginstoðum samfélags eins og er
í Dalasýslu. „Það yrði öllu samfé­
laginu gríðarlegt högg ef hætt yrði
við uppbyggingu sem þar er fyrir­
huguð, en verið er að þróa þessa
starfsemi í takt við tímann og ítr­
ustu kröfur um tækni, vinnuaðstöðu
og gæði. Á svæðinu eru einnig önn­
ur öflug bú, samvinna mikil á milli
þeirra og þróun til framtíðar.“ Í
samantekt Sigrúnar Hönnu og Ólafs
er þeirri beiðni komið á framfæri að
kannað verði með að flýta hönnun
og framkvæmdum á Klofningsvegi
nr. 590 eins og kostur er. mm
Lyngbrekka á Fellsströnd. Jörðin Svínaskógur er fjær á myndinni og nytjuð af bændum á Lyngbrekku. Ljósm. aðsend.
Skora á þingmenn að bæta innviði
sveitanna við Klofningsveg